Isaya 27:6 - Luganuzi Luswanu Kuli Wanhu Wose 2002

⁶ Na mu vilo vivyo vyono vikuza, i wanhu wa Isilayeli, wo lulelo lwa Yakobo, wolocindika nha mubici, wolosanula no kupasicila, no kuyimemya yinze yose mikalo.

Isaya 27:6 ပူးပေါင်းရင်းမြစ်များ

Jobu 37:12

nago gamulikaga so wendezwe wo Mulungu ganozaga zose mu yinze yose, nha vyono Mulungu yakugalajiliza.

Isaya 35:1

Hambi nyika nha yosangalala. Ne maluwa gobonhola mu mbago.

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 37:31

Ne wanhu wa Yuda wono wasigala, wolotula nhe vilimwa vyono mbeyu yayo yinjize milela yayo kusi muno yo muhangha, no kulela mana.

Isaya 4:2

Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 60:22

Holeka ku soko yiyo, sunga ne mhuga ndodo ya muli'nye kanyhi yono yisoceye, yolowa nghungugo mbaha muno kanyhi yili vilungo kolo vipango vyayo vyafika. Nane nozinoza zizi zijele mbela mbela, ane no Muwaha Mulungu!”

Yelemiya 30:19

Ne wanhu wono wowa wekaye mumo, wolokwimba zinyimbo zo lukumyo, wolowa wazozize so nyemo mbaha. Nane nolowamotya, waze welele wawe wenji muno, no wumoteswe wangu wolowaletela lilumbo liwaha.

Ezekiyeli 36:10

Nane nolokonjeza liwalo lyenyu muwe wenji muno. Molokwikala mu makaya gono gaweza matongo, mugazenje kanyhi i makaya gose gono gamwaguka.

Ezekiyeli 36:8

Ninga mucanyha ye matunda ga mu yisi ya Isilayeli, i mibici yolotula kanyhi mahamha, no kumulelelenyi mikalo, anye nyo wanhu wa Isilayeli. Hambi nha mweza behi ku wuze kono kwenyu.

Hoseya 2:23

Nolowasikamya wanhu wangu mu'si, no kuwanoza wamoteswe. Nane nolomuwonela lusungu mono si yakuwonelwa lusungu, na kuli wawo wono wacemwaga si wanhu wangu, nolotya, “Anye muli wanhu wangu,” nawo wolomhitula watye, “Agwe yo gwegwe Mulungu wetu.”

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Wagalatiya 3:29

Holeka anye hono muwe muli wakwe Kilisito, ale muli lulelo lwa Abulahamu, kanyhi mozibocela zizo ze cilagane co Mulungu.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”