Isaya 3:8 - Luganuzi Luswanu Kuli Wanhu Wose 2002

⁸ Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Isaya 3:8 ပူးပေါင်းရင်းမြစ်များ

2 Zinghomo 28:18

Na mu madaha gago kanyhi, nawo Wafilisiti wali wenjila no kugahoma makaya ga ku lubavu lwa ku mwezi ga mu matunda, hamonga na ga mu yisi ya Yuda ku lubavu lwa kutakama. Nawo wali wakondya kugasola makaya ga Beti Shemeshi, na Ayijaloni, na Gedeloti, hamonga ne makaya ga Soko, na Timuna, na Gimuzo, hamonga ne vitumbi vyayo vyose. Nawo wakawa kuhamilila lukulu mumo.

2 Zinghomo 33:11

Holeka nayo Muwaha Mulungu, yakawa kuwaleka wasilikale wa Ashuli wayihome Yuda. Wakamuteka Manase, wakamuwicila vidobogo vya cuma mu zimhula zakwe, wakamuwopa ne manyolo, wakamutegula ku Babiloni.

Zimbazi 26:27

Ne wanhu wono wawategaga wayawo mitego, wagwilaga kanyhi weneco. Ne wanhu wono wabidusaga libwe, ho liwagwile wayawo, libwe liwuyaga no kuwagwila weneco.

Isaya 1:7

Ne yisi yenyu yaweza yitongo, ne makaya genyu gatakamizwa no moto. Ne wajenzi wayisola yisi yenyu ha meso genyu, no kuyongomeza, hamonga na vyose vyono vili mumo.

Isaya 49:19

“Hambi yisi yako nha yali yakondya kulekwa lyawa yitongo, ninga aluno yolowa yisi finyu yono si yolowakwila wose wono wolokuza wekale mumo. Na wose wono wakunoza wuwe yitongo, wolowuswa wawe kutali nagwe.

Isaya 57:4

Alu mwene 'nye, muli wa nani nyenye lo, mono mukunoza nha nzwaji? Hamba 'lu muli nani mono mweza mwina lwedu no kukwamvya zinimi zenyu?

Isaya 59:3

Hambi anye nha muli wasutyi ku soko yo wulambi wenyu, no wugazi wenyu, hamonga no wuwulaji wenyu.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Isaya 9:17

Holeka nayo Muwaha Mulungu, hamba si kowaleka wazelelo wapone yaye. Kanyhi hamba si kowawonela lusungu i wacekulu wafwile, hamonga ne wana wono wasina walezi wawo. Hambi i wanhu wose nha weza wahodanji kanyhi wabi. Sunga na zose zono walongaga, vyo 'mbi du. Hamba nhavivyo likuwo lyo Muwaha Mulungu si lyoduma yaye, ninga muwoko wakwe wowa wugoloywe du ho yalipicize.

Yelemiya 23:36

Ninga si yiwanojeye wajendelele kwitumamila zinghani zo wutya, ‘U mutegulo wo Muwaha Mulungu.’ Na hono munhu wo wose yejelele du yanoze nhavivyo, nane noyinoza nghani yangu mbeka yiwe mutegulo kuli munhu yuyo. Hambi i wanhu nha wakondya kuzileka zinghani zo Mulungu wawo, u Mulungu mumi, u Muwaha Mulungu, we mihanga.

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Yelemiya 44:3

vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

Ezekiyeli 8:12

Nayo Mulungu yakambuza yakatya, “Gwe go munhu, wule, wukuziwona ta zono wakwituma cinyele i walongola we Waisilayeli? Wuwalangaje ta, wose wakuhemba mu nyumba yono yimemile vihwani. Akuno wakwikojela wakutya, ‘Mulungu nha si yakuciwona! Hambi nha yakondya kuyileka yisi.’ ”

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

Hoseya 5:5

No wiwoni we Waisilayeli, wukuhomelela muli wene. No wubi wawo wukuwakobaza no kuwagwisa, ne wanhu wa Yuda wakugwizana hamonga nawo.

Hoseya 7:16

Vyo wakali du wakuwuya ne nyuma wakundeka, wakumutyatya mulungu wo wulambi, mono yasina vilungo. Waweza si wehuwilwa hamba hadodo, waweza nha wupinde wono si wukwiliye cinji. Hambi walongola wawo, nha wakulonga ko wivuni, ninga walekaje, wolofwa cifo cibi muno, sunga ne Wamisili wolowaseka.”

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Habakuki 1:13

Ninga socici wukusuma kwima kuli wanhu awa wakoci, kanyhi wabi? Ne meso gako nha gelile, ku wulanga zo wubi, hamba si kosuma kwima ku lubavu lwe wanhu wetuma zimbi. Alu socici wunyamaye lono wakuwahodanga wanhu wono wali ling'ani si nha wene?

1 Wakolinto 10:22

Hamba cikuhila kumunoza u Muwaha yawone wivu? Hongo mukwihwesa ase cili vilungo si nho mwene?

Yuda 1:15

ho yalavye u wuling'anizwe kuli wanhu wose, kuwaling'aniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”