Isaya 22:2 - Luganuzi Luswanu Kuli Wanhu Wose 2002

² Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.

Isaya 22:2 ပူးပေါင်းရင်းမြစ်များ

Isaya 10:4

Hambi wose nha mowulajilwa ku wulugu, hamba mosolwa nhe wafungwa. Ninga hamba nhavivyo, likuwo lyo Muwaha Mulungu, si lyoduma ng'o, langa kojendelela kuwugolola muwoko wakwe ho yalipicize.

Isaya 23:7

Alu mbeka lili lyowa lyo likaya lya Tulo lyono lyali lisangalaye, lyono lyazengwa katali muno? Alu mwene, lilino mbeka lyo likaya lyono lyawategulaga wahamizi ku nhumbi ye lilenga ho wakebate zisi?

Isaya 32:13

alu vititika vye mamivya hamonga ne mabijili, vyakondya kutita mu yisi ye wanhu wangu. Heya, mulile ku soko ye zikaya zono wekalaga wanhu wangu wena nyemo, na so likaya lyono lyali limemile wusangalale.

Isaya 32:14

Sunga ne kaya ye likulu, yololekwa, hamonga ne likaya lyayo, vyose vyololecelwa lukulu. Nago makaya hamonga ne magomawakali gayo gono gawacitilaga, gose golokumulwangwa gawe matongo cibitilila. Nago madogowe ga mu mbago, gowa kupilima pilima mumo, zingholo nazo zokwitujila wudimo mumo.

Isaya 37:33

“Na kanyhi azi zo nghani zono Muwaha Mulungu yakuzilonga kuli mutemi wa Ashuli, yakutya, U mutemi wa Ashuli, hamba si kosuma kwinjila mwi'kaya lili, hamba kuguma songa monga du. Hasina musilikale hamba monga mono yena ne ngula yakwe, mono kolisejelela likaya, hamba hasina mono kololipilima likaya, hamba kulizenjela yigagala.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 38:2

zono Muwaha Mulungu yazilonga yakutya, “U munhu wo wose mono kolosigala mwi'kaya lili, kolofwila mu wulugu, hamba mu nzala, hamba mu matamwa. Ninga munhu wo wose mono kolowuka mwi'kaya lili, yetegule mweneco kuli Wababiloni, ayo langa si kolowulagwa yaye, langa koloponya wumi wakwe.”

Yelemiya 52:6

Na mwi'zuwa lye licenda, lya mu mwezi we kane, wa mu mwaka wuwo, lono wanhu wa mwi'kaya wali webatwa ne nzala mbaha, hambi nha wali weza wasina ndigwa hamba ndodo,

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

Ezekiyeli 22:5

I ma'si ge behi, hamonga ne ma'si go kutali, gose gakukusekanga, ku soko ye mikalile yako mibi.

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.