Isaya 17:1 - Luganuzi Luswanu Kuli Wanhu Wose 2002

¹ Muwaha Mulungu yakutya, “Alu ku wulawa lulu, Damesiki si lyolowa yikaya liwaha kanyhi, langa lyowa yilundo du lye matongo.

Isaya 17:1 ပူးပေါင်းရင်းမြစ်များ

Mwamulizo 14:15

Nayo yali yeza kufika kuko, yakawa kuwagawanula wanhu wakwe mu vipuga vipuga. Na yali yeza kuwa mu cilo mugati, yakawahoma walugu wakwe, yakawasumiza, yakawawinjiliza sunga ko ku Hoba, kusumuka ya Damesiki.

Mwamulizo 15:2

Ninga mwene Abulamu yakatya, “Gwe go Muwaha Mulungu, alu ta komhela cicici, nane kuno ho nghali sina 'mba mwana, no muhazi wangu yo yuyu du Eleyezali wa ku Damesiki?

1 Watemi 11:24

yakawa mulongola we cipuga ce wanhu wagaluci. (Na zizi zejela lono Dawudi yamusumila Hadadezeli, yakawongomeza ne wanhu wa ku Siliya, wono wali vilunzize nayo.) Nayo Lezoni hamonga ne wanhu wakwe, wakabita kwikala ku Damesiki, i hanhu hono wanhu wakwe wakamunoza yawe mutemi wa Siliya.

2 Watemi 16:9

Nayo mutemi Tigilati Pilesa, baho baho du yakawa kutuluka hamonga ne lipuga lyakwe lye Wasilikale wo wulugu, yakabita yakayihoma Damesiki, yakayisola, yakamuwulaga no mutemi Lezini. Yakawakunza wanhu wose, yakawategula ku Kili.

1 Zinghomo 18:5

Nawo Washami wanya Siliya ya ku Damesiki, wakategula wasilikale wakamutazilize mutemi Hadadezeli, ninga Dawudi yakawahoma Washami, yakawawulaga wanhu waficile elufu makumi mejete na nyejete.

2 Zinghomo 28:23

Yakalavya makumbiko kuli milungu ye Waashuli wono wamusuma. Hambi nha yatya, vyono “I milungu ye Waashuli, yiwataza watemi wa Siliya, holeka nane hono niyilavizye makumbiko, nayo yomhela wutazi nha vivilya.” Ne nghani yiyi, yikamuletela wongomezwe, mwene hamonga ne likungugo lyose lye Waisilayeli.

2 Zinghomo 28:5

Alu vyono mutemi Ahazi yetuma wubi hali Muwaha Mulungu, u Mulungu wakwe, holeka nayo Muwaha Mulungu yakamuleka yasumwe no mutemi wa Siliya. Nayo mutemi wa Siliya, yali yeza kumusuma Ahazi, yakawa kuwasola ne wanhu wa Yuda wenji muno, yakawategula ku Damesiki nha wafungwa.

Isaya 10:9

Ane nagasuma makaya ga Kalino, na Kalekemishi, hamonga ne makaya ga Hamati, na Alipadi. Kanyhi nghazisuma Samaliya na Damesiki.

Isaya 13:1

Nazo azino, zo nghani za Babiloni, zono Isaya yazibocela kulawa kuli Mulungu.

Isaya 15:1

Ayi yo nghani yono yalongwa kuli Mowabu. Makaya ga Ali na Kili, gakondya kongomezwa mu cilo cimonga, ne yisi ya Mowabu yakondya kugwilwa ne cinyamazi ciwaha muno.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 25:2

Kugakumulanga makaya kugaleka matongo, kugongomeza ne magomawakali gawo sunga ne makaya go wutemi gose, gono walugu wagazenga, gose gamwagucila lukulu cibitilila.

Isaya 37:26

“Alu 'gwe hongo hamba si wali wumanyile vyono zizi zose yo nene mono naziwikaniza ku wulawa katali, ho zize ziwe nhavivyo? Sunga nalu, nakondya kuzifisiliza. Hambi nha yo nene mono nakupela vilungo ho wugongomeze makaya gono gena magomawakali, gawe matongo.

Isaya 7:16

Ninga hamba na lono vilo vivyo vikali nafika, i zi'si ze watemi wawo wejete Lezini na Peka, wono wakukogofya, zolowa zakondya kulekwa zili bwete.

Isaya 7:8

Ku sokoci? Yili vilungo yicize Damesiki, na vyono likaya lyayo liwaha hamonga ne Damesiki yeneco, nha yisina vilungo yicize mutemi Lezini. Nayo Isilayeli mu myaka makumi mutandatu ne 'hano, yowa yakondya kupondangwa yilece kuwa yikungugo.

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Yelemiya 49:2

Ninga cipango cikuza cono nilawanoza i wanhu we likaya lya Laba, wahulice nyhinyinho yo wulugu, nayo yolosigala matongo du, sunga ne vitumbi vyayo vyose, vyolokongojezezwa lukulu. Hanyuma Isilayeli, woloyisola kanyhi yisi yawo, mu wulawa mu miwoko ya wono wali wayiboka.

Mika 1:6

Muwaha Mulungu yakutya, “Holeka ku soko yiyo, nane noyinoza Samaliya, yiwe nha matongo go wongomezwe, mu yisi ye lihala, i hanhu hono hakuwa kupanhwa mizabibu. Nogagwisa makaya, ne mabwe gayo nogataga mwi'lolo, noyileka misinji yayo yili bwete.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Zakaliya 9:1

Ayi yo nghani yono yikulawa kuli Muwaha Mulungu. Muwaha Mulungu yakalavya lilajilizo lyo wulipicizwe we yisi ya Hadelaki, ne likaya lya Damesiki. Ninga wulipicizwe wuwo si wowa so zimhuga ze Waisilayeli du, langa hamonga ne likaya lya Siliya, likaya lyo Muwaha Mulungu.

Metumo ge Watumwa 9:2

yakalomba yapegwe baluwa, zono zosuma kumumanyiza kuli matang'anilo go wuhembelo ge Wayahudi ga ku Damesiki, kolo yakuwawona wanhu wono wakuyityatya i Nzila yo Muwaha i walume ne wacekulu, yawebate no kuwaleta ku Yelusalemi.

Wukumbucize wo Wulajilize 13:16

Hanyuma wukonghole sawo yawo yose ya mwi'kaya lilyo, wuyilundice yose hamonga mu nzila, hanyuma wuyikongoje no moto hamonga ne likaya lyayo, viwe cilavywa kuli Muwaha Mulungu, u Mulungu wenyu. Nalyo likaya lilyo likale vye 'tongo cibitilila, na hamba si lyolozengwa kanyhi.