Isaya 2:6 - Luganuzi Luswanu Kuli Wanhu Wose 2002

⁶ Gwe go Mulungu, hongo wakondya kuwaleka wanhu wako du, i wana wana Yakobo! Vyono yisi yawo luno, yakondya kumema myoto yono yilawile kucilima, hamonga no wutowa visangu nhe Wafilisiti. Wanhu wako watyatya myoto ye cijenzi.

Isaya 2:6 ပူးပေါင်းရင်းမြစ်များ

2 Watemi 1:2

Nayo mutemi Ahaziya lulo, yakagwa hasi, ku wulawa kucanyha ku golofa, ye kaya yakwe ye likulu, ku Samaliya, yaketamisa muno muno. Hanyuma Ahaziya yakatuma wanhu wabite wakawuze kuli Baalizebubu, u mulungu we Wafilisiti, ku yisi ya Ekiloni, ho wamanye hono mutemi Ahaziya kofwa, hamba kowumipa.

2 Watemi 17:20

Muwaha Mulungu yakawa kuwaleka Waisilayeli, yakawalipiciza, yakawaleka wasolwe ne walugu wono wowatajila mu magayo, na hanyuma yakawa kuwawusiza lukulu ha meso gakwe.

1 Zinghomo 10:13

Nayo Sawuli yafwa, vyono si yali mwihuwilwa kuli Muwaha Mulungu. Si yasaka kumuhulika Muwaha Mulungu, hamba kugebata malajilizo gakwe. Langa mwene yali yendile kwilaguliza kuli wono wena macisi, no kusaka wutonji kuli myuhe ye wanhu wono wafwa,

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 24:20

Hanyuma u muhe wo Mulungu wukamuziza Zekaliya u mwana wa Yehoyada mukohani. Hobaho Zekaliya, yakabita yakema i hanhu hono kosuma kuwa yejeye hali wanhu wose, yakawa kuwalonjela wanhu yakutya, “Nye wayangu, u Muwaha Mulungu yakumuwuzenyi, nhawule mwagabeza i malajilizo gakwe, nalu mweza kwiyiletela wongomezwe nyenye nyo weneco! Hambi nha mwakondya kumuleka mwene, holeka nayo yakondya kumulecenyi nhavivyo!”

Nehemiya 13:23

Kanyhi baho, ho nghamanya nha vyono, wanji wa muli Wayahudi, wali watolile wacekulu wanya Ashidodi na we yisi ya Amoni na Mowabu.

Zabuli 106:35

Ninga wene vikelunza hamonga ne wanhu we makungugo, sunga wakeyijiza no kwituma metumo gawo.

Wutuluce 22:18

“Wulece kumuleka muhawi we cicekulu yekale mumi.

Wutuluce 34:16

no kuwatoza wana wenyu we cilume kuli wana wawo we cicekulu. Hambi nha wowajiliza no kuwanoza wawe si wehuwilwa kanyhi kuli'ne, wawe kuhemba ne milungu yawo yo wulambi.

Zimbazi 6:1

Ati mwanangu, ho hali hanji hono wehuwiza nha vyono komulipila yunji migawa yakwe?

Isaya 14:29

Nye nyo Wafilisiti, mulece kusangalala, mukutya hambi nghome yono mukatowelwa nha yabeneka, musina soko yo kusangalala nhavivyo. Mumanye nha vyono, lono nzoka monga yikufwa, yokuza kanyhi yono 'mbi kuciza yiyo yono yifwiye. Kanyhi mumanye nha vyono, ligangha lye lizoka, liganghasaga lizoka likali lyono ligulukaga.

Isaya 8:19

Ninga hono wanhu watye, mubite mu waganga muketoweleze visangu, na kuli wahawi wono wapwepwaga, wakulonga ne lizi yidodo. Wamutyeni “I wanhu yiwanojeye wawuze zinghani zawo kuli wafu ku soko ye womi.”

Yelemiya 10:2

Yakutya nhavi, “Mulecele lukulu kuzityatya zinzila ze makungugo ganji, hamba kogofywa ne vitanjilo vya kucanyha, hamba wawe wene we makungugo vikuwogofya muno.

Yelemiya 12:7

U Muwaha Mulungu yakutya nhavi, “Holeka nane luno, nakondya kuwaleka wanhu wa Isilayeli, nakondya kuwalema i wanhu wangu we nghungugo hagulwa. Nalu i wanhu wono niwendile, nakondya kuwakombola mu miwoko ye walugu wawo.

I Cililo 5:20

Alu nha wacileka sunga vilo vyeza vinji muno? Alo hamba si kocikumbucila kanyhi ng'o?

Walawi 19:31

“Mulece kuwabitila we macisi, hamba i wahawi, no kulondola wutazi kuli wene. Hambi hono munoze zizo, nha mowa mweza wavufywe. Ane yo nene Muwaha Mulungu wenyu.

Walawi 20:6

“Hono munhu wo wose yabite kuli we macisi, hamba kuli wahawi, kulondola wutazi kuli wene, nane nomwizila, hamba si nomuwaliliza kanyhi hamonga ne wanhu wangu.

Mika 5:11

Kanyhi nologahodanga makaya ga mu yisi yenyu, no kugagwisa hasi magomawakali genyu gose.

Mika 5:12

Noloziwusiza lukulu zimhiji zono muzitumbiye, nimulecenyi musina kanyhi no mutowa cisangu.

Zefaniya 1:8

Na mwi'zuwa lilyo lyo wuwulagwe, nolowalipiciza i wawaha we lilumbo, hamonga ne wana we watemi, sunga na wose wono wakwibata myoto ye cijenzi.

Wuwale 23:7

Hobaho Balamu yakawa kwanza kuzilonga zo wuwile wakwe yakutya, “Balaki u mutemi we Wamowabi kanyhema, ku wulawilila ku Siliya, mu matunda ga kucilima, Kanyitya, ‘Wuze wundijitile Waisilayeli.’

Walumi 11:20

Sawa, gapanyulwa ku soko yo wula wihuwilo, ninga agwe wimile ku soko yo wihuwilo wako. Ninga wulece kwilumba, langa wogope.

1 Samwili 6:2

I Wafilisiti wakawacema i wakohani ne waganga, wakawawuza wakutya, “Alu 'nye, cilitendele wule Lisandukulu lye Cilagane lyo Muwaha Mulungu? Na hono cende, ciligomole kono lyalawilila, coligomole hamonga ne cinhuci?”