Isaya 16:3 - Luganuzi Luswanu Kuli Wanhu Wose 2002

³ Nawo wakuwalonjela wanhu wa Yuda wakutya, “Ale mucilonjele zono citume. Mucicitile nho mubici wono wukung'unhice mahamha gayo mu misi mugati, mucilece cicehe mu mubeho wenyu. Hambi ase nha cili wahamizi, holeka muciwice i hanhu hono munhu yunji si kosuma kuciwona.

Isaya 16:3 ပူးပေါင်းရင်းမြစ်များ

1 Watemi 18:4

na lono Yezebeli yawawulagaga i wawizi wo Muwaha Mulungu, mwene Obadiya yakawahundika wawizi wanji mu zimhango, waficile wawizi yigana limonga. Yakawatemanula wakawa mu mapuga mejete ga wanhu makumi mahano mahano, yakawa yakuwalisa ne zindigwa mumo mu zimhango zizo, hamonga ne malenga go kung'wa.

Isaya 1:17

mwiyijize ku wituma ziswanu. Mwitume zo wiling'ano, muwataze wono wakwiwonelwa, muwapele ze ling'ani i wana wono wasina walezi, muwataze i wacekulu wafwile mu zinghani zawo.”

Isaya 25:4

I waciwa hamonga na wono wasina wutazi wose wakutiziza kuli'gwe nawo wakuwa wapolile mu vilo vyo wugaye. Kuwacitilaga mu mubeho yo mukukunzo, kanyhi kuwacehezaga mu mbeho mwi'zuwa likali. Ne wanhu wagazi, wahungucilaga, wenha libeho likali lyo mukukunzo.

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

Isaya 58:7

Muwagawile zindigwa wono wali nzala, muwalete ku zikaya zenyu i waciwa wono wasina wikalo. Muwagawile vivwalo wono wasina co kuvwala. Na kanyhi mweze wahidimbazi kuwataza wandugu zenyu.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Danyeli 4:27

Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Zakaliya 7:9

“Ane nawapela i wanhu wangu malajilizo gaga, ku wulawa katali, nghawatya, ‘Ale, mulanjilile mwitume ze ling'ani, kanyhi mweze mwina wendo no lusungu, kuli munhu no muyagwe.

Matayo 25:35

Hambi nha nali ndabuce, nanye mukamhela ndigwa, nali nghaluce, nanye mukamhela malenga, nali mujenzi, ninga anye mukambocela,

Wahebelaniya 13:2

Mulece kusemwa kuwacemela wajenzi; hambi mu wituma nhavivyo, wanji nha wawacemela i wamalayika wula kumanya.

Walamuzi 9:15

Nawo mukungugu wukaputula wukatya, ‘Hone mbeka mukusaka niwe mutemi wenyu, ale muze mucehe mu mubeho wangu. Ninga hono mulece kunoza nhavivyo, moto wolawila mu manhambi gangu ge mamiya, no kutakamiza mihagata yose ya Lebanoni.’ ”