Isaya 22:7 - Luganuzi Luswanu Kuli Wanhu Wose 2002

⁷ Ne lilolo liswanu lya Yuda, lyono lina moso mwinji, likamema matuka menji muno go wulugu. Ne wasilikale wono wali wali mucanyha ye zifwalasi, wakawa wemile ha mwande ye milango ye likaya lya Yelusalemi.

Isaya 22:7 ပူးပေါင်းရင်းမြစ်များ

Isaya 22:6

Wakawa kuza wasilikale wakulawa ku yisi ya Elamu, wapandile mu zifwalasi, wahabatize ne mapinde gawo, hamonga ne zisonga zayo. Nawo wasilikale wanya ku yisi ya Kili, nhavivyo, nawo wena ne zingula zawo.

Isaya 22:8

Ne vilungo vyose vya Yuda, vikawa vyakondya kumalika. Na zizo zali zeza kwijela, nanye mukavisola vitwalo vye milewo vya mwi'kaya lya mu mbago.

Isaya 37:34

Nayo mutemi wa Ashuli kowuya ne nyuma yatyatizye nzila yono yayizize, hamba kwinjila mwi'kaya lili yaye. Ane nene no Muwaha Mulungu, vyo nghutya.

Yelemiya 1:15

Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

Ezekiyeli 4:2

Hanyuma wulinozeze cihwani co wupilimwe walyo, wuwicile ne makweme galipilime, wuliwicile ne majinji ne zinghambi ze wasilikale, wuliwicile ne matinde go kulimwagulila likaya, mbavu zose.

Ezekiyeli 4:3

Hanyuma kanyhi, wusole siniya ya cuma, wuyisimye yiwe nhe 'jinji lya cuma haciligati yako ne likaya. Nagwe wulidome likaya. Nalyo likaya lyowa nha lyakondya kupilimwa no wulugu, nagwe kowa yo gwegwe mono walipilima no kulihoma. Na cici cowa co citanjilo kuli nghungugo ya Isilayeli.