Isaya 2:16 - Luganuzi Luswanu Kuli Wanhu Wose 2002

¹⁶ Kolozidodomeza mu malenga zingalawa zimbaha kanyhi swanu.

Isaya 2:16 ပူးပေါင်းရင်းမြစ်များ

1 Watemi 10:22

Hambi mutemi Solomona, nha yali yena ngalawa zono zajendaga mwi'lenga hamonga ne zingalawa za Hilamu. Na mu myaka yose, mu mwaka we kadatu, ngalawa zakwe zawuyaga zidinghuye zahabu, fweza, meno ga nhembo, ne manyani, hamonga ne majedengwa.

Zabuli 47:7

Mulungu yo mutemi we yinze yose, holeka mwimbilenyi zi nyimbo zo lukumyo.

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Isaya 23:1

Ayi yo nghani yo Mulungu kuli Tulo. Ale, mulile ko wusungu, anye nyo wajendela mu zingalawa mwi'lenga! Hambi i hanhu ha wuficilo we zingalawa zenyu ku Tulo, nha hakondya kongomezwa. I makaya gayo, hamonga ne hanhu ho wuficilo we zingalawa, mose gawa matongo du. Nagwe zingalawa zako kolo zakondya kuwuya ku wulawa Kupulo, ale, komanyizwa.

Isaya 23:14

Nanye nyo wajendela mwi'lenga, mulile ko wusungu wuwaha! Hambi likaya lyono mwali mulitumbiye, nha lyakondya kongomezwa.

Isaya 60:9

Zo ngalawa zono zikulawilila mu ma'si go kutali zikuwagomola i wanhu wo Mulungu kono kwawo. Wakuza wena hamonga ne fweza na zahabu ho walipele lilumbo litagwa lyo Muwaha Mulungu. U Mulungu mono yelile wa Isilayeli, mono yaganoza makungugo gose, gawapele cogopo i wanhu wakwe.

Isaya 66:19

Baho ho womanyila vyono yo nene du mono nghuwalipiciza. Ninga hamba nhavivyo, nolowasigaza wanji muli wene, niwatume kuli makungugo na ku zi'si zo kutali, kono wakali nazihulika zo lukumyo lwangu, hamba kuziwona zo wuwaha wangu ne vilungo vyangu. Ku zi'si za Sipeyini, Libiya, na Lidiya, wabite hamonga ne wanghula wo kuguma no wupinde. Wabite sunga ko ku Tubali na ku Gilisi. Wabite wakanze zo wuwaha wangu ku zinghungugo zizo.

Ezekiyeli 27:25

Ne vinhu vyako vyono wakwawaga, vyadinghulilwaga mu zingalawa zimbaha muno za Hisipaniya. Agwe, wali wihwanile ngalawa yono yili mwi'lenga, Yono yidinghuye mitegulo mizito muno muno.

Wuwale 33:52

Ale, munojeye muwawinje wekazi wose wa mu yisi yiyo. Muvyongomezeze lukulu i vihwani vyawo viseswe, hamonga ne hanhu hawo hose ho wuhembelo wawo.

Wugubule 18:11

Ne wasuluza wa kono'nze wololila no kumwikunguziza, hambi, nha holowa hasina kanyhi munhu mono kosuma kugula vinhu vyawo vyo wusuluza,

Wugubule 8:9

libimha lye kadatu lye viwumbwa vya mwi'lenga vikafwa, ne libimha lye kadatu lye zingalawa, nazo zikahodanjika.