Isaya 26:7 - Luganuzi Luswanu Kuli Wanhu Wose 2002

⁷ Gwe go Muwaha Mulungu, kuyitelemezaga nzila ye wanhu we ling'ani, wawa kukola mu nzila yo wuhihi.

Isaya 26:7 ပူးပေါင်းရင်းမြစ်များ

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

Jobu 31:6

Ale, Mulungu yanjele ne cijelo ce ling'ani, nayo kowona vyono ane sina masutya.

Zabuli 1:6

Hambi Muwaha Mulungu, nha kawatongaga we ling'ani, ninga iwanhu wabi, imikalile yawo yowongomeza.

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Zabuli 11:7

U Muwaha Mulungu, mwene yo we ling'ani, nayo yendile ling'ani, ne wanhu wono wakwituma ze ling'ani, wawo wo wokwikalana nayo.

Zabuli 25:4

Gwe go Muwaha Mulungu, wumanyize nzila yako, heya, wumhelaje wutonji wako.

Zabuli 25:5

Wunhongaje mu mbeka yako no kunyijiza, hambi nha yo gwegwe du go Mulungu mono kumhonyaga, nane nghwitumbiye gwegwe du vilo vyose.

Zabuli 27:11

Gwe go Muwaha Mulungu, wunyijize ze nzila yako, wunghoze mu nzila yono yigoloce, hambi walugu wangu nha wenji muno muno.

Zabuli 5:9

Izinghani ze walugu wangu, si za kwitumbilwa yaye, hambi wuhile wawo, nha wukuleta wongomeze du. Mu zinhumbula zawo wamemile wubi wose, ne mimelo yawo, wenha citenjelo cono cili mwazi, wekalaga wakulonga zo wulambi du.

Zimbazi 11:5

Wihuwilwa wuyinozaga mikalile yo munhu muswanu yiwa miswanu. Ninga u munhu mubi, kolofwa ku soko yo wubi wakwe.

Zimbazi 20:7

Wamotile wana, wono wena sogo yawo mwihuwilwa, kanyhi mono yakwituma ze ling'ani.

Zimbazi 21:8

Ne wanhu wahodanji, wakolaga mu nzila yono yipetyapetizye, Ninga we ling'ani, wene wetumaga ze ling'ani.

Zimbazi 3:6

Wumukumbucile Muwaha Mulungu, muli zose zono wukwituma, nayo kokutonga mu nzila yono yinojeye.

Zimbazi 4:18

Nayo nzila yono wakolaga wanhu we ling'ani, yihwanile wuzelu we lizuwa lono likusosomoka, nalyo liwa kujendelela kutuga wuzelu muno sunga kolo welelecela.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Isaya 35:8

Kanyhi baho holowa na nzila mbaha, ne nzila yiyo yolocemwa “Nzila yo Wele.” No munhu mubi si koloyikola nzila yiyo langa yowa ku soko ye wanhu wono wayityatizye hamba wawe walele, ninga si wokwajilila mu nzila yiyo.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Isaya 52:12

Ninga muhinzo wuwu, mowa musina soko yo kuwucila musunho, kanyhi mowa musina soko yo kwihema. Hambi u Muwaha Mulungu u Mulungu wenyu nha yo komutonjenyi no kumucitilenyi mbavu zose.

Isaya 57:2

Na wose wono wekaye mu mikalile miswanu, wawo wacehaga no mulamu kolo wakondya kufwa.

Yelemiya 10:23

Gwe go Muwaha Mulungu, ane manyile nha vyono hasina munhu hamba yumonga yaye, mono kewumipilaga mweneco. Hamba hasina munhu mono kawibatilizaga wumi wakwe mweneco.

Hoseya 14:9

Nghulomba, wono wena wizuce, wazitanje zizi zono zandicigwe baha, no kuziwika mu zinhumbula zawo. Nzila zo Muwaha Mulungu zo ze ling'ani, ne wanhu we ling'ani, wo wakuzityatya. Ninga wanyo wubi, wakukobala no kugwa, ku soko vyono siwaziceleleye yaye.

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

1 Yohana 3:7

Anye wanangu, mulece kuvumila munhu yunji yamwajilizenyi. Na munhu wo wose mono yakwituma ze ling'ani, yuyo yo we ling'ani nha vyono Kilisito yali ling'ani muno.