Isaya 3:12 - Luganuzi Luswanu Kuli Wanhu Wose 2002

¹² Nawo wanhu wangu wokwigalilwa ne wana, ne wacekulu wo wolowatema. Nye nyo wanhu wangu, i walongola wenyu wakumwajilizenyi, ho mulece kuyiwona nzila yono munojeye muyikole.

Isaya 3:12 ပူးပေါင်းရင်းမြစ်များ

2 Watemi 11:1

Nayo Ataliya u nyina yo mutemi Ahaziya, yali yeza kumanya nha vyono mwanagwe Ahaziya kakondya kuwulagwa, hodu nayo ho baho baho du yakalajiliza nha vyono, i wana wose we citemi hamonga ne zimhuga zawo, wanojeye wawulagwe.

Jobu 30:13

Wayihodanga nzila yangu, wakusaka wanyongomeze na hasina munhu mono kosuma kuwemila.

Zimbazi 28:16

No mutemi mono yasina wizuce, kawezaga mugazi muno. Ninga mono yawusulile wusulumizi, yuyo kotema vilo vinji.

Muganuzi 10:16

Woyi, hee, kuli'gwe, go yisi, hono mulongola wako yawe yakali muzelelo, ne walongola wako hono wanoze sikukuu hakali mitondo!

Isaya 19:14

Ninga Muwaha Mulungu, yo yawanoza wawe no wulanjizi wo wajilizi. Holeka nayo Misili, zose zono yikwituma, yikwituma kotya munhu mono yagalile wujimbi, mono yakupebesuka no kutelela mu madeko gakwe mweneco.

Isaya 3:4

Muwaha Mulungu kolowawika wadodo wo wawe watemi wawo heya, i wana wagalika wo wolowatema.

Isaya 51:22

Muwaha Mulungu u Mulungu wenyu mono yakumudimenyi yakutya nhavi, “Alu, neza kuciwusa cikombe cono namupelelenyi mwi'kuwo lyangu. Alu hodu si mojendelela kanyhi kung'wa yaye, wujimbi wono wukumunozenyi muwa kupebesuka.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Mika 3:5

Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

Nahumu 3:13

Hambi wasilikale wako wo wulugu, nha weza nha wacekulu, ne yisi yako yeza yisina mulindilizi ha mwande ye walugu wako. No moto wogahodanga macuma gono wugapinjice mu malango ge likaya lyako.

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [