Isaya 16:2 - Luganuzi Luswanu Kuli Wanhu Wose 2002

² Nawo walindiye ha nhumbi ye likolongo lya Alinoni, wakupilima-pilima wenha zindeje zono wazikumuliye manhuli gazo.

Isaya 16:2 ပူးပေါင်းရင်းမြစ်များ

2 Watemi 3:4

Nayo Mesha u mutemi wa Mowabu, yali mudima ngholo, nayo yakawa yakumupela mwaka na mwaka, Ahabu u mutemi wa Isilayeli, cipegwa ca ngholo elufu yigana limonga, hamonga no wusinga wa ngholo elufu yigana limonga.

Zimbazi 26:2

Nawo wulijitwe wono wusina soko, si womugwila munhu, langa hono wuwe wina soko yayo. Hambi nha wowa wihwanile zindeje, zono zigulukaga ako na ako, hamba kutula ng'o.

Zimbazi 27:8

No munhu mono sikekalaga ha kaya yakwe yatule, yehwanile ndeje yono yikuyumba-yumba ako na ako, kutali ne linhuli lyayo.

Isaya 13:14

“I wajenzi wono wekaye ku Babiloni, wolomangha watizize ku zi'si zawo, hambi nha wolowa weyagaye nhe zinhemanyika zono zikutiza ho ziponye mu miwoko ye wapelembi. Kanyhi nha kotya ngholo zono zisina mudimi.

Yelemiya 48:20

Nawo womulonjelenyi watye, ‘Mowabu yakondya kugwa.’ ‘Holeka wose muyililile, hambi nha yakozwa cevu. Muyanzalikaje nghani yiyi ku Alenoni, muwalonjele nha vyono Mowabu yahodanjika!’

Yelemiya 48:46

Woyi hee kuli'nye nyo wanhu wa Mowabu! Nyo wanhu mono mwamuhembaga Cemoshi, alu mongomezwa. Ne wana wawo we cilume hamonga na we cicekulu, wose wasolwa nha wafungwa.

Yelemiya 48:9

Wuyiwicilaje Mowabu libwe lye cikumbucizo, hambi nha yokongomezwa musunho. Ne makaya gayo golekwa matongo du. Holowa hasina munhu wo wose, mono kolokwikala mumo kanyhi.”

Wuwale 21:29

Woyi he anye mo wanhu wa Mowabu. Anye mono muhembaga mulungu Cemoshi, alu mongomezwa! Mulungu wenyu yawambuza wanhu waweza watizizi. Ne wacekulu nawo wasolwa mateka no mutemi we Waamoni.

Wukumbucize wo Wulajilize 2:36

Nayo Muwaha Mulungu, u Mulungu wetu, yakacipela wusume, cikagateka makaya gose ku wulawilila ku Aloweli, mu mwejelele we lilolo lya Alinoni, sunga ko kwi 'kaya lyono lyali lili haciligati ye lilolo, sunga ko ku Gileyadi. Kanyhi hakawa hasina yikaya lyo lyose, lyono likawa na majinji gono gakamile muno, gono gali gacizize vilungo vyetu, lyono lyacifutila.

Wukumbucize wo Wulajilize 3:12

“Nase cali ceza kukondya kuvisola vinhu vyose vya mu yisi, nghawa kuwagawila wo mulango wa Lubeni na wa Gadi, yisi yo lubavu lwa kusumuka, likaya lya Aloweli behi ne likolongo lya Alinoni, ne nusu ye yisi ye matunda ya Gileyadi hamonga ne vitumbi vyayo.

Wukumbucize wo Wulajilize 3:8

“Na mwi'pango lilyo du, cikayisola yisi ya ku lubavu lwa kucilima ye likolongo lya Yoludani, mu wulawa mu wawo watemi wejete we Waamoli, ku wulawilila likolongo lya Alinoni sunga ko kwi'tunda lya Helemoni.

Yoshuwa 13:16

Ne yisi yawo yali yibitile sunga ko ku Aloweli (Mu mwejelele we lilolo lya Alinoni) hamonga ne likaya lya haciligati ye lilolo, yisolile ne yisi yo wuhihi, yono vidomile ne Madeba.

Walamuzi 11:18

Nawo wali weza kulawa baho, wakajendelela no muhinzo wawo, wakakolela mu nyika, wakuyipilima yisi ya Edomu ne yisi ya Mowabu, wakabita sunga ko ku lubavu lwa kucilima, ye yisi ya Mowabu, ku lubavu luyagwe lwe likolongo lya Alinoni. Wakayisimya nghambi yawo kuko, ninga si walilowoka likolongo lya Alinoni yaye. Hambi nha wali wo mupaka wa Mowabu.