Isaya 17:6 - Luganuzi Luswanu Kuli Wanhu Wose 2002

⁶ Nawo Waisilayeli wolosigala wacefu muno muno, wolowa nho mubici wo muzeyituni wono wakondya kuhepwa mana gose, alu gasigala mejete hamba madatu du ku cinang'anang'a co mubici, hamba mana macefu du gono gasigaye mu manhambi ga mu sika-sika du yo mubici. Ane yo nene Muwaha Mulungu, u Mulungu we Waisilayeli, vyo nghutya.”

Isaya 17:6 ပူးပေါင်းရင်းမြစ်များ

Isaya 24:13

Na zizi zo zoyijelela yinze yose mu zinghungugo zose. Yokwihwana no mudumo we nhwanga, lono mizeyituni yakondya kukong'onhwa mu mibici yayo, no kuhalaliza zabibu zose mu mizabibu yayo.

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.

Walumi 9:27

Nayo u muwizi Isaya, yakumulonjela Isilayeli yazozize, yakutya, “Iliwalo lye wanhu wa Isilayeli, hamba liwe kotya musawawa wa mwi'lenga, ninga wacefu du wono woloponywa,

Obadiya 1:5

“Ne wahizi lono wakuza ne cilo, wasolaga vyono wendile weneco, na lono wanhu wakududula zabibu, wasigazaga nyhefu zo kuhalaliza. Ninga i walugu wako wakondya kugongomezeza lukulu.

Walamuzi 8:2

Nayo mwene yakawatya, “Ninga cono nitumile 'ne, sicosuma kwihwananizwa na cono mwitumile 'nye. Kanyhi hamba yiwe nha nghani ndodo yono anye mo wanhu wa Efulayimu mwetuma, ninga yina cambuzi ciwaha si nha zose zono we mhuga yangu wetuma.

Walumi 11:26

Baho nhondo ho lyopona ilikungugo lyose lya Isilayeli, nha vyono i Mandiko Gono Gelile gakulonga. “U Muponyi kololawa mu Sayuni Kolowuwusa u wubi wa Yakobo.

Mika 7:1

Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Isaya 27:12

Na mwi'zuwa lilyo, u Muwaha Mulungu kolowakongholeza wanhu wakwe yumonga yumonga nha vyono munhu kelaga wuhemba mu mawaje ku wulawa Efulata, sunga ko ku mupaka we yisi ye Misili.

Isaya 10:22

Hamba yiwe lulo i wanhu wa Isilayeli wolowa wonjezeka wawa wenji muno nho musawawa wa mwi'lenga, ninga wacefu wolowuya. No wongomezwe wuwikanizwe so wanhu, nawo wuli baho du.

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

1 Watemi 19:18

Hamba nhavivyo, nane nosigaza wanhu elufu mupunghati mu Isilayeli, wono wanyogopile nene, kanyhi wono si wamuhembaga Baali, hamba kucinonela ne cihwani cayo.”

Yelemiya 4:27

(U Muwaha Mulungu yali yalonga nha vyono yisi yose, yolowa mbago yose, ninga hamba nhavivyo, mwene hamba si koloyongomezeza lukulu yaye.)