Isaya 18:6 - Luganuzi Luswanu Kuli Wanhu Wose 2002

⁶ Ne mivimba ye wasilikale wawo, yolekwa yiligwe ne zindeje hamonga ne malimu ga mu mbago. Mwi'pango lye cibahu, zindeje zowalya, na mu cipango ce cifuku woligwa ne malimu.”

Isaya 18:6 ပူးပေါင်းရင်းမြစ်များ

Isaya 14:19

ninga agwe, hamba citenjelo bwete wusina, no muvimba wako wotagwa du wuwolele kunze. Wowa wuli hamonga ne mivimba ye wasilikale wono wawulajilwa ku wulugu, nagwe kogumilwa hamonga nawo mwi'vwenjela lye mabwe, no kukanyanjilwa.

Isaya 23:13

(Nawo wanhu wa Babiloni wo wagenjiza malimu ga mu mbago ho gayihodanje yisi ya Tulo, ninga si wali wanhu wa Ashuli yaye, wali wawo wanhu wa Babiloni wo walipilima likaya lya Tulo, wakagamwagulanga ne magomawakali gayo, wakalileka likaya lyawa yitongo.)

Isaya 46:11

Nomucemeleza munhu yaze ku wulawa ku lubavu lwa kucilima, nayo koloswepa hasi nha mwewe yazifisilize zose zono nizihwesize. Nazilonga, nazo si zoleka kwitumwa.

Isaya 56:9

Muwaha Mulungu yawalonjela wanhu we makungugo ganji weze nhe malimu, wawamele wanhu wakwe.

Yelemiya 15:3

Nane no Muwaha Mulungu, nakondya kudumula nghani, nha vyono zizo nghani mbaha yine, zo zowagana. Wowulagwa no wulugu, ne miwili yawo yokwegwa ne mabwa, ne zindeje zoyilya, i malimu ga mu mbago, nago golya cono cowa cikali cisigaye.

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

Ezekiyeli 31:13

Ne zindeje zolokuza zizenje manhuli gazo mu mubici wuwo wono wugwiye. Nazo zinimu za mu mbago, zologakanyanjila manhambi gayo.