Isaya 3:23 - Luganuzi Luswanu Kuli Wanhu Wose 2002

²³ hamonga ne vilole vyawo vyo kwilanjila, ne vitambala vye bafuta vye mafuwa, ne mikumbo miwaha, hamonga ne vitambala vitali vyono wegubicizaga ku wusu.

Isaya 3:23 ပူးပေါင်းရင်းမြစ်များ

Mwamulizo 24:65

yakawa kumuwuza u mwitumami wa Abulahamu, yakutya, “Alo yu yulya nani mwene, mono yali mwi'wimbi, mono yakuza kucihinjiliza?” Nayo u mwitumami yakatya, “Yo muwaha wangu ye.” Hodu Labeka yakasola shela yakwe, yakawa kwicitiza ku wusu wakwe.

Mwamulizo 41:42

Baho, Falawo yakawa kuyiwopola nyamwidole yakwe ye citanjilo mu cidole cakwe, yakawa kumuvwika Yusufu, yakawa kumuvwaliza no mwenda wo wuhamba wuswanu, hamonga no mukufu wa zahabu mu singo yakwe.

1 Zinghomo 15:27

nayo Dawudi lulo, yali yavwalile musweko wa bafuta swanu muno. Na hakawa ne wembi, Kenaniya, u mutonji wawo, ne Walawi wono wali walidinghuye Lisanduku lye Cilagane. Dawudi yakavwala hamonga ne efodi ya bafuta swanu.

Wutuluce 38:8

Hanyuma yayo, yakanoza ciya ca shaba, hamonga ne litende lyayo lya shaba, ku wulawa mu vilole vye shaba vyo kwilanjila, vye wetumami we cicekulu, wono wetumamilaga ha mulango we Lihema lyono lyelile.

Lwimbo Luswanu muno 5:7

Nawo walindilizi wono wapilimaga mwi'kaya, kumbe wakambona, wakanhowanga no kumhela zinghomele. Nawo walindilizi wono wagalanjililaga majinji ge likaya, wakayidemulanga kofiya yangu.

Isaya 3:22

Nowawusiza hamonga ne vivwalo vyawo viswanu, i myenda ye mawala ne mitote, ne magawoni, ne mikoba midodo ya mu mawoko,

Isaya 3:24

No munungho mubi, wolohomela ha wibaka vye mhunjile swanu. Woleka wuvwala misipi miswanu, langa wovwala milejehe. No wuwe wo kuwa na mvwili swanu mu mitwe yawo, alu wowa na mikulungu. Nawo mu wuvwala myenda yo wulenzi, alu wovwala masambi-sambi du. No wuswanu wawo wose ku wulangwe, wogaluka cevu!

Isaya 47:2

Alu wusole zinzala! Wusaje wusaje! Wuwuse citambala cako co kugubika wusu wako, wuyiwopole ne myenda yako miswanu! Wukunyaje mwenda wako kusika, ho wulowoce vikolongo!

Ezekiyeli 16:10

Nghakuvwika musweko muhambwe, nghakupela ne malatu gono mahone ne nyhingo swanu muno, hamonga ne citambala ce bafuta co kwiwopa ku mutwe, no mwenda we halili.

Zakaliya 3:5

Yakawalajiliza wetumami wamuvwalize Yoshuwa ne mukumbo muswanu mu mutwe wakwe, nawo wakamuvwika. Hanyuma wakasola ne myenda mipya nayo wakamuvwaliza. Lulo malayika wo Muwaha Mulungu yali yemie baho yalanjiliye.

Luka 16:19

Ale, kwali na munhu yunji mugoli, yavwalaga myenda yo wuguzi wukamu muno, myenda ye liwala lyo lugandu na bafuta swanu. Yekalaga yakumota vilo vyose.

Wugubule 19:14

Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.

Wugubule 19:8

Nayo yavwalile mwenda we bafuta swanu, kanyhi yikung'alala!” (U mwenda wuwo we bafuta swanu go metumo maswanu ge wanhu wo Mulungu.)

Lutu 3:15

Bowazi yakamutya Lutu, “Ale wulete mwenda wako wono wuvwalile wuwibate mu mawoko.” Nayo Lutu yakawa kuwibata, Bowazi yakawa kulunda kilo makumi mejete go wuhemba mu mwenda, yakawa kumutwika Lutu mu mutwe. Yakawa kubita nawo ku kaya kwawo.