Isaya 2:11 - Luganuzi Luswanu Kuli Wanhu Wose 2002

¹¹ Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 2:11 ပူးပေါင်းရင်းမြစ်များ

2 Samwili 22:28

Agwe kuwaponyaga i wenenenyhezi, ninga kuwanyetyaga wono wakwikumya.

Zabuli 18:27

Agwe kuwaponyaga wenenenyhezi, no kuwagwisa wedunhumuzi.

Zabuli 18:28

Gwegwe go Muwaha Mulungu, go Mulungu wangu, yo gwegwe mono kumulicilaga, yo gwegwe mono kumbusizaga citi cangu.

Zabuli 20:8

Wene wawo wekobalaga no kugwa hasi, ninga ase cikwinuka no kwima wima.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 94:2

Ale, winukaje wime wima agwe, go muling'anizi we wanhu wose, wuwalipicize wose, i wedunhumuzi wono wasina cihuliko, nha vyono yiwanojeye!

Zimbazi 16:5

Ninga Muwaha Mulungu, si yendile wanhu wedunhumuzi yaye. Holeka si komuleka munhu we nhavivyo yalece kulipicizwa.

Zimbazi 30:13

Ko wali wanhu wanji, wono wewonaga waswanu, Lanje ta, vyono wakwidunhumula weneco!

Isaya 10:12

Kanyhi u Muwaha Mulungu yakutya nhavi, “Ninga nane kolo nakondya kuzinoza mwi'tunda lya Sayuni na mu Yelusalemi, nolomulipiciza u mutemi wa Ashuli ku soko yo widunhumuzi wakwe no wiwoni wakwe wose.”

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 12:4

Ne lizuwa lyolokuza lono wanhu wolokwimba wawe kutya, “Mulumbenyi Muwaha Mulungu! Mucemelezenyi yamutazenyi! Mugalonjele makungugo gose ze metumo gakwe! Muwalonjele zo wuwaha wakwe!

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 14:15

Ninga 'lu kumbe ho wategulwa ku'si muno muno ku yisi ye wafu.

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Isaya 23:9

Ninga wumanye, vyono yo Muwaha Mulungu du we mihanga, yo yaziwika zizi. Yaziwika ho yawawusize lukulu cibede cawo wanhu wa Tulo, cibede cono cali ciwatumvizye, kanyhi ho yawanyetye ne wanhu wawo we lilumbo.

Isaya 24:21

Nalyo lizuwa likuza, lono Muwaha Mulungu kolowalipiciza mapuga ge wawaha, gono gali kucanyha, hamonga ne watemi we yinze wono wali mono'nze.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 26:1

Lizuwa lyolokuza, lono wanhu wololwimba lwimbo aluno mu yisi ya Yuda; Likaya lyetu, lye 'kaya lye vilungo!

Isaya 28:5

Ninga lizuwa lyokuza, lyono Muwaha Mulungu we mihanga kolowa nho mukumbo we maluwa we nhojo kuli wanhu wakwe wono wasigaye.

Isaya 29:18

Na mwi'zuwa lilyo kolo lyaza, i we ciziwi wolohulika kolo citabu cikusomwa kwe'zi yiwaha. Nawo wono wali cibofu, wono wekalaga mu wutitu, meso gawo golonugula wasume kuwona.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 4:1

Ne vilo vivyo kolo vikuza, wacekulu mupunghati, wolomwisoka mulume monga, wakutya, “Ase cokwilisa no kwivwika co weneco du, ninga cono cikusaka du kuli'gwe, cikusaka cijele vyono cili wacekulu zako, ho ciwusizwe cevu co wigane.”

Isaya 40:23

Mwene kawawembulaga watemi kanyhi kawa kuwapuvya.

Isaya 52:6

Ninga mu vilo vyono vikuza, agwe ho kolomanyila nha vyono ane yo nene Mulungu mono nalonga kuli'gwe.”

Yelemiya 12:9

Nalu i wanhu wangu, luno wehwana nhe ndeje, yono yipilimwe ne zindeje zinghali mbavu zose, zono zikucemeleza i malimu gose ga mu mbago, gaze vihanje kulya sikukuu yiyo!

Yelemiya 9:24

Langa mono yakwikumya, yekumyaje ku soko vyono yakondya kumanya'ne, hamonga no kunyizuka. Hambi u wendo wangu nha si wupitukaga yaye, nane nitumaga ze ling'ani na zo mugoloka. Na zizi zo nghani du zono zinyendezaga. Vyo nghutya ane no Muwaha Mulungu.”

