Isaya 2:3 - Luganuzi Luswanu Kuli Wanhu Wose 2002

³ nawo wanhu wolowa kutya, “Alenyi cibite kwi'tunda ku Nyumba yo Mulungu, ku Nyumba yo Mulungu we Waisilayeli. Mwene nayo kocijiza zono yakuhila ase cizitume. Nase cojendela mu zinzila zakwe zono kohagula mwene. Hambi wulajilize wo Muwaha Mulungu, nha wulawaga ku Yelusalemi kalongaga ne wanhu wakwe ku wulawa ku Sayuni.”

Isaya 2:3 ပူးပေါင်းရင်းမြစ်များ

Esita 9:27

Nawo Wayahudi wakayinoza liwe yilajilizo kuli wene, hamonga ne wana wawo, sunga na kuli munhu wo wose mono kokwiyitya mwene Muyahudi, vyono mwipango lili, mu mwaka na mwaka, yinojeye wayinoze sikukuu yiyi, mu vilo vivi vyejete nha vyono wulajilize wa Moledekayi winha.

Zabuli 102:23

Mulungu kanyhepulila vilungo vyangu, lono nghali muzelelo, kacepula vilo vyo wikale wangu.

Zabuli 110:2

Hambi Muwaha Mulungu nha kotandaza, vilungo vyako wulawilila ku Sayuni, yakutya, “Ale wuwatemaje walugu wako!”

Zabuli 119:171

Nane nowa kukulumba nhondo zose, hambi nha wukunyijiza zo wutonji wako.

Zabuli 122:1

Nasangalala waza kunonjela wakutya, “Ale cibite ku kaya yo Muwaha Mulungu.”

Zabuli 48:1

Muwaha Mulungu, yo Muwaha, mono yanojeye kulumbwa mu Nyumba yakwe,

Isaya 1:26

Nane no mupelenyi walongola, hamonga ne wanyamhala wenyu, nha vyono mwali mwina nawo baho ha mwamulizo. Na hanyuma nhondo, Yelusalemi ho yocemwa, likaya lyo wiling'ano, likaya lihuwilwa.”

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 19:23

Na kolo vilo vivyo vyakondya kufika, holowa na nzila mbaha nyejete haciligati ya Misili na Ashuli. Ne wanhu wono wali mu zisi zizo zinyejete, wowa kujenda wakuyumba-yumba mu zinzila zizo zinyejete, ne makungugo mejete, gohemba hamonga.

Isaya 28:9

Sunga nalu, wakung'ung'ulicila wakutya, “Alu, mwene nye, nani 'lo mono yamunozize munhu yuyu, yehwese nha vyono mwene kosuma kwijiza munhu yunji? Hamba nani mono yakuzisaka zinghani zakwe? Hambi zinghani zakwe, nha ziwanojeye i wana wagalika du, wono wakali kongha!

Isaya 44:5

“Nawo wanhu wolonga yumonga yumonga wawe kutya, ‘Ane nili wo Muwaha Mulungu.’ Nawo wolokuza wehangulize hamonga ne wanhu wa Isilayeli. Nawo wose munhu na lwakwe kolokwiyandika litagwa lyo Muwaha Mulungu mu mhukumhuku yakwe, no kwiyitya vyono yaweza yumonga ne wanhu wo Mulungu.”

Isaya 56:5

ale, litagwa lyako lyokumbucilwa mu Nyumba yangu hamonga ne wanhu wangu, kuciza na hono wali wuwe wina wana we cilume na we cicekulu. Holeka hamba si kosemwelwa lukulu yaye.”

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Isaya 60:3

Ne makungugo gose gokwejelwa ku wuzelu wako Nawo watemi wokwegwa ne lizuwa lyako lipya.

Isaya 65:11

“Ninga holowa no wisimajile kuli'nye mono mukundeka, no kuyibedegala Sayuni, i litunda lyangu lisiwanulwe, muwa kumuhemba Gadi na Meni, i milungu yono yisina cambuzi co cose, yono yiwiciywe wongomele.

