Isaya 18:2 - Luganuzi Luswanu Kuli Wanhu Wose 2002

² Kushi yono yikutuma watumwa wakuziza mwi'kolongo lya Nile, wapandile mu zingalawa zono nozwe ne madete-lulenga. Ale muwuye kwenyu mbela, anye nyo watumwa wapelu-pelu ku lumangho! Mubite ku yisi yenyu yono yili haciligati ye makolongo, kuli likungugo lyenyu lye nghakamo ne vilungo. Kuli wanhu wenyu watali, we miwili yono yitelemeye, wono yinze yose yikuwogopa muno.

Isaya 18:2 ပူးပေါင်းရင်းမြစ်များ

2 Zinghomo 14:9

Hakawa ho yuli Mukushi, litagwa lyakwe Zela, munhu yuyo, yakaza hamonga ne lipuga lyakwe lye wasilikale wo wulugu, waficile milyoni monga, hamonga ne matuka go wulugu, gaficile magana madatu, yakayihoma yisi ya Yuda, yakajendelela sunga ko ku Malesha.

2 Zinghomo 16:8

Ninga wule i Wakushi hamonga ne Walibiya, si wali wena mhuga mbaha muno ye wasilikale? Ninga vyono agwe wali wumwitumbiye Muwaha Mulungu, nayo yakakupela wusume wuwaha muli wene, hamba wawe wali wenji muno.

Jobu 9:26

Vilo vyangu vikupuluta nha ngalawa zono zijendaga musunho. Vikumangha mbela nha 'ndi yono yikuswekula sungula.

Wutuluce 2:3

Ninga yali yeza kuwona vyono si kosuma kujendelela kumuhundika kanyhi, yakasola litenga lyono lyali yihonwe ne madetelulenga, yakalihiliwa na lami hamonga ne ngholeko, yakamuwika yuyo mwana mugati, yakalisosomeka mu madete lulenga ha mwejelele we likolongo lya Nile.

Isaya 18:7

Ninga vilo vyokuza, vyono Muwaha Mulungu kolowa kubocela kanyhi vilavywa ku wulawa mu yisi yiyi yono yili haciligati ye makolongo, yisi ye nghungugo ye nghakamo, kanyhi yili vilungo, ye wanhu watali, we miwili yono yitelemeye, wono yinze yose yikuwogopa wene. Nawo wolokuza kwi'tunda lya Sayuni, i hanhu hono Muwaha Mulungu we Mihanga, yakuwa kuhembwa.

Yelemiya 49:14

Nane nghatya, “Gwe go Edomu, ane nhuga nghani ku wulawa kuli Muwaha Mulungu, yakutya nha vyono yakondya kugalonjela makungugo gahangulize wasilikale wo wulugu, gewikanize, gaze gakuhome.

Ezekiyeli 30:9

“Ne lizuwa lilyo kolo lyaza, ne yisi ya Misili yakondya kongomezwa, nane nolotuma wanhu wazize mu zingalawa, wawatinuse no kuwogofya i wanhu wa Kushi. Ne lizuwa lilyo mbeka likuza!”

Obadiya 1:1

Awuno wo wugubulilwe wa Obadiya, wa zono Muwaha Mulungu yazilonga kuli likungugo lya Edomu. U Muwaha Mulungu yamutegula mutumwa wakwe kuli makungugo, nase cayihulika i nghani yakwe, yakutya, “Ale, wiwikanizaje! Cibite cikayihome Edomu!”

Habakuki 1:7

Kanyhi wowogofya wanhu no woga wuwaha, no wulajilize wowa wuli mu wiwoni wawo weneco.

Luka 10:19

Alenyi, nimupelenyi nyenye u wulajilize wo kukanyaga zinzoka ne zinje, no wulajilize wa muli vilungo vyose vya ayulya mulugu, hamba hasina cinji co cose cono comutamisenyi.