Isaya 18:1 - Luganuzi Luswanu Kuli Wanhu Wose 2002

¹ Ale, kuko ku nhumbi ye makolongo ga Kushi, ko yili yisi yono kosuma kuhulika mulilo we mabawa.

Isaya 18:1 ပူးပေါင်းရင်းမြစ်များ

2 Watemi 19:9

Ninga kanyhi Waashuli wakahulika nha vyono mutemi Tilihaka wa Kushi, yakuza hamonga ne lipuga lye wasilikale wa Misili, waze wawahome. Holeka nayo mutemi yali yeza kuzihulika zizi, hobaho yakamwandicila baluwa Hezekiya mutemi wa Yuda,

Zabuli 17:8

Wunghamisaje, nha vyono kuyikamisaga nenje ye liso lyako, wuhundice mu mubeho we mabawa gako,

Zabuli 36:7

No lusungu lwako go Muwaha Mulungu, luwaha muno! Ne wanhu watizizaga mu mubeho we mabawa gako.

Zabuli 57:1

Wumbonele lusungu, 'gwe Mulungu wumbonele lusungu, ane nghutiziza kuli'gwe. Hambi mu mubeho we mabawa gako, nha mo mowuli wihundiko, sunga kolo magazo gaga mawaha gakupuluta.

Zabuli 61:4

Alu wunghombole, nikale mwi'hema lyako cibitilila, ho nikale mholile hasi ye mabawa gako.

Zabuli 63:7

Hambi nha yo gwegwe du, mono kunhazaga vilo vyose. Nane nosangalalila mu mubeho we mabawa gako.

Zabuli 91:4

Mwene kokuhundiciza ne mabawa gakwe, nagwe kodimwa no mwene viswanu, no muwoko wakwe wokudima no kukucitila.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Isaya 37:9

Nazo zinghani zikawaficila Waashuli, nha vyono lipuga lye wasilikale we Cimisili, lyono likulongozwa na Tilihaka u mutemi wa Kushi, likuza kuwahoma. Nayo mutemi wa Ashuli yali yeza kuzihulika zizo, hodu yakawa kumutumila baluwa Hezekiya

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Ezekiyeli 30:9

“Ne lizuwa lilyo kolo lyaza, ne yisi ya Misili yakondya kongomezwa, nane nolotuma wanhu wazize mu zingalawa, wawatinuse no kuwogofya i wanhu wa Kushi. Ne lizuwa lilyo mbeka likuza!”

Zefaniya 2:12

Muwaha Mulungu kanyhi, kolowawulaga nhavivyo ne wanhu wa Kushi.

Zefaniya 3:10

Hamba kuwe kutali ku wulawa mu makolongo ga Kushi, ninga iwanhu wangu wono weyagaye ako na ako, wose wolondavizya vilavywa nene du.

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyoziyo vyayo hasi ye mabawa gayo, ninga hamba si wenda yaye.

Lutu 2:12

Holeka Muwaha Mulungu, u Mulungu we Waisilayeli, yakumotye so zizo zono wetuma. Kanyhi wutuje cihumbilizwa cono cimemeleceye, ku wulawa kuli yuyo Muwaha Mulungu we Waisilayeli, yuyo mono wumuzize ho yakukamise.”