Isaya 2:12 - Luganuzi Luswanu Kuli Wanhu Wose 2002

¹² Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 2:12 ပူးပေါင်းရင်းမြစ်များ

2 Samwili 22:28

Agwe kuwaponyaga i wenenenyhezi, ninga kuwanyetyaga wono wakwikumya.

Jobu 24:1

“Alu socici Mulungu yalihagula lipango lyo wuling'anizi, lizuwa lyo wuling'anizwe, kuli wose wono wakumwitumamila?”

Zabuli 131:1

Gwe go Muwaha Mulungu, ane nakondya kuwuleka widunhumuzi wangu, nawuleka sunga no wiwoni wangu wose. Alu, hamba si nghwisacila mawaha, hamba zo wizine zono zikufutila.

Zabuli 18:28

Gwegwe go Muwaha Mulungu, go Mulungu wangu, yo gwegwe mono kumulicilaga, yo gwegwe mono kumbusizaga citi cangu.

Zabuli 37:13

Ninga mwene Muwaha Mulungu, kamusekaga u mubi, hambi nha yamanyile du vyono u mudumo wakwe weza wuli behi.

Zabuli 94:2

Ale, winukaje wime wima agwe, go muling'anizi we wanhu wose, wuwalipicize wose, i wedunhumuzi wono wasina cihuliko, nha vyono yiwanojeye!

Zimbazi 16:5

Ninga Muwaha Mulungu, si yendile wanhu wedunhumuzi yaye. Holeka si komuleka munhu we nhavivyo yalece kulipicizwa.

Isaya 10:12

Kanyhi u Muwaha Mulungu yakutya nhavi, “Ninga nane kolo nakondya kuzinoza mwi'tunda lya Sayuni na mu Yelusalemi, nolomulipiciza u mutemi wa Ashuli ku soko yo widunhumuzi wakwe no wiwoni wakwe wose.”

Isaya 10:33

U Muwaha Mulungu we mihanga, kowaleka webamilize hasi nhe manhambi gono gakudumulwa mwibici. U wiwoni no widunhumuzi wawo, wowuswa, nawo wonyetywa.

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 13:9

Lizuwa lyo Muwaha Mulungu likuza, lizuwa lyo wukali we likuwo lyakwe. Mwi'zuwa lilyo, yinze yolonozwa yiwe mbago, no kuwongomeza wanyo wubi wose.

Isaya 14:15

Ninga 'lu kumbe ho wategulwa ku'si muno muno ku yisi ye wafu.

Isaya 23:9

Ninga wumanye, vyono yo Muwaha Mulungu du we mihanga, yo yaziwika zizi. Yaziwika ho yawawusize lukulu cibede cawo wanhu wa Tulo, cibede cono cali ciwatumvizye, kanyhi ho yawanyetye ne wanhu wawo we lilumbo.

Isaya 24:21

Nalyo lizuwa likuza, lono Muwaha Mulungu kolowalipiciza mapuga ge wawaha, gono gali kucanyha, hamonga ne watemi we yinze wono wali mono'nze.

Isaya 24:4

Yinze yikukalala no kunyala, ne yinze yose yikutimba, yinze hamonga no wulanga, vyose vikusakala.

Isaya 40:23

Mwene kawawembulaga watemi kanyhi kawa kuwapuvya.

Isaya 42:15

Nane nogongomeza matunda ne vigongo, noganyaza mahanze hamonga ne mabici. Nonyaza makolongo ga mu malolo, gawe nyika nonyaza hamonga ne malamba ge malenga.”

Isaya 5:15

Ne wanhu wose wolokozwa cevu, ne wewoni wose wolonyetywa.

Isaya 61:2

Kanhuma ho niwalonjele vyono lipango lyafika, lyono u Muwaha Mulungu kowaponyezya wanhu wakwe, no kuwasumila kuli walugu wawo. Kanhuma ho niwasindamice wono wali mu wusungu.

Yelemiya 12:9

Nalu i wanhu wangu, luno wehwana nhe ndeje, yono yipilimwe ne zindeje zinghali mbavu zose, zono zikucemeleza i malimu gose ga mu mbago, gaze vihanje kulya sikukuu yiyo!

Yelemiya 13:9

“Ale, nane vyo nowuhodanga nhavivi, u wiwoni no widunhumuzi wa Yuda, na wa Yelusalemi.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Yelemiya 46:10

I zuwali, lyo lizuwa lyo Muwaha Mulungu, we mihanga, lyono kokwilipiciziza. Izuwali, kokwilipiciza lilipicizo mu walugu wakwe. No mumaje wakwe wowalya sunga wigute, woying'wa ne sakami yawo, sunga wuce. Hambi izuwali, u Muwaha Mulungu we mihanga, nha yakuwalavya walugu wakwe makumbiko, he kolongo lya Efulata, ku lubavu lwa kusumuka.

Yelemiya 50:31

“Agwe Babiloni, mbeka wumemile widunhumuzi wose. Holeka nane no Muwaha Mulungu we mihanga, nili mulugu wako! Alu nane lizuwa lyakondya kuza lyo kukulipiciza nagwe.

Ezekiyeli 13:5

Wono si wakusuma hamba kugalanjilila ne majinji gono gamwaguka, hamba kugazenga kanyhi yaye. Holeka ku soko yiyo, i Waisilayeli si wolosuma kwitaza yaye, lono wulugu weza kuza mwi'zuwa lyo Muwaha Mulungu.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Mika 2:3

Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Mika 5:11

Kanyhi nologahodanga makaya ga mu yisi yenyu, no kugagwisa hasi magomawakali genyu gose.

Zefaniya 1:16

lizuwa lyono limemile mazi ge zindulele zo wulugu, ne cililo co wihome we wasilikale, wakwinjila mu makaya na mu minala mitali muno.

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Malaki 4:5

“Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

Matayo 23:12

Nayo mono yakwikumya mweneco, nha konyetywa, na mono yakwinyetya, yuyo langa yo kokumywa.”

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

1 Wakolinto 5:5

ale, mumupelaje Setani u munhu yuyo, u muwili wakwe ho wuhodangwe, ninga nhumbula yakwe, ho yisume kuponywa, mwi'zuwa alilya lyo Muwaha.

1 Watesalonike 5:2

Hambi nha mumanyile nyo weneco vyono, i lizuwa lyo Muwaha lyolokuza nha muhizi vyono kazaga ku cilo.

Yakobo 4:6

Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”