Ezekiyeli 38:14

Hobaho u Muwaha Mulungu yakawa kunhegula, mbite nghamulonjele Gogu zose zono yasakaga yamulonjele. Nane nghamulonjela Gogu vyono u Muwaha Mulungu yakutya nhavi, “Alu vyono i wanhu wangu wekaye wapolile, nagwe lu wubite

Ezekiyeli 38:19

Nane nghulonjela mwi'kuwo lyangu likali, nha vyono, mwi'zuwa lilyo, holowa ne 'tulo yiwaha muno mu yisi ya Isilayeli.

Ezekiyeli 39:11

U Muwaha Mulungu yakatya, “Kolo zizi zikwijela, nane nolomupela Gogu ciwanza, hono kowa kuzika i wafu kuko mu yisi ya Isilayeli, mwi'lolo lya wono wakukola lya ku lubavu lwa kucilima, ye lilenga lyo Mwino. Nayo Gogu mweneco, hamonga ne Wasilikale wakwe, wolozikwa kuko, ne lilolo lilyo, lyolocemwa, ‘I lilolo lye wasilikale wa Gogu.’

Ezekiyeli 39:22

Ne Waisilayeli nawo ku wulawa lulo, ho wolomanyila nha vyono ane yo nene Muwaha Mulungu, u Mulungu wawo.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Hoseya 2:16

Kanyhi mwi'zuwa lilyo kolonyhema “Ishi.” Nhunizo yayo, “Mulume wangu.” Hamba sikolonyhema kanyhi “Baali.” Nhunizo yayo “Mbuya yangu.”

Hoseya 2:18

Mu vilo vivyo, nolonoza cilagane ne vilimu vyose vya mu mbago ne zindeje, ho vilece kuleta wugaye muli wanhu wangu. Nane nolowusa vitwalo vyose vyo wulugu mu'si, mimaje yose no wupinde. Nolowaleka wanhu wangu wekale wapolile.

Hoseya 2:21

Mu vilo vivyo nolowupitula wulombe we wanhu wangu Isilayeli.

Yoweli 3:18

“Mu vilo vivyo, matunda golomema mizabibu yose, ne zing'ombe nazo, zolowa ziyagaye mu matunda gose, kanyhi kolowa na malenga menji ku soko ye vikolongo vya Yuda. Ne cikolongo colohuluma ku wulawilila mu kaya yo Muwaha Mulungu, sunga ne lilolo lya Shitimu nalyo, lyolowa lina malenga menji.

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Obadiya 1:8

Na mwi'zuwa lyono noloyilipiciziza Edomu, nolowahodanga i wanhu wawo we citung'ati, kanyhi nololuwusiza lukulu no wizuce wawo.

Mika 2:3

Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Mika 4:6

Muwaha Mulungu yakutya, “Ivilo vikuza, lono nolowakonghola hamonga wanhu wangu wono nawalipiciza, wakagazwa ku wuhamywe.

Mika 5:10

Muwaha Mulungu yakutya, “Mu vilo vivyo, noloziwusiza lukulu zifwalasi zenyu, no kuyihodanga mituka yenyu yo wulugu.”

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Zefaniya 3:16

Cipango cikuza, lono woloyilonjela Yelusalemi wawe kutya, “Ale, wulece kogopa 'gwe go likaya lya Sayuni! Ne miwoko yako yilece kudejepa!”

Zakaliya 9:16

Hobaho lizuwa lilyo lilaza kuwa lyafika, u Muwaha Mulungu ho kolowaponya wanhu wakwe, nha vyono umudimi kaponyaga litewa lyakwe, lono lyamanyhilwa ne lilimu. Nawo wolong'alala mu yisi yakwe, kotya nha vibwe vyo wihambo, vya mu mukumbo wo wutemi.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nhavivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

2 Wakolinto 10:17

Nha vyono i Mandiko gakulonga gakutya, “U munhu wo wose mono yakusaka kwilumba, yimunojeye yelumbile muli yono yetumo Muwaha.”

2 Wakolinto 10:5

no kuvikumulanga vimizi vyose vyo wiwoni, vyono vikwimila u wumanyo Mulungu, cikugakwega i mahweso gose, no kuganoza gamuhulice Kilisito.

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nhavivyo, molowa wayagwe na wawo, hambi nha mwayibocela i nghani yono camuletelenyi.

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya, “U Mulungu sikawasakaga wono wena widunhumuzi, langa kawapelaga lihewa iwenenenyhezi.”