Isaya 66:20

Nawo kolo wabita kuko, wowagomola kono kaya i wanyawusi wayenyu, ku wulawa mu makungugo, wawe nha cipegwa kuli'ne. Wowaleta sunga wawafise mwi'tunda lyangu lyono lyelile, mu Yelusalemi, wawapacize mu zifwalasi, na mu zinyumbu, na mu zingamiya, na wanji mu matuka go wulugu, na wanji mu magali go kukwegwa, nha vyono Waisilayeli waletaga mu viya vyono vyelile, i vilavywa vyo wusaje mu Nyumba yo Mulungu.

Yelemiya 12:16

Nawo hono wawuvumile mu zinhumbula zawo u wuhembi we wanhu wangu, kanyhi welahize wawe kutya, ‘Nha vyono Muwaha Mulungu kekalaga mumi,’ nha vyono nawo wali wawafunda i wanhu wangu, kwilahiza kuli Baali, ale, nawo baho, nhondo ho wowalilizwa hamonga ne wanhu wangu, no kumoteswa.

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 31:6

Na heya mbeka, i vilo vikuza, vyono i walindilizi, wolowa wakwicemeleza mu vitunda vya Efulayimu wakutya, ‘Alenyi cibite ku Sayuni, ko Muwaha Mulungu, u Mulungu wetu.’ ”

Ezekiyeli 40:2

Na mu wugubulilwe wangu, u Mulungu yasola, yakanhegula ku yisi ya Isilayeli, yakambika ku cizuli ce litunda litali muno muno. Na ha mwande yangu nghawona makaya menji, gono gejelaga nhe kaya yiwaha.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Mika 4:2

Ne wanhu wayo wolotya, “Alenyi cibite kwi'tunda lyo Muwaha Mulungu, ku Nyumba yo Mulungu wa Isilayeli mwene yo kocifunda ase zono yakuhila cizitume. Nase cojendela mu zinzila zono mwene yazihagula. Hambi i mejizo go Muwaha Mulungu, nha galawaga ku Yelusalemi, kanyhi yakulonga ne wanhu wakwe ku wulawa ku Sayuni.”

Matayo 7:24

“Holeka ku soko yiyo, u munhu wo wose mono ya kuzihulika zinghani zangu no kuzibata, yuyo yehwanile u munhu we mahala, mono yayizenga kaya yakwe mwi'talawe.

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Yohana 4:22

Anye Wasamaliya, mumuhembaga ayulya mono imbeka, si mumumanyile yaye. Ninga ase langa co Wayahudi, cimumanyile yuyo mono cimuhembaga. Hambi i mhonelo nha yikulawa kuli Wayahudi.

Yohana 7:17

Munhu mono yendile kwituma zono u Mulungu yendile, yo komanya hono mejizo gangu galawa kuli Mulungu, hamba nene nghwilonjela mu wulajilize wangu no mweneco du.

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

Metumo ge Watumwa 10:33

Holeka nane nghawa kukutumila wanhu lwa kamonga, nagwe kunoza viswanu kuza. Alu ase wose cili baha hali Mulungu, cizihulicize zose zono Muwaha yakulajilize wulonje.

Walumi 10:18

Ninga nghutya, alo si wayihulika inghani yiyo? Mbeka wayihulika, nha vyono gakutya i Mandiko Gono Gelile. “Ilizi lyawo lificile mono yinze yose, Ne zinghani zawo zificile sunga ko ku ndumo ye yinze.”

Wukumbucize wo Wulajilize 33:19

Wowacema wajenzi, wabite mwi'tunda lyawo Wakalavye kuko makumbiko gono ganojeye. Nawo wovituga viwutwa vya mwi'lenga, sunga na vya mu musawawa mu mwejelele we lilenga.”

Wukumbucize wo Wulajilize 6:1

“Na gagano go malajilizo gose gono Muwaha Mulungu, u Mulungu wenyu, yandajilize nimwijizenyi. Holeka mweze na cihuliko, kanyhi mugakamise muno, mumo mu yisi yono aluno mweza kwinjila no kuyisola yiwe yenyu.

Yakobo 1:25

Langa umunhu mono yakuwulanjisa muno muno wulajilize wono wukwilaniciye, wono wupelaga wanhu welecele, no munhu mono yakujendelela kuwibata, hamba sikuwuhulika du, no kuwusemwa hanyuma yayo, langa yakuwitumama, umunhu yuyo kowa mumoti muli vyose vyono yakwitumama.