Isaya 3:5 - Luganuzi Luswanu Kuli Wanhu Wose 2002

⁵ Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Isaya 3:5 ပူးပေါင်းရင်းမြစ်များ

2 Watemi 2:23

Hodu Elisha yakatuluka ku wulawa Yeliko, yakabita ku Beteli, na lono yali yakali yali mu nzila, wazelelo wanji wakamuziza wakulawa mumo mwi'kaya lya Beteli, wakamwizwajiza wakutya, “Wuwuce baha, agwe go munhu wo muhalu!”

Isaya 1:4

Holeka, alu mokongomezwa, anye nyo likungugo lyono lina wubi, anye nyo wanhu wono mwendile mafupo, kanyhi muli wabi! Ninga mumanye nha vyono, u wubi wenyu wuwo, womukulunhyenyi hasi! Hambi anye nha mwamulema Muwaha Mulungu, u Mulungu mono yelile we Waisilayeli. Mwakondya kumupitucila mugongo.

Isaya 11:13

No wutemi we Waisilayeli si wolowuwonela wivu kanyhi u wutemi wa Yuda. No wutemi wa Yuda nawo si wolowa mulugu kanyhi wo wutemi wa Isilayeli.

Isaya 19:2

Muwaha Mulungu yakutya, “Nosagahiza wulugu mu yisi ya Misili, wehome Wamisili wose weneco kwa weneco, nawo wokwihoma nduguye no nduguye, munhu no mwikalani muyagwe. Nago makaya, gokwihoma yikaya ne likaya liyagwe, wutemi no wutemi wuyagwe.

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Walawi 19:32

“Mweze kuwapela cogopo i wakombi, no kuwapela lilumbo lyawo. Munyogope nene, ane no Muwaha Mulungu.

Amosi 4:1

Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Mika 7:2

Hasina munhu mwihuwilwa mono yasigaye mu'si, hamba munhu mono yali cihuliko hali Muwaha Mulungu. Munhu wo wose kalondolaga cilejeho ho yetume zo wuwulaji. Munhu wo wose kamupelembaga nduguye ho yamugwize.

Zakaliya 11:6

U Muwaha Mulungu yakatya, “Sinomuwonela lusungu kanyhi munhu wo wose mu yisi yiyi. Nene no Muwaha Mulungu, nowawika wanhu wose mu miwoko ye walongola wawo, ne walongola wawo wayihome yisi yiyi, nane hamba sinowaponya mu miwoko yawo yaye.”

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Matayo 26:67

Iwene wakapitula wakatya, “Yimunojeye yafwe!”

Maluko 14:65

Ale ho baho baho du, wanji wa muli wene, wakanza kumufunyila mate, wakamugubika wusu, wakamutowanga makofi no kumutya, “Ale wutambule ta, nani mono yakutowile!” Sunga ne wetumami wakamusola, nawo wakamutowanga makofi.

Luka 22:64

Wakamuwopa na citambala ku meso, wakamuwuza, wakutya, “Ta wucitambulilaje, mono yakutowile nani?

Yakobo 2:6

Ninga nye mukuwabedegala wanhu waciwa! Ninga iwagoli wo wawo wono wakumugazenyi no kumutegulenyi kuli Mahakama?

Yakobo 5:4

Simwawalipa misahala i wetumami wono wetumo mulimo mu migunda yenyu. Lanjenyi ta vyono wakukalala? Icililo ca wawo wono wakududula mu migunda yenyu, cafika mu makutu go Muwaha Mulungu u Mudaha vyose.