Isaya 26:9 - Luganuzi Luswanu Kuli Wanhu Wose 2002

⁹ Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

Isaya 26:9 ပူးပေါင်းရင်းမြစ်များ

1 Zinghomo 16:14

U Muwaha Mulungu, yo Mulungu wetu, ne malajilizo gakwe go ge yinze yose.

Zabuli 105:7

Muwaha Mulungu, yo Mulungu wetu, ne malajilizo gakwe gali vilungo mono'nze mose.

Zabuli 119:55

Na mu cilo namo, nghukumbucilaga gwe gwe go Muwaha Mulungu, akuno nghwihwesa ze malajilizo gako du.

Zabuli 119:62

Nane ninukaga mu cilo mugati, niwa kukukumya ku soko ye ning'aniza yako ye ling'ani.

Zabuli 130:6

Nimulindiye Muwaha Mulungu, kuciza walindilizi vyono walanjililaga, wele wa hakali mitondo, heya, kuciza walindilizi wa hakali mitondo.

Zabuli 58:11

Ne wanhu wose wolonga wotya, “Heya mbeka wanhu we ling'ani wahumbilizwaga! Na mbeka u Mulungu, ho yuli mono yakuyiling'aniza yinze!”

Zabuli 63:1

Gwe Mulungu, yo gwegwe Mulungu wangu, nane nghukulondola kwe nhumbula yangu. Ne nhumbula yangu yikukaluciye muno, nho munhu mono yena nyhilu ye malenga, nina nyhilu kotya yisi, yono yinyalile, yono yisina malenga.

Zabuli 63:5

Nhumbula yangu yosangalala, nha sikukuu ya vye mafuta na vyono vijinile, nane nokwimba sangalaye zo lukumyo lwako.

Zabuli 64:9

Ne wanhu wose wokogopa no kwanza, ze metumo gono yetumile Mulungu, wokwihwesa ze metumo gakwe.

Zabuli 78:34

Na mu nghango yono yajendelelaga kuwawulaga, awalya wono wasigalaga, wakajendelela kumupitucila, wakanena wubi wawo wakamupitucila Mulungu, kwe zinhumbula zawo zose.

Zabuli 83:18

Ho wamanye vyono yo gwegwe du wuli wene, go Muwaha Mulungu, Mulungu Mono Wulawiliciye mu yinze yose.

Zimbazi 8:17

Niwendile wono wanyendile nayo mono yakunondola, kombona.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 55:6

Holeka mumupitucile Muwaha Mulungu, mumulombe lono yakali yali behi.

I Cililo 2:19

Na mu cilo cose, weze kwinuka kali kenji wukumulilila Muwaha Mulungu, wumujidile mutima wako nha malenga u Muwaha Mulungu, wumulombe yawawonele lusungu wanago. I wanago wono wakufwa ne nzala mu zinzila zose!

I Cililo 3:25

U Muwaha Mulungu, muswanu kuli wose wono wakumwitumbila.

Ezekiyeli 5:15

“Na Kolo nasimba no kukolwa likuwo no kumulipicizenyi, i makungugo gose gono gamupilimenyi, golokwibatwa no woga wuwaha muno. Wolomulanjenyi nha muli wanhu we 'wifyo, kanyhi wolomulijenyi.

Hoseya 5:15

“Nane nowaleka wanhu wangu wagaye mu nghango yo wubi wawo, sunga waze wanondole 'ne. Na mumo lunji mu wugaye wawo, mo wolosuma kunondola wahidimbaye sunga wambone.”

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Maluko 1:35

I mitondo yaco lono kwali kukali nadandawuka, Yesu yakenuka yakabita kulomba i hanhu ha cilejeho hono hasina wanhu.

Luka 6:12

Lizuwa linji Yesu yakabita kwi'tunda, kulomba; yakekala kuko cilo cose sunga wukela, yakumulomba Mulungu.

Wugubule 11:13

Na mwi'daha lilyo, likaza yitulo yiwaha lye'si, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala, wakawa kogopa muno, wakamukumyo Mulungu wa ku wulanga.