Isaya 26:6 - Luganuzi Luswanu Kuli Wanhu Wose 2002

⁶ Na wa walya wono wewonelwaga, alu wakugakanyanjila mucanyha yago wakugasambanjiza hasi ye magulu gawo.

Isaya 26:6 ပူးပေါင်းရင်းမြစ်များ

2 Watemi 9:33

Yehu yakawalonjela wawo yakawatya, “Mugumilenyi mucekulu yuyo hono hasi.” Hobaho nawo wakamwibata wakamugumila ho hasi. Ne sakami yakwe yikamizucila mwijinji, sunga na mu zifwalasi mose. Nayo Yehu yakawa kukoza mutuka wakwe hamonga ne zifwalasi zakwe mucanyha yo muwili wa Yezebeli, akuno yakwinjila mwi'kulu.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

Isaya 28:3

No widunhumuzi we walongola wang'wela, wo 'jimbi, wokanyanjizwa hasi.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Isaya 3:14

Muwaha Mulungu, yakuwacema wanyamhala we wanhu wakwe, hamonga ne walongola we wanhu wakwe, ho yawaling'anize. Nayo yakuwasitaka yakutya, “Yo nyenye mono mwapumha migunda ye mizabibu, ne zikaya zenyu, zimemile vinhu vyono mwawaboka waciwa.

Isaya 3:15

“Ninga hamba si yili ling'ani kuli'nye, ho muwabanghanize wanhu wangu ko kuwewonela waciwa. Ane yo nene Muwaha Mulungu u Mudaha vyose, u Mulungu we mihanga yo nizilonjile zizi.”

Isaya 37:25

Na kanyhi wukwidunhumula vyono wahimba masima mu zi'si zo wujenzi no kung'wa ne malenga gayo. Na vyono ne magulu ge wasilikale wako, galikanyanjila ne likolongo lya Nile, sunga likanyala.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Yelemiya 50:45

Alu, muhulicize ta, i mahweso gono nghulihweseza likaya lya Babiloni, hamonga na zono nghusaka niwatendele wanhu wayo. Sunga ne wana wawo wolokwejenhwa, ne wanhu wose wolokwinjilwa no woga.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Malaki 4:3

Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

Luka 10:19

Alenyi, nimupelenyi nyenye u wulajilize wo kukanyaga zinzoka ne zinje, no wulajilize wa muli vilungo vyose vya ayulya mulugu, hamba hasina cinji co cose cono comutamisenyi.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

1 Wakolinto 1:26

Nye wandugu zangu, muvikumbucilaje ivilo lono mwacemelwa no Mulungu, vyono wanji wa muli nyenye, mu wulanje we cimunhumunhu si mwali we mahala, ne vilungo, hamba we lilumbo lya hacanyha.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

Yoshuwa 10:24

Wakategulwa kuli Yoshuwa, nayo Yoshuwa yakawacemeleza Waisilayeli wose, yakawalajiliza i wawaha wose wono vyabitana, walete migulu yawo, wawakanyaje watemi wawa mu zisingo zawo. Nawo waketuma nhavivyo.

Wugubule 2:26

“Wono wosuma no kukamisa sunga ko ku ndumo, hamonga no kwituma zo wuhile wangu, wawo nowapela wulajilize muli makungugo.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.