Isaya 30:3 - Luganuzi Luswanu Kuli Wanhu Wose 2002

³ Ninga yuyo mutemi wa Misili, kowa yasina vilungo vyo kuwataziza yaye. Hambi u wutazi wono wolawa kuko ku Misili, nha womalicila du mu wongomele wuwaha muno.

Isaya 30:3 ပူးပေါင်းရင်းမြစ်များ

2 Watemi 18:21

Hamba wulanjiliye nha vyono Misili yo yokutaza? Ninga kowa nha wukwitumbila ligwami lyono libenece. Nalyo lyomuhoma u munhu wo wose mono kolitumbila. No mutemi Falawo wa Misili vyo yenha, hono munhu yunji yamwitumbile.”

Zabuli 108:12

Gwe go Muwaha Mulungu, cikukunena wucitaze kuli walugu wetu, hambi wutazi wono wukulawa kuli wanhu, nha si wokwila cinji yaye.

Zimbazi 25:19

Hono wumwitumbile munhu mono si mwihuwilwa, mu vilo vyo wugaye, yowa nha munhu mono yakujela kutafunya ndigwa ne lino lyono libenece, hamba kujenda no mugulu wono wutinghuce.

Isaya 20:5

Na wose wono wayitumbiye Kushi, no kwilumbila Misili, woloyilajila mbeka yawo kono ko yili, hambi witumbilo wawo nha wakondya kuhodanjika.

Isaya 20:6

Ne lizuwa lilyo kolo likuza, i wanhu wono wekalaga mu mhwani ye yisi ye Wafilisiti, wololonga watye, ‘Alu mulanje ta, zono ziwejeleye i wanhu wono cali ciwetumbiye ho wacitaze mu miwoko yo mutemi Waashuli alu mwene mbeka ho cosuma wule kupona?’ ”

Isaya 36:6

Ane manyile nha vyono, agwe witumbiye vyono yisi ya Misili yo yokutaza. Ninga wumanye, nha vyono yiyo, yowa nho munhu mono yakusola lidete-lulenga, kawa kujenda yakwisimatiziza, ninga wumanye vyono lidete lilyo lyobeneka likucifugule, mu muwoko wako. Ale, no mutemi wa Misili nayo vyo kowa yenha, hono munhu yunji yamwitumbile.”

Yelemiya 2:36

Hambi nha mweyibedegala nyo weneco, mukawa kuyipitucila i milungu ye makungugo ganji. Ninga mumanye vyono molokozwa cevu ne yisi ya Misili, nha vyono mwakozwa cevu ne yisi ya Ashuli.

Yelemiya 42:18

U Muwaha Mulungu, u Mulungu wa Isilayeli yakutya nhavi, “Ninga mulanjilile! Hono mwijelele du mubite kuko ku Misili, ale, nane nomukolelwenyi likuwo lyangu hawaha, nha vyono nawakolelwa likuwo i wanhu wa Yelusalemi. Nanye molowa yiwifyo no wizine hali wanhu wose, nawo wolomubedegalenyi, no kulitumamila litagwa lyenyu nha wulijitwe. Nanye hamba si molohawona hanhu baha kanyhi.”

Yelemiya 42:22

Holeka ku soko yiyo, mumanye nha vyono, anye wose molofwila mu wulugu, hamba mu nzala, hamba mu matamwa, ku yisi yiyo yono mukusaka mubite mukekale.”

Yelemiya 46:25

U Muwaha Mulungu, we mihanga, u Mulungu wa isilayeli, yakutya nhavi, “Noyilipiciza yisi ya Amoni, u mulungu wa Tabesi, ne yisi ya Misili, hamonga ne milungu yayo, ne watemi wayo. Nomusola u mutemi wa Misili, hamonga ne wanhu wose wono wamwitumbiye,

Ezekiyeli 29:7

Hambi nha wali weza kumwegamilenyi, anye mukawa kubeneka, no kuwacinyanga mu mawega gawo gose, no kuwapela wusungu wuwaha mu migongo yawo.

Hoseya 10:6

Ne cihwani cico ce ndama, colosolwa sunga ko ku Ashuli, ciwe kodi kuli wutemi wa Ashuli. Nayo Isilayeli yolokolwa cevu no kuwona soni so nghani yayo yeneco.

Walumi 10:11

I Mandiko Gono Gelile gakutya, “Muli wose mono kumwihuwila, si kolokozwa soni.”

Walumi 5:5

U witumbilo wuwo nawo si wosuma kucikoza cevu, hambi u Mulungu, nha yakondya kucijidila u wendo wakwe mu zinhumbula zetu, mu nzila yo Muhe Mono Yelile mono capegwa.