Isaya 3:11 - Luganuzi Luswanu Kuli Wanhu Wose 2002

¹¹ Ninga woyi he, kuli wanhu wabi, hambi nha wolopegwa wulipicizwe, nha vyono wene nawo wawatendelaga vibi wayawo.

Isaya 3:11 ပူးပေါင်းရင်းမြစ်များ

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

2 Samwili 3:39

Na nene no mweneco hamba niwe nahagulwa no Mulungu niwe mutemi, ninga nghuhulika wusocele wuwaha muno muno izuwali. Ne wana wawa we cilume wa Zeluya, wakamu muno kuli'ne. Ale, Muwaha Mulungu yawalipicize so wubi wawo!”

1 Watemi 21:21

Holeka nayo Muwaha Mulungu yakukutya, ‘Nokuletela magayo mawaha. Nokuwusiza lukulu, hamonga ne walume wose wa mu mhuga yako, i wazelelo hamonga ne wakombi nhavivyo.

2 Zinghomo 6:23

Agwe go Muwaha Mulungu, wuhulice kuko ku wulanga, wuyiling'anize nghani yiyo muli wanhu wako. Wumulipicize mono yena lisutya, mu nghango ye masutya gakwe, no kumuleka ayulya mono yasina lisutya ku soko yo wihuwilwa wakwe.

Jobu 10:15

Na hono sutye du, hodu du kuligwe, neyinjiza mu magayo, na hono nitume ziswanu, si nghwambulila cinji yaye. Nane memile cevu, nghuwuwona wugaye wangu du.

Zabuli 28:4

Wuwalipicize nha vyono genha metumo gawo, nha vyono genha masutya gono wetumile. Wuwalipicize mu nghango ye metumo gawo, wuwatendele nha vyono yiwanojeye.

Zabuli 62:12

heya, u lusungu nha lwakwe Muwaha Mulungu, hambi agwe nha kumupelaga munhu wo wose, mu nghango ye metumo gakwe.

Zimbazi 1:31

Holeka luno, zomwaganenyi zono ziwanojeye, ne metumo genyu gomupelenyi mhungo.

Zimbazi 11:31

Ne wanhu waswanu, watugaga cihumbilizwa cawo baha hono yinze. Holeka wumanye vyono i wabi hamonga ne wanyo wubi wose, wololipicizwa.

Zimbazi 12:14

Ne cihumbilizwa cako, cowa cili mu nghango ya zono kuzilongaga, na zono kwitumaga. Kopegwa vyono yikunojeye.

Zimbazi 26:27

Ne wanhu wono wawategaga wayawo mitego, wagwilaga kanyhi weneco. Ne wanhu wono wabidusaga libwe, ho liwagwile wayawo, libwe liwuyaga no kuwagwila weneco.

Muganuzi 8:13

ninga kuli wabi, ako kusina nyemo hamba hadodo. Wawo wene, wopuluta nha mwenzenze, si wosuma kuwuponya wumi wawo, hambi nha si wamogopile Mulungu yaye.

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 48:22

Muwaha Mulungu yakutya, “Hasina mulamu kuli wanhu wabi.”

Isaya 65:20

Ne wana wagalika, si wolowa kufwa yaye lono wakali wadodo. Ne wanhu wose wolowa kwikala vilo vinji mono'nze. Na wono wokwikala sunga waficile myaka yigana limonga, wowa kuwalwa nha wazelelo du. Na munhu hono yafwe yakali si naficila myaka yiyo, cowa co citanjilo nha vyono ane yo nene mono nimulipicize.

Isaya 65:6

“Nane nakondya kuwawikaniziza wulipicizwe wawo, no wuling'anizwe wawo, wakondya kwandikwa. Nane hamba si nozisemwa yaye zono wetumile, ninga langa nowalipiciza du,

Isaya 65:7

ku soko yo wubi wawo, hamonga no wubi we walezi wawo. Lanje vyono wakufusa wuvumba mu vikumbicilo vye wanhu wono si wamumanyile Mulungu, vyono vizenje mu vigongo visiwanulwe, no kunhovulanga. Holeka nane, nowalipiciza du nha vyono genha metumo gawo gono gapuluta.”

Yelemiya 21:14

Ninga 'ne nokuhoma nghulipicize, ku soko ye metumo gako. Nolipembela moto, likaya lyako lyo wutemi, nivikongojeze ne vinhu vyose vyono vilipilime. Vyo nghutya ane no Muwaha Mulungu.”

Yelemiya 31:30

Ninga hamba nhavivyo, u munhu wo wose mono kololya zabibu zi nghali, i meno gakwe golofwa yitenene. No munhu wo wose, kolofwa ku soko yo wubi wakwe mweneco.”

Ezekiyeli 16:59

U Muwaha Mulungu yakulonga yakutya nhavi, “Ane nomutendelenyi nha vyono munojeye. Hambi nha mwabedegala wihuwizo wenyu, no kucibena cilagane.

Ezekiyeli 18:20

Langa mono yakwituma wubi, ale, yuyo du yo kofwa. Umwana, si kofwa so wubi wo sogwe, hamba sogo yo munhu nayo, si kofwa yaye ku soko yo wubi wo mwanagwe. U munhu muswanu kohumbilizwa so wituma ziswanu wakwe. No munhu mwituma zimbi, nayo kofwa so wubi wono ketumaga.

Ezekiyeli 2:10

U muwoko wuwo, wukawa kucitandakula citabu cico cipalinje, nane nghawona cali cina mandiko mbavu zose. I cililo co wusungu cali candicigwe mumo hamonga no wugule!

Ezekiyeli 24:14

Vyo nghutya ane no Muwaha Mulungu. Nha vyono cidaha caza, nane nokwituma. Nane hamba si nowunenela wubi wako, hamba kukuwonela lusungu, hamba si nokuleka yaye. Langa nokulipiciza du ku soko ye metumo gako gono wetuma.” Vyo yakutya u Muwaha Mulungu.

Ezekiyeli 33:8

Na hono nghulonjele nha vyono u munhu ayo kofwa hono yalece kupituka no kuwuleka wubi wakwe, nagwe wikale si wumusuguye yaye yapituce, nayo lu ho yafwile mu wubi wakwe. Ale nane nokuwamba gwegwe, nghulipicize ku soko ye lifwa lyo munhu yuyo.

Mika 3:4

Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Mika 7:13

Ninga yisi yolowa nyika, ku soko yo wubi we wanhu wono wekaye mumo.

Wuwale 32:23

Ninga hono mubene wihuwizo wenyu, mbeka nghumusugulenyi, vyono, mowa mwamusutizya Muwaha Mulungu. Holeka mulecele lukulu kusutya muli yiyi, hambi hono mubene wihuwizo wenyu, nha molipicizwa ku soko yo wubi wenyu.

2 Wakolinto 5:10

Hambi ase wose nha yowa yicinojeye kwima he'goda lyo wuling'anizi lya Kilisito, u munhu wo wose, ho yabocele zono zimunojeye, nha vyono genha i metumo gakwe gono yetumaga, lono yali yakali yekaye mononze, hono maswanu, hamba mabi.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

Walamuzi 9:57

Kanyhi Mulungu yakawapela wugazice wuwaha wanhu wa ku Shekemu so wubi wawo, nha vyono Yotamu, u mwana muziwanda wa Gideyoni mono yacemwaga Yelubaali, yalonga lono yawalijitila.