Isaya 32:2 - Luganuzi Luswanu Kuli Wanhu Wose 2002

² Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Isaya 32:2 ပူးပေါင်းရင်းမြစ်များ

Zabuli 143:9

Gwe go Muwaha Mulungu, ane nghutiziza kuli'gwe, wumhonye kuli walugu wangu.

Zabuli 32:7

Agwe yo gwegwe go wutizizo wangu, kunghamisaga mu wugaye wangu. Nina wusangalale wuwaha vyono wakondya kumhonya.

Zabuli 63:1

Gwe Mulungu, yo gwegwe Mulungu wangu, nane nghukulondola kwe nhumbula yangu. Ne nhumbula yangu yikukaluciye muno, nho munhu mono yena nyhilu ye malenga, nina nyhilu kotya yisi, yono yinyalile, yono yisina malenga.

Zabuli 91:1

Hono wuwe wuli mu wudimi wo Mulungu, Mono Yalawiliciye, na hono wiwicile lukulu muli mwene, mono yali vilungo,

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 16:3

Nawo wakuwalonjela wanhu wa Yuda wakutya, “Ale mucilonjele zono citume. Mucicitile nho mubici wono wukung'unhice mahamha gayo mu misi mugati, mucilece cicehe mu mubeho wenyu. Hambi ase nha cili wahamizi, holeka muciwice i hanhu hono munhu yunji si kosuma kuciwona.

Isaya 25:4

I waciwa hamonga na wono wasina wutazi wose wakutiziza kuli'gwe nawo wakuwa wapolile mu vilo vyo wugaye. Kuwacitilaga mu mubeho yo mukukunzo, kanyhi kuwacehezaga mu mbeho mwi'zuwa likali. Ne wanhu wagazi, wahungucilaga, wenha libeho likali lyo mukukunzo.

Isaya 28:17

“No wiling'ano, wowa wo mulejehe wo kujelela musinji wuwo, nawo wihuwilwa cowa co cijelelo cayo co wima.” Ne mvula ye mabwe yolowuwusiza lukulu wutizizo we walambi wose, nalyo lihwazi lyolohuluma mucanyha yo wihundiko wawo liwuhodanje.

Isaya 41:18

Nane nogatula makolongo gahulume mu vigongo mu hanhu hakavu, ne mivwilo ye malenga yihulume mu malolo. Noligalusa linyika hawe malamba ga malenga, ne yisi nghavu hawe ne mivwilo ye malenga.

Isaya 43:19

Langa, muzilanjililaje zinghani zimhya zono nozituma. Nazo nha zakondya kwijela, nanye mosuma kuziwona lulu! Ane nosesa nzila yikolele mwi nyika, nimupelenyi ne makolongo ge malenga gahulume mumo.

Isaya 43:20

Nane kolo nakondya kutula makolongo gakuhuluma mu nyika, no kuwapela malenga i wanhu wangu wahagulwa, ale baho, sunga ne malimu gose ga mu mbago nago ho gomhela cogopo, nazo zinyhewe ne zinyacihema zonghumya nene.

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 33:14

U Muwaha Mulungu yakutya, “I vilo vyolokuza vyono nolowufisiliziza wihuwizo wangu wono nawehuwiziza i wanhu wa Isilayeli na Yuda.

I Cililo 4:20

Wakamusola u Wehele wo wumi wetu, u Mutemi, mono Muwaha Mulungu yamuhagula. U munhu mono cali cimwitumbiye, nha vyono yo kocitaza muli walugu wetu.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Yohana 7:37

Mwi'zuwa lyo mumalilizo we sikukuu yiyo, lyali yizuwa yiwaha. Yesu yakema, yakalonga yenuye lizi, yakutya, “Munhu wo wose, mono yakaluce, yaze kwangu yang'we.”

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.