Isaya 2:2 - Luganuzi Luswanu Kuli Wanhu Wose 2002

² Mu vilo vyono vikuza litunda lyono lizenjigwe Nyumba yo Mulungu, lyolosikamya mucanyha ye matunda lyolokwinulwa kuciza vigongo vyose, ne makungugo gose golokuza kuli lyene,

Isaya 2:2 ပူးပေါင်းရင်းမြစ်များ

Mwamulizo 49:1

Hodu, Yakobo yakawa kuwacema wanagwe wose, yakawatya, “Nye wanangu, ale mwikongholelaje hamonga, hambi nha nghusaka nimulonjelenyi zono zomwaganenyi mu vilo vyono vikuza.

Jobu 19:25

Ninga manyile vyono Mukombozi wangu yo mumi, Kanyhi vyono kolokwima mu manghundi gago mwi'zuwa lye ndumilizo.

Zabuli 102:23

Mulungu kanyhepulila vilungo vyangu, lono nghali muzelelo, kacepula vilo vyo wikale wangu.

Zabuli 2:8

Ale wulombe kuli'ne nane nokupela makungugo gawe wuhazi wako, ne yinze nayo yose yiwe sawo yako.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 22:28

Hambi u Muwaha Mulungu nha Mutemi, nayo yagatemile makungugo gose.

Zabuli 48:2

Mucanyha ye litunda lyakwe, lyono lyelile Sayuni. Litunda lyo Mulungu, yitali kanyhi yiswanu, likaya lyo Mutemi muwaha, lyo liletaga nyemo ye yinze.

Zabuli 68:17

Nayo Muwaha Mulungu yakulawa ku Sinayi, yakuza hono helile hakwe, yali hamonga ne lipuga yiwaha, lya maelufu na maelufu lye matuka go wulugu.

Zabuli 72:8

Yateme ku wulawilila lilenga sunga lilenga, kanyhi ku wulawa kwi kolongo lya Efulata, sunga ko ku mhelo ye yinze.

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Zabuli 87:1

Mulungu yazenga likaya lya Sayuni, yalizenga mucanyha ye litunda lyono lyelile.

Zabuli 87:2

Muwaha Mulungu, yalyendile likaya lya Sayuni, kuciza wikalo winji wo wose wa Yakobo.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 25:6

Nayo Muwaha Mulungu we mihanga, kolowikaniza ndigwa mwi'tunda lili lya Sayuni, so makungugo gose ga mono'nze. Ndigwa yono yolowa ndigwa swanu muno, hamonga na divayi swanu muno.

Isaya 27:13

Na mwi'zuwa lilyo, ndulele yololila, yiwacemeleze Waisilayeli wose wono wali ku wuhamywe, ku yisi ya Ashuli, na ku yisi ya Misili, wose wawuye. Nawo wolowuya, wamuhembe Muwaha Mulungu mwi'tunda lyakwe lyono lyelile lya mu Yelusalemi.

Isaya 30:29

Ninga anye nyo wanhu wo Mulungu, molosangalala muno no kwimba nha vyono munozaga mu cilo ce sikukuu yono yelile. Kanyhi molosangalala nha wono wakujenda no mulilo we zifuluti, wakubita ku Nyumba yo Mulungu, u Muwaha Mulungu, u mudimi wa Isilayeli.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 56:5

ale, litagwa lyako lyokumbucilwa mu Nyumba yangu hamonga ne wanhu wangu, kuciza na hono wali wuwe wina wana we cilume na we cicekulu. Holeka hamba si kosemwelwa lukulu yaye.”

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Isaya 60:3

Ne makungugo gose gokwejelwa ku wuzelu wako Nawo watemi wokwegwa ne lizuwa lyako lipya.

Isaya 65:11

“Ninga holowa no wisimajile kuli'nye mono mukundeka, no kuyibedegala Sayuni, i litunda lyangu lisiwanulwe, muwa kumuhemba Gadi na Meni, i milungu yono yisina cambuzi co cose, yono yiwiciywe wongomele.

Isaya 66:20

Nawo kolo wabita kuko, wowagomola kono kaya i wanyawusi wayenyu, ku wulawa mu makungugo, wawe nha cipegwa kuli'ne. Wowaleta sunga wawafise mwi'tunda lyangu lyono lyelile, mu Yelusalemi, wawapacize mu zifwalasi, na mu zinyumbu, na mu zingamiya, na wanji mu matuka go wulugu, na wanji mu magali go kukwegwa, nha vyono Waisilayeli waletaga mu viya vyono vyelile, i vilavywa vyo wusaje mu Nyumba yo Mulungu.

