Isaya 32:3 - Luganuzi Luswanu Kuli Wanhu Wose 2002

³ Ne meso gawo golowa gawalanjile wanhu, nago makutu gawo golowa gahulicize, ho gahulice visakwa vye wanhu.

Isaya 32:3 ပူးပေါင်းရင်းမြစ်များ

Isaya 29:18

Na mwi'zuwa lilyo kolo lyaza, i we ciziwi wolohulika kolo citabu cikusomwa kwe'zi yiwaha. Nawo wono wali cibofu, wono wekalaga mu wutitu, meso gawo golonugula wasume kuwona.

Isaya 29:24

Ne wanhu walele nawo wolotuga wizuce. Ne wanhu wono wekalaga wakung'ung'ulika nhondo zose, nawo wolokwenda kulanjizwa.”

Isaya 30:26

Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Isaya 54:13

Nane no mweneco nowejiza wanhu wako, kanyhi nowamotya wekale wapolile.

Yelemiya 31:34

Na mu vilo vivyo, holowa hasina kanyhi yunji mono kolowa kumwijiza muyagwe yunji yakumutya yamumanye Muwaha Mulungu, hambi i wanhu wose nha wolowa wakondya kumanya 'ne, ku wulawilila i wadodo sunga ne wanhu mututu wose. Nane nolowanenela u wubi wawo wose. Kanyhi hamba si nilagakumbucilila lukulu i mabi gawo gose gono wetuma. Vyo nghutya, ane no Muwaha Mulungu.”

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Maluko 7:37

I wanhu wakezina muno muno, wakatya, “Kanoza zose viswanu, yakuwanoza we ciziwi wahulice, na we cibwibwi walonje!”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.