Isaya 15:7 - Luganuzi Luswanu Kuli Wanhu Wose 2002

⁷ Nawo wanhu hono wakulowoka likolongo lye mibici ye miyelezi, wavilowose vinhu vyawo kuko, waviponye.

Isaya 15:7 ပူးပေါင်းရင်းမြစ်များ

Isaya 10:14

Ne makungugo gose ga mono'nze, gakawa nha manhuli ga ndeje, nghakongholeza zisawo zose mu nzila mhelu du, kotya munhu mono yakutondola magangha. Hamba hasina mono yagolola libawa, hamba mono yanyhenjela lwanji!”

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Isaya 15:8

Ne cililo cikuhulikwa mu mipaka yose ya Mowabu. Cililo cikuhulikwa mu vikaya vya Egilayimu na Beyelelimu.

Isaya 30:6

Ayi nayo yo nghani yo Mulungu kuli vilimu vyose vyono vikaye mu nyika yo lubavu lwa kutakama, yakutya, “I wawaha wa Yuda, wajendaga muhinzo mutali, wakukola mu yisi yono yina mbali nyinji, i hanhu hono gekalaga masimba, mono mogali mazoka gono gena sumu nghali muno, hamonga ne mazoka gono gagulukaga. Wakukola mumo akuno ho wapaciye ne vinhu vyo wuguzi wukamu muno mu zindogowe na mu zingamiya zawo, ho walitegulile vipegwa likungugo lyono si lyosuma hamba kuwapela wutazi wo wose yaye.

Isaya 5:29

Ne wasilikale wawo, wowa kukoloma nha simba zono ziwulaje mhelembo, alu ziyidinghuye, zikulajila nha vyono, hasina munhu wo wose, mono kosuma kuziboka yaye.

Yelemiya 48:36

“Holeka nhumbula yangu yikutamika muno ku soko ya Mowabu, hamonga ne wanhu wa ku Kili-helesi, nho munhu mono yakutowa lwimbo lwe maziko mu fuluti. Hambi i vinhu vyose vyono wali wena navyo, nha vyakondya kwajilila.

Walawi 23:40

Na mwi'zuwa lilyo, musole mikalo yinji miswanu ya mu mibici yenyu, ne manhambi ge mitende, ne manhambi ge mibici, gono gena mahamha menji, ho muwe kwanza kunoza sikukuu ze cidini, so kumupela cogopo u Muwaha Mulungu wenyu.