Isaya 19:3 - Luganuzi Luswanu Kuli Wanhu Wose 2002

³ Nowudumuciza wuhile we mahweso ge Wamisili, nolihodanga ne lihala lyawo. Nawo wolondola wutazi kuli vihwani vyawo, wokwitoweleza visangu mu waganga, wowuza mahweso kuli myuhe ye wafu.

Isaya 19:3 ပူးပေါင်းရင်းမြစ်များ

2 Samwili 15:31

Na lono Dawudi yali yeza kuhulika nha vyono nayo Ahitofeli yelunza na Abusalomu, Dawudi yakalomba muno kuli Mulungu, yakatya, “Gwe go Muwaha Mulungu nghukunena wulipitule lihweso lya Ahitofeli liwe lya wulele!”

2 Samwili 17:14

Nayo Abusalomu hamonga ne Waisilayeli wose wakatya, “Lihweso lya Hushayi lyo yiswanu muno si nhe lihweso lya Ahitofeli.” Muwaha Mulungu yakawa yalamula vyono, lihweso liswanu lya Ahitofeli lilekwe, u Muwaha Mulungu ho yamuletele Abusalomu i zimbi.

2 Samwili 17:23

Nayo Ahitofeli yali yeza kuwona vyono lihweso lyakwe hasina mono yalityatizye, hodu yakawa kuyiwikaniza ndogowe yakwe, yakayipanda, yakabita kwi kaya lyakwe. Yakazinozeleza zose za mu kaya yakwe, hanyuma yakawa kwinyonga. Yakazikwa mu citenjelo ha kaya yakwe.

2 Watemi 1:2

Nayo mutemi Ahaziya lulo, yakagwa hasi, ku wulawa kucanyha ku golofa, ye kaya yakwe ye likulu, ku Samaliya, yaketamisa muno muno. Hanyuma Ahaziya yakatuma wanhu wabite wakawuze kuli Baalizebubu, u mulungu we Wafilisiti, ku yisi ya Ekiloni, ho wamanye hono mutemi Ahaziya kofwa, hamba kowumipa.

1 Zinghomo 10:13

Nayo Sawuli yafwa, vyono si yali mwihuwilwa kuli Muwaha Mulungu. Si yasaka kumuhulika Muwaha Mulungu, hamba kugebata malajilizo gakwe. Langa mwene yali yendile kwilaguliza kuli wono wena macisi, no kusaka wutonji kuli myuhe ye wanhu wono wafwa,

Zabuli 107:27

Wakayumba-yumba no kupebesuka, nha wono wagalile wujimbi, no wusugu wawo wose wa mu malenga wukamalika.

Zabuli 33:10

U Muwaha Mulungu kawuwembulaga wuhile we makungugo, no kugapata i mahweso gawo.

Zabuli 76:12

Mwene kawawusiza wumi i wawaha wedunhumuzi, kawogofyaga muno muno watemi we yinze.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Isaya 14:27

Muwaha Mulungu yakondya kudumula nghani nha vyono zizi zose zofisilizwa. Mwene yawugoloye muwoko wakwe ho yalipicize. Na hasina munhu wo wose mono kosuma kumwimila.

Isaya 15:2

Nawo wanhu wa Diboni wakubita kulilila mu cigongo mucanyha. Wanhu wa Mowabu nawo wakulila ko wukalale ku soko ye makaya ga Nebo na Medeba, waceta ne mitwe yawo ne zindevu zawo ko wusungu wuwaha.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Isaya 47:12

Alu wuwice wuganga wako hamonga ne zimhiji zako zono wetumamilaga wulawa wudodo wako, na lunji zokupela wutazi wudodo, na lunji kosuma kuwogofya walugu wako.

Isaya 57:16

Yo nene mono nawapela wanhu wangu wumi, holeka si nosuma kujendelela kuwahosa hamba kuwakolelwa likuwo cibitilila.

Isaya 8:19

Ninga hono wanhu watye, mubite mu waganga muketoweleze visangu, na kuli wahawi wono wapwepwaga, wakulonga ne lizi yidodo. Wamutyeni “I wanhu yiwanojeye wawuze zinghani zawo kuli wafu ku soko ye womi.”

Yelemiya 46:15

Alo nhawulenyi kanyhi u mulungu wenyu Apisi we vilungo, yakondya kugwa? U Muwaha Mulungu yo yamubamiliza hasi!’

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Ezekiyeli 22:14

Alu 'gwe mwene wukwihwesa nha vyono kosuma kuwa no wukangalile, hamba kuwa ne vilungo vyo kwinulila muwoko wako, ane kolo nakondya kukunozeza zizo hongo? Ane no Muwaha Mulungu vyo nghutya, kanyhi noyifisiliza du.

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 2:2

Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe,

Danyeli 5:7

U mutemi Belishaza yakacemeleza kwe yizi yiwaha, waletwe, waganga ne walotezi, na we mahala go wizuce we zinyelezi ne watowa visangu. Nawo wali weza kuwa waletwa, mutemi yakawalonjela yakawatya, “Munhu wo wose, mono kosuma kusoma mandiko aga, no kunonjela nhunizo yayo, yuyo nomuvwika myenda ye citemi-temi, hamonga ne kanzo yo lugandu, no luvumbe lwe zahabu lwe lilumbo mu singo yakwe. Nayo kowa munhu we kadatu wa muli wono wena wulajilize mu wutemi wangu.”

1 Samwili 25:37

Ale, wugale waza kuwuka, nhondo Abijeli ho yakawa kumuloloseza zinghani zose. Nayo Nabali yali yeza kuzihulika zizo, yakatinuka muno muno, yakatuga wutamwa wo kudejepa muwili wose.