Isaya 17:3 - Luganuzi Luswanu Kuli Wanhu Wose 2002

³ Nawo Isilayeli wolowa wasina mudimi, nayo Damesiki yolowusizwa wutemi wayo. Nawo wanhu wa Siliya wono wolowa wasigaye, wolowa mu cevu ciwaha nhe wanhu wa Isilayeli. Ane yo nene Muwaha Mulungu we Mihanga, vyo nghutya.”

Isaya 17:3 ပူးပေါင်းရင်းမြစ်များ

2 Watemi 16:9

Nayo mutemi Tigilati Pilesa, baho baho du yakawa kutuluka hamonga ne lipuga lyakwe lye Wasilikale wo wulugu, yakabita yakayihoma Damesiki, yakayisola, yakamuwulaga no mutemi Lezini. Yakawakunza wanhu wose, yakawategula ku Kili.

2 Watemi 17:6

mu mwaka we licenda wo wutemi wa Hosheya, nayo mutemi wa Ashuli yakaza, yakayihoma Samaliya yakayisola. Yakawahamya ne Waisilayeli, yakawategula ku Ashuli wawopwe. Yakawawika wanji wayawo wekale mwi'kaya lya Hala, na wanji yakawawika behi ye likolongo lya Haboli mu yisi ya Gozani. Na wanji kanyhi yakawawika mu makaya ga Mediya.

Isaya 10:9

Ane nagasuma makaya ga Kalino, na Kalekemishi, hamonga ne makaya ga Hamati, na Alipadi. Kanyhi nghazisuma Samaliya na Damesiki.

Isaya 16:14

Ninga kanyhi aluno Muwaha Mulungu yakutya, “Na mu myaka midatu du, sawo yose ya Mowabu, yowa yamalika. Ne wanhu wakwe wose wofwa, langa wosigala wanhu wacefu du, ninga nawo wawo wono wosigala, wowa wasoceye muno.”

Isaya 17:4

Muwaha Mulungu yakutya, “Lizuwa likuza lyono Isilayeli yolowusizwa wuwaha wayo. No wugoli wayo wologaluka wuwe wuciwa.

Isaya 25:2

Kugakumulanga makaya kugaleka matongo, kugongomeza ne magomawakali gawo sunga ne makaya go wutemi gose, gono walugu wagazenga, gose gamwagucila lukulu cibitilila.

Isaya 7:16

Ninga hamba na lono vilo vivyo vikali nafika, i zi'si ze watemi wawo wejete Lezini na Peka, wono wakukogofya, zolowa zakondya kulekwa zili bwete.

Isaya 7:8

Ku sokoci? Yili vilungo yicize Damesiki, na vyono likaya lyayo liwaha hamonga ne Damesiki yeneco, nha yisina vilungo yicize mutemi Lezini. Nayo Isilayeli mu myaka makumi mutandatu ne 'hano, yowa yakondya kupondangwa yilece kuwa yikungugo.

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Hoseya 1:4

Muwaha Mulungu yakamutya Hoseya yamucemele litagwa lyakwe Yezeleli, ku soko cikali cipango cidodo du, nomulipiciza mutemi wa Isilayeli, so wuwulaji wono kukuye Yehu yetuma kuli Yezeleli, aluno nane noludumya lulelo lwa Yehu.

Hoseya 1:6

Gomeli yakalela mwana we kejete wa cicekulu. Muwaha Mulungu yakamutya Hoseya “Mucemelaje Loluhama (nhunizo yayo, ‘Mono si yakuwonelwa lusungu’) ku soko sinolajila wendo kuli Waisilayeli, hamba kuwanenela.

Hoseya 10:14

Holeka wulugu wolowaziza i wanhu wenyu, ne magomawakali genyu golokongomezwa. Yolowa nhe vilo vyo mutemi Shalimani, vyono yalyongomeza likaya lya Betalibeli ko wulugu. Wanyina za munhu, hamonga ne wana wawo, wakatowa sunga wakafwa.

Hoseya 3:4

Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Hoseya 8:8

Waisilayeli weza wenha makungugo ganji, wono si wakwiliye cinji, weza wenha ciya cono cisakaye.

Hoseya 9:11

Nalo lukumyo lwa Isilayeli lologuluka kotya ndeje, na kolowa kusina wana wanji wono wololelwa kuli wene, kolowa kusina wacekulu wono wolodinghula 'nda, hamba wana wono wolodinghulwa 'nda.

Amosi 8:14

Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”