Isaya 23:3 - Luganuzi Luswanu Kuli Wanhu Wose 2002

³ wanhu wakulowoka lilenga wakagule no kuguza wuhemba wono wukulimwa ku Misili, no kunoza wusuluza ne wanhu we zinghungugo zose.

Isaya 23:3 ပူးပေါင်းရင်းမြစ်များ

1 Zinghomo 13:5

Hobaho, Dawudi yakawakonghola hamonga wanhu wose wa Isilayeli ku wulawa mu yisi yose. Ku wulawa mu mipaka ye yisi ya Misili kutakama, sunga ko ku Hamati Pasi, lubavu lwe sumuka, ho yasume kuligomola Lisanduku lye Cilagane ku wulawa Kiliyati Yeyalimu, walitegule ku Yelusalemi.

Isaya 19:7

Navyo vilimwa vyose vyono vihadikwe mu nyenje ye likolongo lya Nile, vyonyala no kupemheluswa ne mbeho.

Isaya 23:8

Alu mwene yo munhuci mono yazihwesa ho yazilete zono zinha zizi mwi'kaya lya Tulo, mwi'kaya lili liswanu muno. Tulo, lyono ne wakwawi walyo, wali wo watemi wono wali wo wanhu wono wena lilumbo liwaha muno mono'nze yiyi?

Isaya 32:20

Mwene lulo! Wanhu wolowa wena nyemo mbaha, ku soko ye malenga menji ku so vilimwa vyawo, hamonga no wudimilo wuswanu hanhu hose, so zindogowe hamonga ne zing'ombe zawo.

Yelemiya 2:18

Alu mwene 'gwe, wukwihwesa kotuga cambuzici, hono wubite ku Misili, wukang'we i malenga ga mwi'kolongo lya Nile? Hamba wukwihwesa kotuga cambuzici lo, hono wubite ku Ashuli, wukang'we i malenga ga mwi'kolongo lya Efulata?

Ezekiyeli 27:33

Na lono vinhu vyako vyo wukwawi vyakolaga mwi'lenga wawamosyaga wanhu we makungugo gose. Hambi i watemi, nha wakagolifywa no winji we sawo yako, na so wugoli wako.

Ezekiyeli 28:4

Na kanyhi wukwihwesa nha vyono, agwe wina mahala, na kanyhi wuli munghula, holeka ti wuketujila sawo nyinji, hamonga na zahabu ne fweza.

Yoweli 3:5

Hambi nha mwesolela nyo weneco fweza ne zahabu, ne vinhu vyangu viswanu, no kuvinjiza mu zinyumba zo wuhembelo wenyu.

Wukumbucize wo Wulajilize 11:10

Ne yisi yiyo yono moyisola no kwikala mumo, si yinha yisi ya Misili yaye, yono mwekalaga katali, yisi yono mwahadikaga zimbeyu, hanyuma kanyhi muwa kutuga mulimo muwaha wo kuzimwajilila malenga mu migunda yenyu.

Yoshuwa 13:3

hamonga ne yisi yose ya Avimu, ya kulubavu lwa kutakama, Yisi yono yilawiliye mu cikolongo ca Shiholi, ha mupaka we Wamisili, sunga kulubavu lwa kusumuka, ku mupaka wa Ekiloni wono wehweseswaga vyono we Wakanani, ne watemi wahano we Wafilisiti, wekalaga ha Gaza, na Ashidodi, na Ashikeloni, na Gati na Ekiloni, hamonga ne Wavimi,