Isaya 20:2 - Luganuzi Luswanu Kuli Wanhu Wose 2002

² Na mu mapango gago, Muwaha Mulungu yakamulonjela Isaya u mwana wa Amozi, yavule vilatu vyakwe ne myenda yakwe ye ligunila, vyono yali yavwalile. Nayo Isaya yakahulika, yakawa kuvula nha vyono yalonjelwa, yakawa kujenda cipwi kanyhi yasina vilatu.

Isaya 20:2 ပူးပေါင်းရင်းမြစ်များ

2 Samwili 15:30

Mutemi Dawudi yakawa kujendelela no muhinzo wakwe, yakakolela mucanyha ye litunda lya Mizeyituni, akuno yakulila, yasina ne malatu mu magulu gakwe, yegubice no mutwe wakwe, so wusungu wuwaha muno muno. Sunga ne wanhu wose wono yali yena nawo, nawo wakayigubika mitwe yawo wakalila muno.

2 Samwili 6:20

Hanyuma Dawudi yakawa kwinjila mu kaya yakwe, ho yawalamuse we mhuga yakwe. Nayo Mikali yakawa kumuhinjiliza, akuno yakutya, “Izuwali mutemi we Waisilayeli kenozeza litagwa yiwaha muno muno. Hambi nha kegubula no kwilajila nha munhu mulele, ha meso ge wetumami we cicekulu, we wetumami wakwe!”

2 Watemi 1:8

Nawo wakamutya, “U munhu yuyo, yali yavwalile yijoho lya nyhingo ya nimu, yewopile no musipi wa mukowa mu ciwino cakwe.” Nayo mutemi yakatya, “Woyi, yo Eliya!”

Zabuli 30:11

Gwegwe kuwupitula wukalale wangu, wuwa wuvina wa nyemo, kumbusiza wukalale wangu wose, kumhela nyemo mbaha kuciza.

Wutuluce 3:5

Mulungu yakamutya, “Ale, wulanjilile, wulece kusejelela behi muno muno na baha. Wuvule malatu gako mu magulu gako, hambi bahano hono wimile, nha hanhu hono helile.

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Isaya 13:1

Nazo azino, zo nghani za Babiloni, zono Isaya yazibocela kulawa kuli Mulungu.

Isaya 37:2

Hobaho yakawa kuwatuma Eliyakimu u mwitumami muwaha wa mwi'kulu, na Shebina u mwandici u mwana wa Amozi. Ninga nawo lulo wali wavwalile magunila.

Yelemiya 48:37

Nawo wose wakondya kuziceta zimvwili za mu mitwe yawo, waceta sunga ne zindevu zawo. Ne miwoko yawo yose wetemanjile. Na mu viwino vyawo wose wavwalile magunila.

Ezekiyeli 24:17

Hamba cililo cako cilece kuhulikwa na yunji. Kanyhi wulece kuciwopola ne cipombelo cako, hamonga ne malatu gako ho ciwe nha citanjilo co wufwilwe wako. Hamba wulece kwigubiciza ku wusu, hamba kulya zindigwa nha zono walizaga wanhu wono wali mu wusungu wo wufwilwe.”

Ezekiyeli 24:23

Hamba si molojenda musina cipombelo mu mitwe yenyu, hamba si molojenda musina malatu mu migulu yenyu, hamba si mololila, hamba kwikunguza yaye. Langa wose molonyeta ku soko yo wubi wenyu, kanyhi molowa kugula munhu na muyagwe.

Ezekiyeli 4:1

U Muwaha Mulungu yakatya, “Gwe go munhu, wusole litofali wuliwice ha mwande yako, hanyuma wulikwale cihwani ce likaya lya Yelusalemi mucanyha yalyo.

Ezekiyeli 4:5

Hambi nha nakondya kukutemezezya'gwe lizuwa limonga limonga liwe nha wo mwaka monga monga, sunga lono wulipicizwe wawo wulamalicila.

Mika 1:11

Anye nyo wanhu wa Shafila, mubite ku wuhamywe, muli cipwi, ne cevu. Na wawo wono wekaye mu Zanani, walecele lukulu kulawila mwi'kaya lyawo. Kolo mukuhulika wanhu wa Betizeli wakulila, ale momanya nha vyono kusina wutizizo kuko.

Mika 1:8

Mika yakatya, “Ku soko ya zizo, ane nolila muno muno, ndajile wusungu wono nina. Nojenda kwa magulu sina malatu, kanyhi nili cipwi, nowa kubweka nha nyhewe, kanyhi nolila nha nyacihema.

Zakaliya 13:4

Ne vilo vivyo kolo vikuza, holowa hasina muwizi wo wose mono kolokwidunhumulila zo wugubulilwe wakwe hamba kwituma zo wuwizi, hamba kuvwala i kanzo ye ciwizi-wizi, ho yawakonje wanhu.

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Matayo 3:4

Nayo Yohana yavwalaga mwenda wono wali muhonwe no wusinga we ngamiya, kanyhi yali yewopile no musipi we nyhingo mu ciwino cakwe. Ne ndigwa yakwe yali nzije no wuci wa mu mbago.

Yohana 21:7

U mwijizwa yuyo mono yali yendigwe na Yesu, yakamutya Petelo, “Yo mwene Muwaha.” Nayo Petelo yaza kuhulika vyono yo mwene Muwaha, yakawa kwitunga mwenda wakwe (hambi nha si yali yetunjile) yakelujila mu malenga.

Metumo ge Watumwa 19:16

U munhu mono yali ne licisi lyavu, yakawazumhila, yakawasumiza vilungo, nawo wawo wana wa Sikewa wakatiza mu nyumba yiyo, akuno wali cipwi, wena ne mazeya.

Metumo ge Watumwa 21:11

Nayo yakaza kuli'se, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu wono si Wayahudi!”

Yoshuwa 5:15

Citung'ati yu yulya we lipuga lye wasilikale wo wulugu lyo Muwaha Mulungu, yakamutya, “Yoshuwa vule malatu mu magulu gako, hambi baho hono wimile nhe helile.” Nayo Yoshuwa yaketuma nha vyono yalonjelwa.

Wugubule 11:3

Nane nowatuma wahomelezi wangu wejete, ho wayiganule i nghani yo Mulungu, mu cipango cico ce vilo elufu monga na magana mejete na makumi mutandatu, akuno wowa wavwalile vivwalo vye magunila.”

1 Samwili 19:24

Yakayivula myenda yakwe, yakawa yakuwila ha mwande ya Samwili akuno yali cipwi, mwi'zuwa lilyo misi yose sunga ne cilo cose sunga wukela. (Holeka wanhu walongaga wakutya, “Wule, Sawuli nayo kowa yo monga ne wawizi?”)