Isaya 21:2 - Luganuzi Luswanu Kuli Wanhu Wose 2002

² Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.

Isaya 21:2 ပူးပေါင်းရင်းမြစ်များ

Mwamulizo 10:22

Ne wana wa Semu wali, Elamu, Ashuli, Alipakishadi, Ludi na Alamu.

2 Watemi 17:6

mu mwaka we licenda wo wutemi wa Hosheya, nayo mutemi wa Ashuli yakaza, yakayihoma Samaliya yakayisola. Yakawahamya ne Waisilayeli, yakawategula ku Ashuli wawopwe. Yakawawika wanji wayawo wekale mwi'kaya lya Hala, na wanji yakawawika behi ye likolongo lya Haboli mu yisi ya Gozani. Na wanji kanyhi yakawawika mu makaya ga Mediya.

Zabuli 119:158

Na lono nghuwawona wawo i wagaluci, mutima wangu hamba si wukwendezwa nawo, hambi nha si wakugebata malajilizo gako.

Zabuli 12:5

Ninga u Muwaha Mulungu yakutya nhavi, “Ku soko vyono wasocele wakwiwonelwa, ne waciwa wakung'ung'ulika, alu neza kuza, nane nowapela wuwo mulamu wono wakuwulanjilila.”

Zabuli 25:3

Na wose wono wakwitumbiye gwegwe, si wokozwa cevu yaye. Langa wono wakubedegaye wokozwa cevu.

Zabuli 60:3

Kuwaleka wanhu wako wenjile mu magayo, nalu ceza pepesuka nha wono wagalile divayi.

Zabuli 79:11

Cililo ca wono wafunjigwe cikuficile, na kwe vilungo vyako, wuwaponye wono waling'anizwe wawulagwe.

Zimbazi 13:15

Wizuce wuswanu wuletaga mahweso ge lihewa. Ninga wawo wono si wehuwilwa, wali mu nzila yo wuhodanjice.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 14:4

Nayo kolo yakondya kuwanozeza zizo, ale nawo womusekanga no kumuzwajiza wawe kutya, “Lanjenyi ta u mutemi mono yawakunhulangaga wanhu, alu yali hayi? Yakondya kugwa! Nalu, hamba si kolomukunhulanga yunji kanyhi!

Isaya 14:7

Ninga nhondo lu, yinze yose yikusangalala vyono yatuga wutule, hamonga no mulamu. Ne wanhu wose wasangalala, wakwimba so nyemo.

Isaya 22:6

Wakawa kuza wasilikale wakulawa ku yisi ya Elamu, wapandile mu zifwalasi, wahabatize ne mapinde gawo, hamonga ne zisonga zayo. Nawo wasilikale wanya ku yisi ya Kili, nhavivyo, nawo wena ne zingula zawo.

Isaya 24:16

Nawo we ma'si go kutali mono'nze, wolozihulika zinyimbo zo kumukumya Isilayeli, nghungugo ye ling'ani. Ninga hamba nhavivyo, ane nha sina witumbilo! Nghuganda! Nawo i wagaluci vyo wakucila kungaluka du, no wukonji wawo wukucila kuwa wubi muno muno.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Isaya 35:10

Nawo wolokwinjila mu Yelusalemi wasangalaye, wakwimba ne mazi mawaha so nyemo, wolowa wasangalaye cibitilila, hambi wukalale no wusungu nha vyolowucila lukulu muli wene.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Yelemiya 25:25

Hamonga ne watemi wose we zi'si za Zimuli, na Elamu, na Mediya.

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 31:25

Nane nolowasikamya wono wasoceye, no kuwegutya ndigwa, wose wono wali nzala.

Yelemiya 45:3

agwe wukutya ti, Woyi he! Hambi u Muwaha Mulungu nha yandeka! Nalu kanyonjelezeza wukalale ne magayo. Sunga nane luno neza kusakala so wugule wangu, hamba si nghuwona wuswanu yaye.”

Yelemiya 49:34

Mu mwamulizo wo wutemi wa Zedekiya u mutemi wa Yuda, u Muwaha Mulungu we mihanga, yakanonjela zinghani ze yisi ya Elamu.

Yelemiya 49:35

Yanonjela yakutya nhavi, “Nowawulaga wanhu wose i wanghula wono wakwitumamila wupinde, wono wakuyipela Elamu vilungo.

Yelemiya 50:14

“Nanye nyo wanhu wo wupinde, ale mwiwikanizaje muyipilime Babiloni mbavu zose. Muyigumaje Babiloni ne zisonga zenyu zose, hambi nha wetuma wubi hali 'ne, ane no Muwaha Mulungu.

Yelemiya 50:34

Ninga mono kowaponya, yali vilungo muno, ne litagwa lyakwe yakucemwa u Muwaha Mulungu, we mihanga. Mweneco du yo kowakalalila no kuyiletela yisi mulamu. Ninga gowa magayo kuli wanhu wa Babiloni.”

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Yelemiya 51:44

Nane nomulipiciza Beli, u mulungu wa Babiloni. Nane nomunoza yalavyanize milungu yose yono yayihiza. Ne makungugo si gomuhemba kanyhi yaye.” “Majinji ga Babiloni gakondya kugwa.

Yelemiya 51:53

Nayo Babiloni, hamba yali yinyasuce ko ku wulanga, yikazenje magomawakali ge vilungo kuko. Hamba nhavivyo, vyo nali niwatume wanhu kuko, wabite wakayongomeze du. Vyo nghutya, ane no Muwaha Mulungu.”

I Cililo 1:22

“Wuwaling'anize so wubi wawo wose. Wuwalipicize nawo, nha vyono wundipicize nene so wubi wangu. Nghugula ko wusungu muno, ne nhumbula yangu yizilice.”

Danyeli 5:28

PELESI, wo wutya, wutemi wako wagawanulwa wapegwa Wamedi ne Wapelisiya.”

Danyeli 5:9

Na ku soko yiyo, Mutemi Belishaza, yakasininghala muno muno, na we mahala wakwe wakawula yo yose yo kunoza.

Danyeli 8:2

Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi.

Danyeli 8:20

“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa ko mumaje du. Holeka yiwanojeye i wanhu wo Mulungu, wawe no wukangalile wuwaha hamonga no wihuwilo.”

1 Samwili 24:13

Nitumbiye wumanyile vyono wawaha walongaga wakutya, ‘I zinghani zimbi, zitumwaga ne wanhu wabi.’ Holeka ane si ndahile hamba hadodo kukutamisa yaye.