Isaya 27:5 - Luganuzi Luswanu Kuli Wanhu Wose 2002

⁵ Ninga nawo i walugu we wanhu wangu, hono wasace niwadime, yiwanojeye wamule welamule nane. Heya mbeka, yiwanojeye sunga welamule nane.”

Isaya 27:5 ပူးပေါင်းရင်းမြစ်များ

Jobu 22:21

“Holeka agwe Jobu, yikunojeye wilamule no Mulungu, wulece kumunoza nha mulugu wako. Na hono mwilamule nayo, ale, nayo kokulugutiza.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 25:4

I waciwa hamonga na wono wasina wutazi wose wakutiziza kuli'gwe nawo wakuwa wapolile mu vilo vyo wugaye. Kuwacitilaga mu mubeho yo mukukunzo, kanyhi kuwacehezaga mu mbeho mwi'zuwa likali. Ne wanhu wagazi, wahungucilaga, wenha libeho likali lyo mukukunzo.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Isaya 42:19

Mwene howa hoyuli yunji mono yali cibofu yawucizize wubofu wo mwitumami wangu, hamba mono yali ciziwi yamucizize mwitumami wangu mono namutuma?

Isaya 45:24

“Nawo wololonga wawe kutya vyono wusume ne vilungo, vyose vili muli'ne, ninga wono wasulile'ne, wose wolokozwa soni.

Isaya 56:2

Nane nhondo zose nowamotya wanhu wose wono wayikamise Sabato, hamba kuyavufya yaye, kanyhi nowamotya muno wono si wakwituma zimbi.”

Isaya 57:19

Hambi nha nakondya kuwulavya mulamu kuli wose wono wali behi na wono wekaye kutali. Holeka nowaponya wanhu wangu.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Luka 13:34

“Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuli'gwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 14:32

Hono yawone si kosuma, kotuma wetumami wakwe yakalondole mulamu, lono mutemi yuyo yunji yakali kutali.”

Luka 19:42

yakutya, “Yali yiwe yili ciba hono nagwe wali wumanye mwizuwa lili, inghani yo mulamu! Ninga alu yihundicizwe ha meso gako.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yoshuwa 10:6

Nawo i wanhu wa ku Gibeyoni, wakategula nghani kuli Yoshuwa ku nghambi ya ku Giligali wakamutya, “Wulece kucileka co wetumami wako gwe Yoshuwa! Wuze mbela mbela wucitaze! Wuciponye! Hambi i watemi wose we Waamoli wono wekalaga mu yisi ye matunda, nha wakondya kulonjela kumonga, wawahanguliza i wasilikale wawo, nalu wanza kucihoma!”