Isaya 19:2 - Luganuzi Luswanu Kuli Wanhu Wose 2002

² Muwaha Mulungu yakutya, “Nosagahiza wulugu mu yisi ya Misili, wehome Wamisili wose weneco kwa weneco, nawo wokwihoma nduguye no nduguye, munhu no mwikalani muyagwe. Nago makaya, gokwihoma yikaya ne likaya liyagwe, wutemi no wutemi wuyagwe.

Isaya 19:2 ပူးပေါင်းရင်းမြစ်များ

1 Watemi 16:21

Hanyuma yikawa, i wanhu wa Isilayeli wakegawa hejete, wanji wamusakaga Tibuni u mwana wa Ginati, yo yawe mutemi wawo. Na wanji nawo wakawa wamwendile Omuli.

2 Zinghomo 15:6

Wakawa wakwiyihoma weneco wose, nghungugo na nghungugo, yikaya ne'kaya, hambi u Mulungu nha yo yawapela magayo gago gose.

Isaya 3:5

Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Isaya 9:21

Nawo i wanhu wa Manase na wa Efulayimu, wokwihoma weneco wose. Ninga kanyhi hanyuma, wokwilunza wayihome Yuda. Ninga hamba nhavivyo, likuwo lyo Muwaha Mulungu si lyoduma, yakali yawugoloye muwoko wakwe du ho yalipicize.

Yelemiya 46:12

Nago makungugo nha gazihulika ze cevu cenyu, ne wanhu wose wakondya kuhulika vyono mukulila. Ne wasilikale wakwikobaza munhu na muyagwe, nawo wawa kugwizana hasi wose.

Yelemiya 51:46

Ninga mulece kutukuwika mitima yenyu, hamba kuwa no woga kuli zinghani zono mukuzihulika mu'si. Hambi mapwepwe nha si goleka kuza, mwaka na lupwepwe lwayo lono lwisimile. Hanji lupwepwe lwe mawulaji mu'si, hamonga no wihomi wo mutemi no mutemi muyagwe.

Ezekiyeli 38:21

Nane nolomogofya Gogu, ane no Muwaha Mulungu. Ne wanhu wakwe wolokwipitucila wawe kwihoma ne mimaje yawo weneco wose munhu na muyagwe.

Zakaliya 8:10

Na mbeka hono zizi zali zikali nejela, hasina yunji mono yasuma kumuhumbiliza muyagwe hamba mutugo, kanyhi hali hasina mono yali yena mulamu kuli walugu wakwe. Vyono ane nghawaleka ho wagombane munhu na muyagwe.

Matayo 10:21

“Munhu komukombola u mwanakwawe ho yawulagwe, no sogo yo munhu nayo komukombola u mwanagwe, ne wana nawo wowagaluka iwalezi wawo no kuwawulaga.

Matayo 10:36

Ne walugu wo munhu, wo wanhu wono wali mu kaya yakwe.

Matayo 12:25

Ninga Yesu vyono yali yagamanyile i mahweso gawo, baho yakawatya, “U wutemi wo wose wono witemanuce weneco wose vipuga vipuga vyono si vikwilumvya vyeneco vyose, u wutemi wuwo si wosuma kujendelela hamba hadodo, ne likaya lyo lyose hamba mhuga yo yose yono yitemanuce vipuga vipuga vyono vitemanuye, lilyo lyogwa.

Matayo 24:7

Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza.

Maluko 3:24

Na hono wutemi wigawe vipuga vipuga vyono vikwihoma, uwutemi wuwo siwojendelela hamba hadodo.

Walamuzi 7:22

Lono wanhu wa Gideyoni watowaga zindulele zawo. Muwaha Mulungu, yakawatajila wivyajizwe walugu, wakawa kwanza kwitemanga weneco wose ne mimaje yawo, wakawa kutiza wakamanyhila ku Zeletani sunga ku Betishita, wakafika sunga kwi'tumbi lya Abeli-mehola behi na Tabati.

Walamuzi 9:23

Lulo Mulungu yakawasonjeza wanhu wa Shekemu na Abimeleki, wakesula weneco wose. Wanhu wakawa kamubedegala Abimeleki.

1 Samwili 14:16

Nawo wanhu wa Sawuli, wono wali wali ha Gibeya mu yisi ya Benyamini akuno walanjiliye, wakawawona Wafilisiti wakutiza, wakumangha weyagaye ako na ako.

1 Samwili 14:20

Ale baho, Sawuli hamonga ne wanhu wakwe, wakawa kwinjila mu wulugu, wakawa kuwahoma Wafilisiti. Ne Wafilisiti nawo nhondo, wali weyajilila, sunga weza kwihoma weneco wose.