Isaya 27:3 - Luganuzi Luswanu Kuli Wanhu Wose 2002

³ “Nene no Muwaha Mulungu mono niwukamisaga, kanyhi niwumwajilaga ne malenga nhondo zose. Yo nene mono niwulindilizaga ku cilo ne misi, ho yunji yalece kuwuhodanga.

Isaya 27:3 ပူးပေါင်းရင်းမြစ်များ

Mwamulizo 6:17

Nane noleta lihwazi yiwaha lye malenga, ho sume kuvyongomezeza lukulu i viwumbwa vyose vyumi vyono vili mono'nze. Ne viwumbwa vyose vyofwila lukulu.

Mwamulizo 9:9

“Aluno nghunoza cilagane cangu na nyenye hamonga no lulelo lwenyu lwa hanyuma yenyu,

1 Watemi 8:59

Muwaha Mulungu, u Mulungu wetu, yeze kuwukumbucila wulombe wetu, hamonga ne malombo gose gaga gono nimulombile. Nhondo zose, yeze no lusungu kuli wanhu wakwe Waisilayeli na kuli mutemi wawo, muli visakwa vyawo vye nhondo zose.

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 46:5

Nayo Mulungu yali mwi'kaya lilyo, holeka si lyosuma kusinjiswa, hambi mwene nha kaliletelaga, wutazi hakali mitondo muno.

Isaya 31:5

Nha vyono ndeje yipapatikaga hacanyha ye linhuli lyono lina mana gayo ho yigadime, ale nane no Muwaha Mulungu u Mudaha Vyose, vyo noyidima Yelusalemi kanyhi noyicitila no kuyikamisa.”

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Isaya 46:4

Ane yo nene Mulungu wenyu, nane nomukamisenyi, na mu wukombi wenyu sunga zimwi zicindice ane nomudimenyi. Hambi nha yo nene mono namuwumbenyi, holeka nomudimenyi kanyhi nomupelenyi wutazi no kumuponyenyi.”

Isaya 46:9

Kanyhi muzikumbucile na zono zejela katali, ho mumanye nha vyono, ane yo nene du Mulungu, na vyono hasina mulungu yunji mono yehwanile nene.

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Isaya 58:11

Nane nomutonjenyi nhondo zose no kumumotyenyi ne vinhu viswanu. Nomunozenyi muwe ne vilungo hamonga ne miwili miswanu yono yisina wunyoga-nyoga. Nanye mowa mwihwanile busitani yono mwajile malenga menji, yono si yonyalila kanyhi lukulu.

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Ezekiyeli 34:11

“Nane no Muwaha Mulungu, nghumulonjelenyi nha vyono, alu nozilanjilila zingholo zangu nene no mweneco, no kuzidima.

Ezekiyeli 34:24

Nane no Muwaha Mulungu, nowa Mulungu wawo. No mutemi mono kowa yehwanile u mwitumami wangu Dawudi, yuyo yo kowa yo mutemi wawo. Nene vyo nghutya.

Ezekiyeli 37:14

Nane notajila wehele muli wene, niwomifye, niwalece wekale mu yisi yawo. Nawo ho womanya vyono, ane yo nene Muwaha Mulungu. Nihuwiza nha vyono nozituma zizi. Na mbeka nozituma. Vyo nghutya ane no Muwaha Mulungu.”

Ezekiyeli 37:28

Nane kolo nakondya kuyiwika Nyumba yangu yikale muli wene cibitilila, hobaho i makungugo ho golomanyila vyono, yo nene Muwaha Mulungu, mono niwahaguye i wanhu wa Isilayeli, wawe wanhu wangu.”

1 Samwili 2:9

“Kawadimaga i wanhu wakwe wehuwilwa ninga i wanhu wetuma wubi, wokongomezezwa mu citi hambi nha hasina munhu, mono kasumaga kwe vilungo vyakwe mweneco.