Isaya 26:5 - Luganuzi Luswanu Kuli Wanhu Wose 2002

⁵ Nha yakondya kuwanyetya i wedunhumuzi, ne makaya gawo gono wekalaga, Mulungu yakondya kugongomeza, ne majinji gayo kakondya kugatulanjiza gawa manghundi.

Isaya 26:5 ပူးပေါင်းရင်းမြစ်များ

Zabuli 79:8

Wulece kucilipiciziza wubi we walezi wetu. Cikulomba lusungu lwako lucizize mbela, hambi nha cenamywa muno muno.

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 14:13

Wukawa wina wuhile wo kubita kucanyha ku wulanga, wukaliwice ligoda lyako lyo wutemi mucanyha ye zinyelezi zono zili kucanyha muno muno. Nagwe wehwesaga nha vyono kolowa wutemile na mu matunda gono gali kusumuka kono milungu yikongholelaga.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 24:10

Na mwi'kaya namo, mweza mumemile wuwulaji, sunga ne wanhu weza kwidindila mu zikaya zawo ho weponye.

Isaya 25:2

Kugakumulanga makaya kugaleka matongo, kugongomeza ne magomawakali gawo sunga ne makaya go wutemi gose, gono walugu wagazenga, gose gamwagucila lukulu cibitilila.

Isaya 32:19

Ninga mvula ye mabwe yolotonya mu mbago, ne likaya lyologwiswa ho hasi.

Isaya 47:1

Muwaha Mulungu yakutya nhavi, “Gwe Babiloni, alu wuwuce mwi'goda lyako lyo wutemi, wutime wikale hasi mu muhangha. Halulongozi wali winha muhinza muswanu likaya lyono silisumwaga. Ninga aluno hamba si kocemwa kanyhi mupolo hamba wo wulenzi! Aluno, wawa muwanda!

Yelemiya 51:37

Nayo yisi yiyo, yolowa malundo du ga matongo, holowa wikalo wa malimu. Holowa hanhu hono hakogofya muno, hasina hamba munhu mono kolokwikala mumo. Na wose wono wowa kuziwona zizo, mbeka wotuga woga muno muno.

Yelemiya 51:64

akuno wukutya, ‘Nhavivi vyo yotagwa Babiloni, nayo yolododomela, hamba si yolokwibuka kanyhi, ku soko yo wongomele wono u Muwaha Mulungu koyongomezeza.’ ” Ne zinghani zo muwizi Yelemiya, bahano ho zidumiye.

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

Ezekiyeli 26:11

Nawo i wapanda zifwalasi wawo, wolowa kukola ne cihumbi mu zinzila, wakuwawulaga wanhu wako kwe mimaje yawo. Ne masumbili ge vilungo vyako, gose gologwiswa sunga ho hasi.

Ezekiyeli 28:17

Agwe wedunhumulilaga wuswanu wako, ne lilumbo lyako likakunoza witume nghani zo wulele. Holeka ku soko ya zizo, nane nokugwisa ho hasi, nghulece wuwe suguzi kuli watemi wanji.

Wugubule 18:2

Nayo yakalonga kwe'zi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga ne myuhe yiyi, kanyhi weza wuli wikalo we zindeje zinyavu, kanyhi ze cikomaza muno.