Isaya 2:18 - Luganuzi Luswanu Kuli Wanhu Wose 2002

¹⁸ Avi navyo i vihwani, nhondo ho vyolokwajililila lukulu. No Muwaha Mulungu du, u Mudaha vyose, yo kolopegwa lukumyo yali wene.

Isaya 2:18 ပူးပေါင်းရင်းမြစ်များ

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Isaya 21:9

Ninga kwa nhinicizo, niwa kuwawona wakuza! Wanhu wapandile fwalasi wakujenda wepanhame wejete wejete. Mulindilizi yakulonga zono yawene, yakutya, “Babiloni yakondya kugwa! Sunga ne vihwani vyose vyono wavihembaga, vyakondya kugwa hasi vyabenanjika.”

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 46:1

“Alu ayi yo ndumilizo ye milungu ya Babiloni! Hambi Beli na Nebo, vyono wavihembaga katali, ninga aluno vyeza vili mucanyha ye zindogowe, vyeza mutegulo muzito mu migongo ye zinimu zono zikataye.

Yelemiya 10:11

(Holeka anye nyo wanhu, munojeye muwalonjele we makungugo, vyono i milungu yiyo yono yeneco si yayiwumba yinze, hamba wulanga, yokongomezwa yose. Hamba si yolokwijela kanyhi hanhu ho hose mono yinze.)

Yelemiya 51:18

Holeka yisina cambuzi du hamba cidodo, yinojeye yibedegalwe. Ninga u Muwaha Mulungu kolo yeza kuza, koyongomeza yose.

Ezekiyeli 30:13

U Muwaha Mulungu yakutya, “Nolovihodanjila lukulu vihwani vyose, hamonga ne milungu yose yo wulambi yono yili mu Memufisi. Na holowa hasina hamba munhu monga, mono koloyitema kanyhi yisi ya Misili, hambi nha nolowogofya i wanhu wose.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Ezekiyeli 37:23

Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo.

Ezekiyeli 6:6

Sunga ne makaya gose ge Waisilayeli, golokongomezezwa lukulu, ne makumbicilo gawo hamonga ne vihwani vyawo, vyose vyolotulanjililwa lukulu. Navyo vikumbicilo vyawo vyo kufusiza wuvumba, vyose vyolopondanjizwa no kwiyagazwa, ne vinhu vyose vyono wowa wanozize, navyo vyolokwajililila lukulu hamba kwijela kanyhi yaye.

Hoseya 14:8

Waisilayeli, wowa wasina kanyhi cinji co kwituma kuli vihwani, nolowupitula no wulombe wawo no kuwadima nolowacitiza no mubeho kotya mubici wono wudedewaye. Hambi nha yo nene mono nili mwamulizo wo wulugutwe wawo wose.”

Mika 1:7

Ne vihwani vyawo viseswe, vyose vyobenanjizwa-benanjizwa. Ne vinhu vyawo vyose vyono wavitujila mu nzila zo wusenyha, vyohodangwa no moto, ne vihwani vyose, novinoza viwe visina cambuzi. Hambi Samaliya, nha yavitujila vivi vyose, mu zinzila zo wusenyha. Holeka walugu wakwe wovisola, no kuvitegula hanhu hanji, nawo wavitumamile nhavivyo mu zinzila zo wusenyha.”

Mika 5:13

Nolovihodanga ne vihwani vyenyu, hamonga ne masumbili genyu ge mabwe gono mugasiwanuye, nanye si molovihembela lukulu kanyhi, i vinhu vyono mwinozeze nyenye nyo mweneco.

Zefaniya 1:3

nowongomeza wanhu wose hamonga ne zinimu, ne zindeje ne zisomba. Ne wabi nowongomezeza lukulu. Kanyhi nowongomeza wanhu wose, hamba hasina cinhu cumi co cose cono colosigala. Ane no Muwaha Mulungu vyo nghutya.

Zefaniya 2:11

U Muwaha Mulungu, kolowogofya muno. Hambi nha koloyimala milungu yose ya mono yinze, ne makungugo gose golomuhemba mweneco du, wanhu na yisi yawo weneco.

Zakaliya 13:2

Kanyhi mu vilo vivyo, nolowusa ne matagwa ge milungu ye vihwani yono yili mu yisi, na holowa hasina yunji wo wose mono kolosuma kujikumbucila kanyhi. Nolowawinga wose wono wakwinoza wawizi wo wulambi, no kuwawusiza wuhile wuwo i wahemba vihwani.