Isaya 3:10 - Luganuzi Luswanu Kuli Wanhu Wose 2002

¹⁰ Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 3:10 ပူးပေါင်းရင်းမြစ်များ

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

Zabuli 58:11

Ne wanhu wose wolonga wotya, “Heya mbeka wanhu we ling'ani wahumbilizwaga! Na mbeka u Mulungu, ho yuli mono yakuyiling'aniza yinze!”

Wutuluce 1:20

Na vyono wadala wamogopaga Mulungu, nayo Mulungu yakawatendela viswanu wa walya wadala, ne wanhu wa Isilayeli wakenjipa.

Zimbazi 10:6

U munhu muswanu katugaga wumoteswe. Ninga zinghani zo munhu mubi, zigubikaga wugazi.

Zimbazi 12:14

Ne cihumbilizwa cako, cowa cili mu nghango ya zono kuzilongaga, na zono kwitumaga. Kopegwa vyono yikunojeye.

Zimbazi 13:21

Magaziko, gawatyatililaga i wabi, hanhu hose. Ninga we ling'ani, wohumbilizwa ne vinhu viswanu.

Zimbazi 18:21

Ne zinghani zono wukuwa kuzilonga, zosuma kuwukamisa wumi wako hamba kuwongomeza. Holeka kobocela nha vyono zinha zinghani zako.

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

Isaya 54:17

“Ninga hamba nhavivyo, howa hasina citwalo co cose cono cosuma kukutamisa yaye. Nagwe kowa wina yo kumupitula munhu wo wose mono yakukusitaka. Ane nowadima wetumami wangu nowapela no wusume.” Vyo yakutya Muwaha Mulungu.

Yelemiya 15:11

Gwe go Muwaha Mulungu, nane nghutya, hono niwe ane si nakwitumamila viswanu, ale malijito gawo lece ganyizize, na hono niwe si nakunena, ku soko ye walugu wangu, lono wali wali mu wugaye, hamonga no wusungu wuwaha.

Yelemiya 21:14

Ninga 'ne nokuhoma nghulipicize, ku soko ye metumo gako. Nolipembela moto, likaya lyako lyo wutemi, nivikongojeze ne vinhu vyose vyono vilipilime. Vyo nghutya ane no Muwaha Mulungu.”

Yelemiya 22:15

Alu mwene gwee! Kolo wazenga kaya swanu ko mubici wo muhagata, alo kaya yiyo yo yokunoza wuwe mutemi muswanu lo? Mono kowa wuli muswanu, wucizize sunga ne watemi wanji lo? Ninga wumanye nha vyono, u sogo yekala mu mikalile yo wumoti, Nayo yali yali ling'ani, na we mbeka vilo vyose. Na ku soko yiyo, yakamoteswa mu milimo yakwe yose.

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Ezekiyeli 18:20

Langa mono yakwituma wubi, ale, yuyo du yo kofwa. Umwana, si kofwa so wubi wo sogwe, hamba sogo yo munhu nayo, si kofwa yaye ku soko yo wubi wo mwanagwe. U munhu muswanu kohumbilizwa so wituma ziswanu wakwe. No munhu mwituma zimbi, nayo kofwa so wubi wono ketumaga.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Mika 7:13

Ninga yisi yolowa nyika, ku soko yo wubi we wanhu wono wekaye mumo.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Malaki 3:18

Kanyhi i wanhu wangu, ho wolowuwonela wisimajile wono wolowa, kuli we ling'ani na kuli i wanhu wabi, na kuli munhu mono yakunyitumamila, na kuli yulya mono si yakunyitumamila'ne.”

Luka 19:19

Yakamutya nayo, ‘Nagwe weze muwaha mu makaya mahano.’ ”

Wukumbucize wo Wulajilize 12:25

Na hono mulibate lilajilizo lili, mbeka Muwaha Mulungu kokwendezwa nanye, na zose zono mowa kwituma, zowa moteswe kuli'nye na kuli wana wenyu.

Wahebelaniya 6:10

Hambi u Mulungu nha si kawezaga yasina ling'ani, u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe, mu witumami wenyu wono mwawetumamila, na vyono sunga na lulu mukali mukuwetumamila i wanhu wakwe.