Isaya 66:23

Ne wanhu wose we makungugo gose, wowa kuza kuhemba nene ku Yelusalemi, mu zisikukuu zose ze ndawo yo mwezi, na ze Sabato, vyo yakutya u Muwaha Mulungu.

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 23:20

Nalyo si lyowuka yaye, sunga yawe yakondya kuzifisiliza zose, zono yali kusaka kuzituma. Na mu vilo vivyo vyono vikuza, i wanhu wakwe nhondo, ho woloyimanyila lukulu nghani yiyi calinze.”

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Yelemiya 30:24

Nalyo likuwo lilyo likali lyo Muwaha Mulungu, hamba si lyolowuka mbela yaye, sunga langa kolo lyakondya kwituma zose no kufisiliza wuhile wakwe. Ne wanhu wakwe, wolozitanga zizi, mu vilo vye ndumo.

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Yelemiya 48:47

Ninga hamba nhavivyo, u Muwaha Mulungu, koloyimotya kanyhi Mowabu mu vilo vyono vikuza. Na zizi zose, zo Muwaha Mulungu yalonga nha vyono si zoleka kuyiziza Mowabu.

Yelemiya 49:39

Ninga hanyuma, ho nolowamotya kanyhi i wanhu wa Elamu. Vyo nghutya ane no Muwaha Mulungu.”

Yelemiya 51:44

Nane nomulipiciza Beli, u mulungu wa Babiloni. Nane nomunoza yalavyanize milungu yose yono yayihiza. Ne makungugo si gomuhemba kanyhi yaye.” “Majinji ga Babiloni gakondya kugwa.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Ezekiyeli 40:2

Na mu wugubulilwe wangu, u Mulungu yasola, yakanhegula ku yisi ya Isilayeli, yakambika ku cizuli ce litunda litali muno muno. Na ha mwande yangu nghawona makaya menji, gono gejelaga nhe kaya yiwaha.

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Danyeli 2:45

Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Zakaliya 14:10

Ne yisi yose, ku wulawilila Geba lubavu lwe sumuka, sunga ko ku lubavu lwe takama ku Limoni, yolotelemezwa ho yiwe ya wuhihi. Nayo Yelusalemi, yolozengwa mu cizuli ce yisi yono yipilime. Ne likaya lyololawilila kwi 'lango lya Benyamini, sunga ko kwi'lango lya kumhelo, hono hali ho wuli mulango mulongozi. Na ku wulawilila ha munala wa Hananeli, sunga kono kogali makobonjelo ge zizabibu go mutemi.

Zakaliya 14:9

Ale baho, u Muwaha Mulungu ho kolowa yo mutemi we yinze yose. Baho wose wolomuhemba mwene vyono yo Mulungu, kanyhi wolomumanya mwene vyono lilyo lyo litagwa lyakwe.

Zakaliya 8:22

Hobaho wanhu wenji hamonga ne zinghungugo zono zina vilungo zolokuza ku Yelusalemi kumuhemba Muwaha Mulungu we mihanga, wamulombe yawapele wulugutizwe wakwe.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Malaki 3:12

Sunga ne wanhu we makungugo gose womucemenyi, ‘Muli wamoti’ hambi yisi yenyu nha yolowa hanhu haswanu muno ku wikale.”

Wuwale 24:14

Hanyuma kanyhi Balamu yakawa kumulonjela Balaki yakutya, “Alu ane neza kuwuya kwetu kuli wanhu wangu. Ninga lono nghali sinatuluka, nghukusugula no kukumanyiza, ze Waisilayeli, vyono wolowatendela i wanhu wako mu vilo vyono vikuza.”

Metumo ge Watumwa 2:17

‘Ku vilo vye ndumilizo vyo yolowa, yakutya Mulungu, nolowetila iwanhu wose Muhe wangu. Ne wana wenyu, we cilume na we cicekulu woloziganula izinghani zangu, ne wazelelo wenyu, wolowona wugubulilwe, Ne wakombi wenyu, wololota zindoto.

2 Timoteyo 3:1

Weze kukumbucila vyono, mu vilo vya ku ndumo, vyolokuza vipango vyo wugaye.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolomuzwajizenyi nyenye,

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.