Isaya 32:7 - Luganuzi Luswanu Kuli Wanhu Wose 2002

⁷ No munhu mono yasina mahala, kawezaga munhu mubi, kanyhi yendile kwituma zimbi du, mwene yendile kupinya zo kuwongomeza waciwa ne zinghani zakwe zo wulambi, no kuwemila ho walece kunozezwa ling'ani.

Isaya 32:7 ပူးပေါင်းရင်းမြစ်များ

Isaya 5:23

Na kanyhi so wulya mafupo wenyu, mukuwa kuwawopolela wanhu we masutya, no kuwemila ling'ani yawo i wanhu wono wasina masutya.

Matayo 26:4

Wakalongana weneco wose, wakulondola nzila yo kumwibatila Yesu ko wusugu, ho wamuwulaje.

Mika 2:11

“Wanhu awa, wakusaka muwizi mono yamemile wulambi no wukonji, mono yakutya ‘Nowila, divayi no wujimbi vilawile ko winji ku soko yenyu.’

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Zabuli 119:95

I wabi nawo wakusepa ho wambulaje, ninga ane nghwihwesa ze mejizo gako du.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 26:10

Hamba yiwe agwe wuli lusungu kuli wanhu wabi, ninga wene hamba si wamanyaga yaye ku wituma ze ling'ani. Hamba wawe luno, wali mu yisi ye wanhu we ling'ani, ninga wene vyo wakali kwituma zo wubi, hamba si wakusacila lukulu kuzimanya zo wuwaha wako.

Isaya 29:21

Mulungu kolowongomeza wanhu wose wono wendile kuwasonjeza-sonjeza wayawo. Hamonga na wono wendile kuwahijila i wabeno lajilize, na wono wendile kulonga zo wulambi ho wawapamanjize iwanhu we ling'ani walece kunozezwa i ling'ani yawo.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Isaya 59:15

Heya i mbeka yili hasina, na mono kalekaga zo wubi, kewonaga nha yabenile wulajilize.” Ninga Muwaha Mulungu yakondya kuziwona zizi zose, nayo hamba si yakwendezwa yaye lono yakuwona vyono hasina wiling'ano.

Danyeli 12:10

Ne wanhu wenji wolokwezwa. Ninga i wabi, hamba si wolozizuka zizo, langa wene wolocila kuwa wabi du. Langa we mahala wo wolozizuka.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.