Isaya 22:4 - Luganuzi Luswanu Kuli Wanhu Wose 2002

⁴ Alu ta, mundekaje niwalilile ko wusungu wanhu wangu wose wono wakondya kufwa, hamba mulece kusindamika yaye.

Isaya 22:4 ပူးပေါင်းရင်းမြစ်များ

Esita 4:1

Moledekayi yali yeza kumanya vyono zizi zose zakondya kwitumwa, yakayidemulanga myenda yakwe ko wusungu wuwaha, yakavwala magunila, yakemwajila mavu mu mutwe wakwe, yakanza kupilima mwi'kaya lya Susa, yakawa kulila muno ko wusungu wuwaha,

Zabuli 77:2

Nane nimulombaga Muwaha Mulungu, lono nili mu wugaye, nghumwinulila miwoko yangu ne cilo, hamba kukatala yaye, ninga si nhugaga wutuzwe wo wose.

Isaya 15:3

Nawo wanhu wono wali mu zinzila, wose wavwalile magunila. Wose wakulila muno muno mucanyha ye matembe na mu mabalangu.

Isaya 33:7

Lanjenyi ta, i we citung'ati wo wakulila wakulondola wutazi. Nawo wetumami wono wajelaga kuleta mulamu, wakulila ko wusungu wuwaha muno.

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Yelemiya 31:15

U Muwaha Mulungu yakutya nhavi, “Lizi lihulikwa ku Lama, lizi lye cililo co wusungu wuwaha muno, Laheli yakuwalilila wanagwe, si yakusaka hamba no kutuzwa yaye. Hambi wose nha wali kusina.

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Yelemiya 6:26

Nayo u Muwaha Mulungu yakuwatya nhavi, i wanhu wakwe, “Ale, le, muvwale magunila mwivutuse mu mavu. Mulile ko wusungu wuwaha, mulavye ne mahozi nha vyono munojeye, nho mwana we cilume, we ciwene. Ku soko yuyo mono kokuza no wuhile wo kumongomezenyi, nha kosumwa musunho du.

Yelemiya 8:18

U wukalale wangu, hasina hamba yunji mono kosuma kuwuwusa yaye, hambi nha nhamigwe mu nhumbula yangu.

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Yelemiya 9:18

Nawo wanhu wakutya, “Ale, muwalonjele weyohe, waze wacimbile'se lwimbo lwe maziko, wembe, sunga ne meso getu gameme mahozi, ne zinghope zetu ze meso zisuluze malenga so cililo cetu.”

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Ezekiyeli 21:11

No mumaje wukondya kunolwa ho wuwikanizwe ku witumamilwe, mumaje wunolwa no kukwemwa ho wupegwe mu miwoko yo muwulaji.

Ezekiyeli 27:31

Woloyiceta ne mitwe yawo ku soko yako, wavwale ne magunila, akuno wakulila ko wusungu wuwaha.

Mika 1:8

Mika yakatya, “Ku soko ya zizo, ane nolila muno muno, ndajile wusungu wono nina. Nojenda kwa magulu sina malatu, kanyhi nili cipwi, nowa kubweka nha nyhewe, kanyhi nolila nha nyacihema.

Matayo 2:18

“Ilizi lihulikwa ku wulawa ku Lama, Cililo no wukalale wuwaha, Laheli yakuwalilila iwanagwe, hamba si yakwenda no kutuzwa, hambi wose nha wakondya kufwa.”

Matayo 26:75

Nayo Petelo, hobaho yakazikumbucila izinghani zono yalonjelwa na Yesu yakumutya, “Lono inzogolo yikali nalila, agwe Petelo kowa wakondya kunghana kali kadatu.” Hobaho yakalawila kunze yakalila muno muno.

Luka 1:2

Wakandika nha vyono calonjelwa na awalya wono wewonelela weneco kulawa mwamulizo, no kulwanza Luganuzi lulo.

Luka 19:41

Nayo yaza sejelela, yakaliwona likaya yakalililila,