Isaya 3:9 - Luganuzi Luswanu Kuli Wanhu Wose 2002

⁹ No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Isaya 3:9 ပူးပေါင်းရင်းမြစ်များ

Mwamulizo 13:13

Ale, i wanhu wa kuko ku Sodoma, wali wanhu wabi muno, kanyhi wali wahodanji wawaha hali Mulungu.

Mwamulizo 19:34

I mitondo yaco, u mwana we cicekulu muwaha, yakawa kumulonjela u mwanakwawe yakutya, “Wayiko mwanakwetu, ane no muyago, yigolo ne cilo, nagona na baba, holeka izuwali cimupelaje kanyhi divayi, yang'we yakolwe, hanyuma nagwe ho wubite wukagone nayo, ho cituje lulelo ko sogo yetu.”

Mwamulizo 4:5

Ninga u Mulungu siyendezwa hamba hadodo na Kayini, hamonga ne vilavywa vyakwe. Hodu, nayo Kayini yali yeza kuziwona zizo, yakawa kukolwa ne likuwo muno muno, no wusu wakwe wukakununghala muno muno, ku soko ya lilyo likuwo lyakwe.

2 Watemi 9:30

Yehu yali yeza kufika mwi'kaya lya Yezeleli, yakamwagana Yezebeli yakondya kuzihulika zose zono zijeye, holeka yakawa yeyola na lanji ndunghu mu zinghope ze meso gakwe, yetonanga ne zimvwili zakwe, yakawa yemile he 'dilisha mu kaya ye likulu yalanjile ku nzila.

Zabuli 10:4

U munhu mubi, mu wulawilila mu widunhumuzi wakwe, hamba si kamucelelelaga Mulungu, ne mahweso gakwe gose katezaga, “Hasina Mulungu.”

Zimbazi 15:32

Ninga hono wuwe wuli ng'anje ku wufundwe, kokwitamisa go mweneco. Na hono wuvumile kufundwa, kowa na nhumbula swanu.

Zimbazi 30:13

Ko wali wanhu wanji, wono wewonaga waswanu, Lanje ta, vyono wakwidunhumula weneco!

Zimbazi 8:36

‘No munhu mono si yakumbona'ne, yakwitamisa mweneco. No munhu mono yasulile 'ne, ayo yendile lifwa.’ ”

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Isaya 3:16

Muwaha Mulungu yakutya, “Lanje ta, i wacekulu wa mu Yelusalemi vyono wewoni! Wajendaga wagalamice mhula zawo mucanyha. Nhondo zose wekalaga wakukonyeza, ne meso gawo go wulembule. Wajendaga wakunyata, ne zimbilili zawo zikulila.

Isaya 57:20

Ninga i wanhu wabi, wehwanile ne lilenga lyono lisagahaye, lyono mawingo galyo si gatulaga yaye, ne malenga galyo galapusaga madabaga hamonga ne makucilu.

Isaya 59:12

“Gwe go Muwaha Mulungu, masutya getu gono cikusutizye nha menji muno. No wubi wetu wukucihomelela. Nase cigamanyile masutya getu gose.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

I Cililo 5:16

Hasina cinji cono cisigaye, muli vyose vyono celumbilaga. Heya cetuma wubi, nalu congomezwa.

Ezekiyeli 16:30

Alu, azi zo yakulonga u Muwaha Mulungu yakutya, ‘Agwe Yelusalemi, wetuma zizi zose nho mucekulu musenyha mono yasina hamba cevu yaye.

Ezekiyeli 16:49

Ninga hamba nhavivyo, nayo Sodoma, hamonga ne wanagwe we cicekulu, wakedunhumula muno ku soko ye zindigwa nyinji zono wali wena, hamonga no wikale wawo wo mulamu no wucehe. Ninga si wawalanjilila i waciwa na wono wali wena wanjile.

Ezekiyeli 23:16

Nayo Oholiba yali yeza kuwawona du, hobaho baho yakebatwa no wusulumizi, yakawa kutuma wanhu wabite ku Babiloni.

Danyeli 7:20

Na kanyhi nghasaka ho manye za ga galya i mahembe yikumi, gono gali gali mu mutwe walyo, hamonga na ze lihembe lililya lyono lyakunghumuka no kulawila, no kuganoza mahembe ga galya madatu gagwe. Na vyono kanyhi, lyali lina meso no mulomo, kanyhi likikumya ko widunhumuzi muno muno. Na kanyhi lyali yilimu lya kogofya muno si nhe mayagwe.

Hoseya 13:9

“Nane nomongomezenyi anye nyo Waisilayeli! Nayo nani mono kosuma kumutazenyi?

Hoseya 5:5

No wiwoni we Waisilayeli, wukuhomelela muli wene. No wubi wawo wukuwakobaza no kuwagwisa, ne wanhu wa Yuda wakugwizana hamonga nawo.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

Wugubule 11:8

Ne mivimba yawo, yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma, hamba Misili.

1 Samwili 15:32

Nayo baho Samwili yakamulonjela Sawuli yakatya, “Ale wundetelaje ahano Agagi mutemi we Waamaleki.” Nayo Agagi yakawa kuza kuli Samwili, yakucicima so woga, akuno yakwihwesa mweneco mu nhumbula yakwe yakutya, “Na mbeka lifwa co cinhu co wusungu muno!”