Isaya 22:1 - Luganuzi Luswanu Kuli Wanhu Wose 2002

¹ Ayi nayo yo nghani yo Mulungu kuli lilolo lyo wugubulilwe. Ta munonjelaje, alu mwina nghanici yono yikuleka wose mukunozeza wuhembi wenyu mucanyha ye matembe ge zikaya?

Isaya 22:1 ပူးပေါင်းရင်းမြစ်များ

Mwamulizo 21:17

Nayo Mulungu yakamuhulika mwana yuyo vyono yalilaga. Malayika wo Mulungu yakamucema Hagali ku wulawa ku wulanga yakamulonjela yakatya, “Alu Hagali, cono cikukugaza cicici? Wulece kogopa, u Mulungu kamuhulika mwana vyono yakulila.

2 Samwili 14:5

Mutemi yakamuwuza yakatya, “Wukusaka nghutendele wule?” U mucekulu yakatya, “Ane nili mucekulu mufwile, mulume wangu yafwa,

2 Watemi 6:28

Alu agwe wina wugazice ci?” Mucekulu yuyo yakamupitula yakatya, “Gwe go mutemi! Mwi'zuwa linji mucekulu ayu yanonjela nha vyono izuwali cimulyaje mwanago, i mitondo comulya ayu mwanangu.

Zabuli 114:5

Alu 'gwe go lilenga, ho yikawa wule, nagwe wukatiza? Nagwe, go likolongo lya Yoludani, nhawule lo nagwe wukaleka kuhuluma?

Zabuli 125:2

Nha vyono Yelusalemi yipilimwe ne matunda, ale, no Muwaha Mulungu nayo, vyo yawapilime wanhu wakwe, ku wulawa lulu, sunga ko ku cibitilila.

Zimbazi 29:18

Ne likungugo hono lilece kuwa no wutonji wo Mulungu, liwezaga yikungugo lyono lisina wulajilize. Yo mumoti munhu mono yebate lilajilizo lyo Mulungu.

Isaya 13:1

Nazo azino, zo nghani za Babiloni, zono Isaya yazibocela kulawa kuli Mulungu.

Isaya 15:3

Nawo wanhu wono wali mu zinzila, wose wavwalile magunila. Wose wakulila muno muno mucanyha ye matembe na mu mabalangu.

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Yelemiya 21:13

Nagwe Yelusalemi, mono wikaye wijeye hacanyha ye malolo, mono wihwanile nhe litalawe lyono lilawiliciye mu yisi yo wuhihi. Agwe mono wukwiyitya, nha vyono hasina munhu wo wose mono kokuhoma, hamba kugakumula magomawakali gako.

Yelemiya 32:29

walipembele moto. Wolikongoga hamonga ne zikaya zose, zono wanhu wakuzitumamila, so wufusa wuvumba kuli Baali, mu matembe mucanyha, hamonga no kuyilavizya milungu yinji vilavywa vye divayi.

Yelemiya 32:32

ku soko ye metumo mabi gose gono wetumaga i wanhu wa Isilayeli na Yuda, hamonga ne watemi wawo, ne walongola wawo, ne wakohani wawo, hamonga ne wawizi wawo.

Yelemiya 48:38

Ne cililo citandaye hanhu hose du mu matembe mucanyha, mu zikaya zose za Mowabu, sunga na mu zinzila zose. Hambi 'ne, nha nayitulanga Mowabu, yawa nha nyungu nhulanje, yono hamba yunji wo wose si koyenda kanyhi.

Yoweli 3:12

“Makungugo gewikanizaje, gaze mwi'lolo lyono likucemwa, U Muwaha Mulungu Yakuling'aniza, ane no Muwaha Mulungu kuko ko nogaling'aniza makungugo ga mu zimbavu zose.

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Mika 3:6

“Anye nyo wawizi, lizuwa lyenyu lili behi malika, nalyo lizuwa lyeza kumuswelenyi. Hambi nha mwawajiliza wanhu wangu, holeka hamba simowa no wugubulilwe wunji wo wose, hamba simosuma kuwila kanyhi cinji co cose.”

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Matayo 10:27

Na yono nghumulonjelelenyi mu wutitu, anye muyilonjelaje hazelu, ne nghani yono mukuyihulika yikupwepwa, anye muyanzalikaje cagalanze.

Walumi 3:2

Heya, kocili cambuzi mbavu zose, inongozi, u Mulungu yawakoza i Wayahudi inghani yakwe.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.

Walamuzi 18:23

wakanza kuwacemeleza. Nawo wanhu wa Dani wakapituka, wakawa kumuwuza Mika wakamutya, “Alu kocili cici? Ne lipuga lyose lili lye wanhu, lya cici?”

1 Samwili 11:5

Nayo Sawuli mwi'pango lilyo, yawuyaga yakulawa ku mugunda, yena ne zing'ombe zakwe zo kulimila. Yakawawuza yakatya, “Alo kocilici? Alu nhawulenyi wose mukulila?” Nawo wakawa kumulonjela zono walonjile i wanhu wono watumwa ku wulawa ku Yabeshi.

1 Samwili 3:1

Na mu vilo vivyo, lono muzelelo Samwili, yamwitumamilaga Muwaha Mulungu, hasi yo wulanjilizi wa Eli mukohani, nghani yo Muwaha Mulungu yikawa nyhefu, no wugubulilwe nawo, wono wukulawa kuli Mulugu wukawa wa kamonga kamonga muno.