Isaya 27:9 - Luganuzi Luswanu Kuli Wanhu Wose 2002

⁹ Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 27:9 ပူးပေါင်းရင်းမြစ်များ

2 Watemi 10:26

wakagalavyaniza kunze i masumbili go wuhembi ga mumo mu nyumba ya Baali, wakagakongoga mu moto.

2 Watemi 23:14

Mutemi Yosiya, yakagabenanjizanga masumbili ge mabwe, yakavidumulanga ne vihwani vyo mulungu we cicekulu Ashela, yakasola mafupa ge wanhu, yakagamemya i hanhu hono yali misimye milungu yiyo.

2 Watemi 25:9

Yakayikongoga Nyumba yo Mulungu, hamonga ne likaya lye likulu, hamonga sunga ne zikaya ze wanhu watambule wose wa mu Yelusalemi.

2 Zinghomo 14:5

Hambi nha yakondya luno, kuhahodanga hanhu hose ho wuhembelo we wanhu wono si wamumanyle Mulungu, hamonga ne vikumbicilo vyose vyo kufusiza wuvumba, hanhu hose mu makaya gose ga Yuda. No wutemi wukawa wutulile mu vilo vyo wutemi wakwe.

2 Zinghomo 34:4

Yakawatuma wanhu wakwe, wakavimwagula vikumbicilo vyose, hanhu hose, hono wamuhembelaga Baali. Yakavimwagula sunga ne vikumbicilo vyo kufusiza wuvumba, vyono vyali vizenjigwe behi ne hanhu hose hono wamuhembelaga Baali. Wakavipondanjiza vihwani vyose vya mulungu we cicekulu Ashela, wakavitindya vikawa manghundi, hamonga ne vihwani vyose viseswe. Wakagasola manghundi gago, wakageyagaziza mucanyha ye vitenjelo vye wanhu wono walavywa kuli milungu yiyo.

2 Zinghomo 36:19

Yakayinyanya Nyumba yo Mulungu, hamonga ne likaya lyose lya Yelusalemi, hamonga ne vinhu vyose vyono vyali vili mumo, yakagakumulanga ne majinji gose ge likaya.

Zabuli 119:67

Lono wali wukali nandipiciza, netumaga zimbi, ninga aluno, noyikamisa nghani yako.

Zabuli 119:71

U wulipicizwe wangu wali viswanu kuli'ne, hambi nha wunoza niyijize zo wutonji wako.

Wutuluce 34:13

Langa kolo mwafika kuko, muvimwagulaje vikumbicilo vyawo, hamonga ne masumbili gawo, ne vihwani vyawo vyo mulungu we cicekulu Ashela.

Zimbazi 20:30

Hanji kuwezaga, wusungu wuwaha, kucinoza cikawanize i mijendele yetu.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Isaya 17:8

Hamba si wolowika kanyhi witumbilo wawo mu vikumbicilo vyono wavizenga weneco ne miwoko yawo, hamba kwitumbila mu vihwani vyawo vyono wavisesa weneco, nha cinji vihwani vyo mulungu we cicekulu Ashela, hamonga ne vikumbicilo vyawo vyo kufusiza wuvumba.

Isaya 30:22

Nanye movisola vihwani vyenyu vyose vyono vihiliwe fweza, hamonga na vyono vihiliwe zahabu, muwe kuvitaga kutali, nha cinhu ca cikomaza, akuno mukuzoza mukutya, “Wuce ha meso gangu!”

Isaya 4:4

Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Isaya 48:10

Nane nghakujeleka mu moto we magazo, nha vyono fweza yikwemwaga mu moto. Ninga hamba nhavivyo nghakuwona si wukwiliye yaye.

Ezekiyeli 11:18

Na kolo wawuya ku yisi yawo, yolowa yiwanojeye waze wawusize lukulu vinhu vyose vyavu, hamonga ne vihwani vyose vye mawifyo, vyono wolovyagana mumo mu yisi yawo.

Ezekiyeli 20:38

Nolowawusiza lukulu muli nyenye, i wabedegazi wose kanyhi i wetuma wubi. Nolowawusiza lukulu mu zi'si, mono wekaye luno, ninga si wolowuyila lukulu kanyhi mu yisi ya Isilayeli. Nanye baho nhondo ho molomanyila vyono ane yo nene Muwaha Mulungu.”

Ezekiyeli 6:4

I makumbicilo gawo golomwagulwanga, ne vikumbicilo vyawo vyo kufusiza wuvumba, navyo vyolotulwangwa. Ne wanhu wose, wolowulajilwa ha mwande ye vihwani vyawo.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Hoseya 14:8

Waisilayeli, wowa wasina kanyhi cinji co kwituma kuli vihwani, nolowupitula no wulombe wawo no kuwadima nolowacitiza no mubeho kotya mubici wono wudedewaye. Hambi nha yo nene mono nili mwamulizo wo wulugutwe wawo wose.”

Walawi 26:30

Nane nohahodanga sunga ne hanhu henyu ho kuhembela mucanyha ye matunda, nogatulanjiza ne makumbicilo genyu go kufusiza wuvumba, noyigumila ne mivimba yenyu, mucanyha ye vihwani vyenyu vye milungu, vyono vigwiye hasi, no mutima wangu womusulenyi.

Mika 5:11

Kanyhi nologahodanga makaya ga mu yisi yenyu, no kugagwisa hasi magomawakali genyu gose.

Zakaliya 13:2

Kanyhi mu vilo vivyo, nolowusa ne matagwa ge milungu ye vihwani yono yili mu yisi, na holowa hasina yunji wo wose mono kolosuma kujikumbucila kanyhi. Nolowawinga wose wono wakwinoza wawizi wo wulambi, no kuwawusiza wuhile wuwo i wahemba vihwani.

Walumi 11:27

Aci co cilagane cono nocinoza kuli wene Mu cipango cono nowuwusiza u wubi wawo.”

1 Wakolinto 11:32

Ninga lono cikuling'anizwa no kulipicizwa no Muwaha, ho baho cikwijizwa ho ciwe ne cogopo, ho cilece kuling'anizwa hamonga ne yinze.

Wukumbucize wo Wulajilize 12:3

Mugamwagule makumbicilo gawo, mugatulanjize ne masumbili gawo ge mabwe. Muviticimize vihwani vyose vyo mulungu we cicekulu Ashela, muvibenanjize ne vihwani vyawo viseswe, ho walecele lukulu kuhemba kanyhi hanhu baho.

Wahebelaniya 12:6

Hambi u Muwaha nha kamufundaga wo wose mono yamwendile kanyhi kawatowaga iwana wose wono yakuwabocela.”