Isaya 24:3 - Luganuzi Luswanu Kuli Wanhu Wose 2002

³ Yinze yolokwiyagazwa no kongomezwa. Muwaha Mulungu yo yalonjile, na vyo zowa zinha.

Isaya 24:3 ပူးပေါင်းရင်းမြစ်များ

2 Zinghomo 36:21

Na zizo zikawa ho yifisilizwe nghani yono Muwaha Mulungu yali yakondya kuyilonjela muli muwizi Yelemiya, lono yatya, “Ne yisi nayo yokwikala hamba si yolimwa mu myaka makumi mupunghati mu nghango ye myaka yo wucehe yono si yanozwa yaye.”

Isaya 21:17

Hamba yiwe i wanhu waguma wupinde wa Kedali, wo wanhu wono vitung'ati muno, ninga hamba nhavivyo, wacefu muno muno wa muli wene wo wosigala. Ane yo nene no Muwaha Mulungu, u Mulungu we Waisilayeli vyo nghutya.”

Isaya 22:25

Ninga kolo zizi zikwijela, u musumali wono wali wuwambile muno, wolohogoha, wuwe kugwa. Na wuwo wo wolowa wo mudumo wa vyose vyono vyali vitumbice mumo.” Yo nene Muwaha Mulungu vyo nghutya.

Isaya 24:1

Muwaha Mulungu koloyihodanga yinze no kuyileka yili bwete. Koloyipitula yinze no kuweyagaza wanhu wayo.

Isaya 24:2

Ne wanhu wose wolokwiyagazwa, i wakohani hamonga ne wanhu. Watumwa, hamonga ne wawaha wawo. Wono wakugula, hamonga na wono wakuguza. Wono wakwazima, hamonga na wono wakuwazima. Iwagoli, hamonga ne waciwa.

Isaya 24:4

Yinze yikukalala no kunyala, ne yinze yose yikutimba, yinze hamonga no wulanga, vyose vikusakala.

Isaya 42:22

Ninga alu wanhu wakwe nha wakondya kutekwa, wadindiywe mu zijela, waweza wafungwa. Hambi nha wakondya kuhizwa no kutekwa, na hasina hamba yunji mono kokuza yawaponye.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Yelemiya 13:15

Nye nyo wanhu wa Isilayeli, u Muwaha Mulungu yakondya kulonga. Mweze wenenenyhezi, kanyhi muli cihuliko kuli mwene.

Ezekiyeli 36:4

Ninga aluno muhulicize zono ane no Muwaha Mulungu nghumulonjelenyi anye nyo matunda ne vigongo, nanye nyo mivwilo ye malenga, ne malolo, na kuli'nye nyo matongo, na kuli'nye nyo makaya gono mwatekwa no kusolwa ne makungugo gono gapilime.

Mika 2:4

Ne vilo vivyo, kolo vikuza, wanhu wolosimulila ze mikalile yenyu yo wugaye, ciwe colecezo, nawo wawe kwimba no lwimbo aluno lwe cililo, lono lukulajila zono zamutujenyi, wawe kutya, ‘Cakondya kuhodanjilwa lukulu! Muwaha Mulungu yakondya kuyisola yisi yetu, no kuwapela wono wacinozize mateka.’ ”

Mika 4:4

No munhu wo wose kolokwikala yapolile, yena ne nyemo mu migunda yakwe ye mizabibu ne mikuyu, hasina munhu yunji mono kolomogofya. Muwaha Mulungu we Mihanga yo yehuwize zizi.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

Wukumbucize wo Wulajilize 29:28

Muwaha Mulungu yakawakolelwa likuwo yiwaha muno muno, na mwi'kuwo lilyo liwaha, yakawawusa mu wulawa mu yisi yawo, yakawa kuweyagaziza wose mu yisi yo wujenzi, na vyo yina sunga nalu.’