Isaya 20:4 - Luganuzi Luswanu Kuli Wanhu Wose 2002

⁴ Hambi u mutemi wa Ashuli nha vyo kowategula wali cipwi, i wafungwa wono yawateka ku wulawa mu zi'si zizi zi nyejete Kushi na Misili. Nawo i wazelelo hamonga ne wakombi, wose wojenda wali cipwi, kanyhi wasina malatu, akuno ne madako gawo gali cipwi, ho wawakoze soni Wamisili.

Isaya 20:4 ပူးပေါင်းရင်းမြစ်များ

2 Samwili 10:4

Hodu mutemi Hanuni yakawa kuwebata wa walya wanhu, yakawa kuwaceta zindevu lubavu lumonga lwe videvu vyawo, yakayidemula ne myenda yawo sunga ha madako, yakawa kuwawinga.

1 Zinghomo 19:4

Hodu nayo mutemi Hanuni yakawa kuwebata wawalya wanhu, yakawaceta zindevu lubavu lumonga, lwe videvu vyawo, yakayisapa myenda yawo sunga ha madako, hodu yakawa kuwawinga.

Isaya 19:4

Nane nowakombola Wamisili mu miwoko yo munhu mono yali jila, kuli mutemi mukali mono kowatema. Ane yo nene Muwaha Mulungu, vyo nghutya.”

Isaya 3:17

Ninga 'gwe, wugole du, nane nowatonhya. Nowaceta zimvwili mu mitwe yawo, niwalece wena mikulungu.”

Isaya 31:2

Ninga mwene Mulungu, yamanyile zono yakwituma! Mwene kaletaga wongomele, kanyhi kawalajilaga cogofyo cakwe mu nzila yo kuwalipiciza i wanhu wabi, hamonga na wono wakuwacitila.

Isaya 31:3

Ninga Wamisili nha wanhu du, hamba si milungu yaye. Sunga ne zifwalasi zawo nha nimu du, hamba si muhe yaye. Na lono Muwaha Mulungu yakwituma, likungugo lye vilungo lyolotijinhwa, nalyo likungugo lyono lisoceye lyono likutazwa, lyologwa. Nago gose vyono mejete, wolokongomezwa.

Isaya 47:2

Alu wusole zinzala! Wusaje wusaje! Wuwuse citambala cako co kugubika wusu wako, wuyiwopole ne myenda yako miswanu! Wukunyaje mwenda wako kusika, ho wulowoce vikolongo!

Isaya 47:3

Nawo wanhu nhondo wokuwona vyono wuli cipwi, wokuwona vyono wenenenyheza, kanyhi wukuwona cevu. Nane nolomulipicizenyi, na hasina munhu mono kolonyimila.”

Yelemiya 13:22

Na kolo wukwiwuza go mweneco wukutya, alo nhawule zizi zinyijelela lo? Heya! Myenda yako yidemulwa, nagwe wukebatwa ne walume, no kugona nagwe kwe vilungo. Ale, wumanye nha vyono, zizi zikwagana ku soko yo wubi wako wono wukogofya muno.

Yelemiya 13:26

Nayo u Muwaha Mulungu kokupenula myenda yako yakukoze cevu.

Yelemiya 46:19

Holeka mwiwikanizaje ku wusolwe nha wafungwa, anye nyo wanhu wa Misili! Hambi Mempisi nha yowa nha nyika, howa matongo, howa hanhu hono hamba yunji si kusuma kwikala mumo.

Yelemiya 46:26

niwawice mu miwoko ya wono wakuhila kuwawulaga, nha cinji, kuli Nebukadineza, u mutemi wa Babiloni, ne wasilikale wakwe. Ninga hanyuma yayo, i wanhu wolowuya wekale mu yisi ya Misili kanyhi, nha vyono wanoza mu vilo vyono vipulute. Vyo nghutya, ane no Muwaha Mulungu.”

Ezekiyeli 30:18

Ne citi colodinda mu'si, kolo nakondya kuwanyenyanga vilungo i Wamisili, no kuwawusiza lukumyo lono wedunhumulilaga. Ne livunde lyoloyigubika yisi yose ya Misili, ne wanhu wayo wose wa mu makaya gose, wolosolwa mateka.

Amosi 9:7

Muwaha Mulungu yakutya, “Nye nyo Waisilayeli, ane nghuwehwesa wanhu wa Etiyopiya, nha vyono nghumwihwesenyi nyenye. Ane nawatonga Wafilisiti, ku wulawa ku Kilete, nawo Waashuli, ku wulawa ku Kili, nha vyono namutonjenyi 'nye ku wulawa ku Misili.

Mika 1:11

Anye nyo wanhu wa Shafila, mubite ku wuhamywe, muli cipwi, ne cevu. Na wawo wono wekaye mu Zanani, walecele lukulu kulawila mwi'kaya lyawo. Kolo mukuhulika wanhu wa Betizeli wakulila, ale momanya nha vyono kusina wutizizo kuko.

Nahumu 3:10

Ninga wanhu wa No-amoni, wategulwa kutali ku wuwanda. Na mu zinhuzi zose ze zinzila, wana wawo watowangwaga sunga wafwa. Ne walongola wawo wose wasolwa, akuno wawopwe ne manyolo, wakawa kugawana wanya kuwateka.

Zefaniya 2:12

Muwaha Mulungu kanyhi, kolowawulaga nhavivyo ne wanhu wa Kushi.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.