Isaya 15:5 - Luganuzi Luswanu Kuli Wanhu Wose 2002

⁵ Nane nhumbula yangu yikuyikalalila muno Mowabu! Hambi wanhu wayo nha wakondya kutiziza ku cikaya ca Zowali, na ku Egilati-shelishiya. Wanji watiziza ku Luhiti, akuno wakujenda wakulila. Wanji watiziza ku Holonayimu wakulila wazozize.

Isaya 15:5 ပူးပေါင်းရင်းမြစ်များ

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Mwamulizo 14:2

watemi wawo wose wakawa kwigaluka, wakawa kwihoma na Bela u mutemi wa Sodoma, Bilisha u mutemi wa Gomola, Shinabu u mutemi wa Adima, Shemebeli u mutemi wa Zeboyimu, no mutemi wa Bela (Yo Sowali.)

Mwamulizo 19:22

Ninga, le, wiyohaje mbela mbela. Wutizize kuko, nane sinonoza cinji co cose, sunga kolo wakondya kufika ku cikaya cico.” Holeka i cikaya cico cikacemwa Sowali, vyono Loti mweneco yacitya cikaya cidodo.

2 Samwili 15:23

Ne wanhu wa mu yisi yose, wakalila muno muno, lono mutemi yawukaga hamonga ne wanhu wakwe. Mutemi yakalowoka cikolongo ca Kediloni hamonga ne wanhu wakwe, wakajendelela wakakolela nzila ya mu nyika.

2 Samwili 15:30

Mutemi Dawudi yakawa kujendelela no muhinzo wakwe, yakakolela mucanyha ye litunda lya Mizeyituni, akuno yakulila, yasina ne malatu mu magulu gakwe, yegubice no mutwe wakwe, so wusungu wuwaha muno muno. Sunga ne wanhu wose wono yali yena nawo, nawo wakayigubika mitwe yawo wakalila muno.

Isaya 16:14

Ninga kanyhi aluno Muwaha Mulungu yakutya, “Na mu myaka midatu du, sawo yose ya Mowabu, yowa yamalika. Ne wanhu wakwe wose wofwa, langa wosigala wanhu wacefu du, ninga nawo wawo wono wosigala, wowa wasoceye muno.”

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Yelemiya 17:16

Ninga agwe go Muwaha Mulungu, agwe go mweneco, wumanyile nha vyono, ane si calongana nagwe, ho wuwaletele wongomezwe wanhu wawa. Hamba si nakulomba ho wuwaletele lizuwa lye magazo yaye. Ninga agwe wuzimanyile zose zono nalonga.

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Yelemiya 4:20

Ligazo ali likuza, hanyuma linji nalyo likutyatya, sunga ne yisi yose nhondo, yalekwa matongo du. Ne mahema getu gongomezwa musunho, ne mapaziya getu gademulwanga vitema vitema.

Yelemiya 48:3

Nawo i wanhu wa ku Holonayimu wakulila muno wakutya, ‘Wuwulaji! Wongomezwe!’

Yelemiya 48:5

Kanyhi wuhulice sunga ne cililo mu nzila, ce mazi gawo go wukalale, cibitile sunga ko ku Luhiti, i makaya ge magayo, sunga ko ku Holonayimu.

Yelemiya 50:46

Na kolo Babiloni yakondya kugwa, yisi yolocicimila lizi lyo wugwe wuwo, ne cililo cayo colohulikwa kutali, sunga ko ku nghungugo zinji.”

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Wuwale 21:29

Woyi he anye mo wanhu wa Mowabu. Anye mono muhembaga mulungu Cemoshi, alu mongomezwa! Mulungu wenyu yawambuza wanhu waweza watizizi. Ne wacekulu nawo wasolwa mateka no mutemi we Waamoni.