Isaya 17:5 - Luganuzi Luswanu Kuli Wanhu Wose 2002

⁵ Nayo Isilayeli, kolowa yehwanile mugunda wono wakondya kududulwa, walekwa wusina cinji, nho mugunda wono wuli mwi'lolo lya Lefayimu wono wakondya kuhalalizwa mahalalwa, alu wekala wusina cinji.

Isaya 17:5 ပူးပေါင်းရင်းမြစ်များ

2 Samwili 5:18

Nawo i Wafilisiti wakawa kubita mwi'lolo lya Lefayimu, wakawa kulisola.

2 Samwili 5:22

Hanyuma kanyhi i Wafilisiti wakabita kwi'lolo lya Lefayimu wakalisola.

Zimbazi 27:25

Na lono wukutema mahanze go kunyaza so ng'ombe, kanyhi mu cipango cico, weze kutema ne mahanze ga mu vigongo, lono wukali wulindiye mahanze kanyhi gawiluce.

Isaya 17:11

Ninga wukumbucile nha vyono, mibici yiyo, hamba yiwe yikutula, no kulavya wuluwa wayo hakali mitondo muno, ninga agwe hamba si kodudula cinji yaye muli yene. Langa gowa magaziko no wusungu wuwaha wono si wulamalika yaye.

Yelemiya 51:33

Ne walugu wowasuma musunho, wawakanyaje nho 'hemba mu cuga. Vyo nghutya, ane no Muwaha Mulungu, we Mihanga, u Mulungu wa Isilayeli.”

Yelemiya 9:22

Nalu, i mivimba yokwiyagala caka hanhu hose yihwane nhe malundo ge mboleya yono yili mu migunda. Hamba maso go wuhemba gono gadudulwa, hanyuma kanyhi gawa kulekwa no mududuzi gagwiye hasi. I maso gono gowa gasina mono yakugalundika hamonga. Ale, zizi zo Muwaha Mulungu kanhuma nimulonjelenyi.”

Hoseya 6:11

“Nanye kuli'nye anye nyo wanhu wa Yuda, nakondya kuwika lipango lyo kumulipicizenyi, ku soko ya zizo zono mukwituma.

Yoweli 3:13

Hambi wene nha wabi muno, holeka wuwatemangaje wuwagwise hasi nha wuhemba mwi'pango lye ndudula, wuwakobonje nha zabibu vyono zikuwa kukobongwa mwi'tuli lyokukobonjela, sunga ne divayi yiwa kulawila.”

Matayo 13:30

Holeka hodu muvilekaje viwilukane hamonga du, sunga mwizuwa lye ndudula. Mwipango lilyo langa ho nowalonjela i waduduzi, ale, mwamule mugakunyanjile i mabalwe mugawope madulu madulu, ho gaticimizwe mu moto. Ninga wuhemba muwututicilaje mu madongha gangu.’ ”

Yoshuwa 15:8

Mupaka wukajendelela wukakolela mwi'lolo lya Hinomu, ku lubavu lwa kutakama ye litunda, hono likaya liwaha lye Wayebusi lya Yelusalemi, lyali lizenjigwe. Hobaho mupaka wukajendelela sunga mucanyha ye litunda, ku lubavu lwa ku mwezi ye lilolo lya Hinomu, kundumilizo ye lilolo lya Lefayi kulubavu lwa kusumuka.

Yoshuwa 18:16

Kanyhi wukawa kubita sunga ko ku mwalambalo we litunda lyono vyali vidomile ne lilolo lye wana wa Hinomu, ku ndumilizo ya kulubavu lwa kusumuka ye lilolo lye Walefayi. Hanyuma, wukawa kujendelela ku lubavu lwa kutakama, wukakolela mwi'lolo lye wana wa Hinomu, ku lubavu lwa kutakama ku Yebusi, sunga ko ku Enelogeli.