Isaya 3:1 - Luganuzi Luswanu Kuli Wanhu Wose 2002

¹ Lanje ta! Muwaha Mulungu, u Muwaha Mulungu u Mudaha vyose, u Mulungu we mihanga, yakuwawusiza vinhu vyose vyono wetumbiye Yelusalemi na Yuda. Kowawusiza zindigwa ne malenga gawo,

Isaya 3:1 ပူးပေါင်းရင်းမြစ်များ

2 Watemi 25:3

Na mwizuwa lye licenda lya mu mwezi we'kane, wa mu mwaka wuwo, yikawa yagwa nzala, ne nzala yiyo yikawa nzala mbaha muno, sunga ne wanhu wakawa wasina hamba cinji co cose co kulya.

Zabuli 105:16

Mulungu yakayiletela nzala yisi yawo, yakayihodanga ndigwa yawo yose.

Isaya 1:24

Nalu muhulicize zono yakulonga u Muwaha Mulungu u Mudaha vyose, u Mulungu wa Isilayeli yakutya, “Alu, nowalipiciza walugu wangu, nawo si wongaza kanyhi.

Isaya 2:22

Mulecele lukulu kumwitumbila munhu mono wumi wakwe wudumaga nha wehele. Hambi nha si yakwiliye cinji?

Isaya 3:16

Muwaha Mulungu yakutya, “Lanje ta, i wacekulu wa mu Yelusalemi vyono wewoni! Wajendaga wagalamice mhula zawo mucanyha. Nhondo zose wekalaga wakukonyeza, ne meso gawo go wulembule. Wajendaga wakunyata, ne zimbilili zawo zikulila.

Isaya 36:12

Ninga mwene yakamupitula yakatya, “Alu, 'nye, mulece kwihwesa nha vyono mutemi wa Ashuli kanhuma ho nonje zizi na nyenye hamonga no mutemi wenyu du, aa ng'o. Langa nghulonga na kuli wanhu wose wono wekaye mwi'jinji mucanyha nawo wose wazihulice. Hambi wene nha wo wolya mavi gawo, kanyhi wang'we ne matunzi gawo weneco, hamonga na nyenye wose.”

Isaya 5:13

Holeka ku soko yiyo, mosolwa mutegulwe ku yisi yo kutali so wuleka kumanya 'ne. Ne walongola wenyu wolofwa so nzala, ne wanhu wanji wose, wolofwa so nyhilu ye malenga.

Isaya 51:22

Muwaha Mulungu u Mulungu wenyu mono yakumudimenyi yakutya nhavi, “Alu, neza kuciwusa cikombe cono namupelelenyi mwi'kuwo lyangu. Alu hodu si mojendelela kanyhi kung'wa yaye, wujimbi wono wukumunozenyi muwa kupebesuka.

Isaya 9:20

Ne wanhu wose wa mu yisi yose munhu wo wose, kosuma kukwepula no kulya cinhu co cose cono yakuwona, soko du hono ciwe cikuwa kuligwa. Ninga hamba nhavivyo, si wakwiguta yaye. Sunga nhondo wowa kulya sunga ne wana wawo.

Yelemiya 37:21

Hodu baho, u mutemi yakawa kulajiliza nha vyono mbopwe mwi'kumbo lya mwi'kulu. Nane nekala baho, akuno nghupegwa mukate monga du nhondo zose, wono walawaga ku wateleka mikate, sunga mikate yose nhondo yikamalika mwi'kaya.

Yelemiya 38:9

Kanyhi wumanyile nha vyono, sunga na mono 'kaya, musina ndigwa yaye.”

Yelemiya 52:3

Nayo u Muwaha Mulungu, yakawakolelwa muno likuwo i wanhu wa Yelusalemi na Yuda, hobaho yakawa kuwawusa walece kuwa ha mwande ye meso gakwe. Zedekiya yakalemela lukulu kumuhulika Nebukadineza u mutemi wa Babiloni.

Yelemiya 52:6

Na mwi'zuwa lye licenda, lya mu mwezi we kane, wa mu mwaka wuwo, lono wanhu wa mwi'kaya wali webatwa ne nzala mbaha, hambi nha wali weza wasina ndigwa hamba ndodo,

I Cililo 5:4

Alu lanje, ne malenga gose go kung'wa, cikugula, sunga ne zingwagu zose cikugula.

Ezekiyeli 14:13

“Hono yisi yinozeze wubi, no kuwa si nyihuwilwa kuli'ne, ale, nane nowugolola muwoko wangu, niyiwusize witumbilo wayo we zindigwa, niyiletele nzala, niwawulaje wanhu, hamonga ne mitugo.

Walawi 26:26

Nane nocepula zindigwa zenyu, ne wacekulu yikumi, wose wosaka watelecele mukate mwi 'figwa limonga. Hanyuma wamugawilenyi cipimo co wanjize, nanye molya hamba kwiguta yaye.

Amosi 4:6

“Nane yo nene mono naleta nzala mu makaya genyu gose, ninga hamba simwambuyila yaye.

Mika 4:9

Alu so cici wukulila kwe 'zi yiwaha? Hamba so cici wukuwona wusungu nho mucekulu mono yali mu nghunga yo lusawo? Ku soko vyono wusina mutemi, ne watazi wako wono wakutazaga zinghani, wose wakondya kufwa?