Isaya 26:8 - Luganuzi Luswanu Kuli Wanhu Wose 2002

⁸ Ase cikutyatya zo wuhile wako, kanyhi cikwitumbiye gwegwe, agwe yo gwegwe mono kucikwilanicizaga vyose vyono cikwilowa.

Isaya 26:8 ပူးပေါင်းရင်းမြစ်များ

2 Samwili 23:5

Nhavivyo vyo Mulungu kowalugutiza we zindelo zangu, hambi nha yanoza nane cilagane ce cibitilila. Hamonga no wilumbanize wono si wulabeneka yaye, no wihuwizo wono si wulapituka yaye. Hambi nha wo wilowe wangu, vyono kowa kusumila. No Mulungu nayo mbeka kofisiliziza zose.

Zabuli 106:3

Wo wamoti wono webate malajilizo gakwe, wono wakwituma nhondo zose zo mugoloka.

Zabuli 130:5

Niwulindiye wutazi wo Muwaha Mulungu, na mu nghani yakwe nitumbiye.

Zabuli 18:23

Sina wusutye hali mwene, nghwilanjilila ho ndece kusutya.

Zabuli 42:2

Nimukaluciye Mulungu, heya, nina nyhilu yo Mulungu mumi. Alu, hamba nomuficila nili ho nimuwone?

Zabuli 65:6

Agwe yo gwegwe mono wuli vilungo, wukusimya matunda hanhu hayo,

Zabuli 73:25

Alu nani 'mbi kanyhi ku wulanga, mono kosuma kunhaza, langa hono si gwegwe du? Na hono niwe nili hamonga nagwe mono'nze, hamba sinosuma kwanjila cinji yaye.

Zabuli 84:2

Nghusulumila niwe mu Nyumba yo Muwaha Mulungu. Nane nghumusangalalila Mulungu, mumi kwe nhumbula yangu, na ko muwili wangu wose.

Wutuluce 3:15

Wuwalonjele wawo Waisilayeli wutye, Ane, no Muwaha Mulungu, no Mulungu we walezi wawo, u Mulungu wa Abulahamu, no Mulungu wa Isaka, no Mulungu wa Yakobo, yo yanhumile kuli'nye. Lilino lye 'tagwa lyangu cibitilila, na lilino lye 'tagwa lyangu lyono sunga na we zindelo zono zikuza wanojeye wanyheme.

Lwimbo Luswanu muno 5:8

Ale, ta, munonjelaje anye nyo wacekulu wa mu Yelusalemi, hono muwe mumuwona mwendece wangu, mumulonjele nha vyono, ane nghuzilika so wendo. Zinghani za we cicekulu wenji

Isaya 12:4

Ne lizuwa lyolokuza lono wanhu wolokwimba wawe kutya, “Mulumbenyi Muwaha Mulungu! Mucemelezenyi yamutazenyi! Mugalonjele makungugo gose ze metumo gakwe! Muwalonjele zo wuwaha wakwe!

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Isaya 25:1

Gwe go Muwaha Mulungu, yo gwegwe go Mulungu wangu. Nane nokupela cogopo, no kulikumya litagwa lyako. Hambi nha wetuma metumo go wizine kugafisiliza ko wihuwilwa i mahweso gako gono wagawikaniza ku wulawa katali na katali.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 26:13

Gwe go Muwaha Mulungu, go Mulungu wetu, nha cali citemigwe ne wanhu wanji, ninga agwe yo gwegwe du wuli wene, yo wuli Muwaha Mulungu wetu.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Isaya 33:2

Gwe go Muwaha Mulungu, wuciwonele lusungu. Hambi ase, nha cikwitumbiye gwegwe du. Weze kucikamisa vilo vyose, kanyhi weze kuciponya mu vilo vye magayo.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 51:4

“Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 56:1

Nayo Muwaha Mulungu yakuwalonjela i wanhu wakwe yakutya, “Ale, mwitumaje zo wiling'ano na ze ling'ani, holeka nane nomuponyenyi mbela.

Mika 4:5

Likungugo ne kungugo lihembaga no kogopa u mulungu walyo, ninga mu vilo vivyo, colomuhemba no kumogopa Muwaha Mulungu wetu cibitilila na cibitilila.

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Malaki 4:4

“Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

Wuwale 36:13

Aga go malajilizo no wutemye, wono Muwaha Mulungu yawapelela Waisilayeli muli Musa, lono wali wali mu yisi yo wuhihi ya Mowabu, ku nhumbi ye likolongo lya Yoludani behi na Yeliko.

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Metumo ge Watumwa 1:4

Na lono wali wetang'anila hamonga, yakawalonjela yakutya “Mulece kuwuka ku Yelusalemi, langa mucilindilaje icipegwa cono yehuwiza Baba, icipegwa cono mwakondya kucihulika nghucilonga.

Walumi 8:25

Ninga hono cikucitumbila i cinhu cono cikali si naciwona, baho cikucilindila wukangalile.

2 Watesalonike 3:5

U Muwaha yamutonjenyi zinhumbula zenyu mu wendo wo Mulungu, kanyhi na mu wukangalizi wono Kilisito yakucipela.